1 ⵓⵛⴰ ⵥⵔⵉⵖ ⴷⴻⴳ ⵓⵊⴻⵏⵏⴰ ⵉⵛⵜ ⵏ ⵍⴻⵄⵍⴰⵎⴻⵜ ⵏⵏⴻⵖⵏⵉ, ⴷ ⵜⴰⵎⴻⵇⵇⵔⴰⵏⵜ ⴷ ⵜⴰⵏⴻⴱⵀⴻⵜ: ⵙⴻⴱⵄⴰ ⵏ ⵍⵎⴰⵍⴰⴽⴰⵜ ⵏⵏⵉ ⴷⴷ-ⵉⵡⵢⴻⵏ ⵙⴻⴱⵄⴰ ⵏ ⵊⵊⵔⴰⵢⴻⵃ ⵜⵉⵏⴻⴳⴳⵓⵔⴰ, ⵎⵉⵏⵣⵉ ⵉⴽⵎⴻⵍ ⵣⵣⴰⵢⵙⴻⵏⵜ ⵡⴻⵖⴹⴰⴱ ⵏ ⴰⵔⴻⴱⴱⵉ. ◘15:1 ⵉⵥⵀⴷ. 7:12; ⴰⵙⴰ. 11:14.

2 ⵓⵛⴰ ⵥⵔⵉⵖ ⵛⴰ ⵉⵜⵜⴻⵎⵛⴰⴱⴻⵀ ⴷⵉ ⵍⴻⴱⵃⴰⵔ ⵏ ⵣⵣⴰⵊ, ⵡⴻⵏⵏⵉ ⵉⵅⴻⴵⴹⴻⵏ ⴰⴽ-ⴷ ⵜⵎⴻⵙⵙⵉ, ⵓⵛⴰ ⵉⵏⵏⵉ ⵉⵖⴻⵍⵍⴱⴻⵏ ⵅ ⵍⵡⴻⵃⵛ ⴷ ⵍⴻⵅⵢⴰⵍ ⵏⵏⴻⵙ ⴷ ⵏⵏⵓⵎⵔⵓ ⵏ ⵢⵉⵙⴻⵎ ⵏⵏⴻⵙ, ⴱⴻⴷⴷⴻⵏ ⵅ ⵍⴻⴱⵃⴰⵔ ⵏ ⵣⵣⴰⵊ, ⵖⴰⵔⵙⴻⵏ ⵍⵀⴰⵔⴱⴰⵜ ⵏ ⴰⵔⴻⴱⴱⵉ.◘15:2 ⴰⵙⴰ. 4:6; ⵎⵉⵅⴰ 7:18. 3 ⵏⵉⵜⵏⵉ ⵖⴻⵏⵏⵊⴻⵏ ⵉⵣⵍⵉ ⵏ ⵓⵚⴻⴱⴱⴻⵃ ⵏ ⵎⵓⵙⴰ, ⴰⵎⵙⴻⵅⵅⴰⵔ ⵏ ⴰⵔⴻⴱⴱⵉ, ⴷ ⵢⴻⵣⵍⵉ ⵏ ⵓⵚⴻⴱⴱⴻⵃ ⵏ ⵢⴻⵣⵎⴰⵔ, ⵇⵇⴰⵔⴻⵏ:

“ⴷ ⵜⵉⵎⴻⵇⵇⵔⴰⵏⵉⵏ ⴷ ⵜⵚⴻⴱⵃⴰⵏⵉⵏ ⵍⴻⵅⴷⴰⵢⴻⵎ ⵏⵏⴻⵛ,

ⴰ, ⵙⵉⴷⵉ ⴰⵔⴻⴱⴱⵉ, ⴰⵎⵣⴻⵎⵎⴰⵔ ⵅ ⴽⵓⵍⵛⵉ,

ⵍⴻⵅⴷⴰⵢⴻⵎ ⵏⵏⴻⵛ ⴷ ⵜⴰⵙⴻⴳⴷⴰ ⴷ ⵜⵉⴷⴻⵜⵜ,

ⴰ ⴰⵊⴻⴵⵉⴷ ⵏ ⵏ ⵣⵣⵎⴰⵏⴰⵜ! ◘15:3 ⵓⴼ. 15:1-21; ⴰⵄⵡⴷ. 32:1-44; ⵉⵥⵀⴷ. 111:2; 139:14; 145:17.

4 ⵎⴰⵏ ⵡⴻⵏ ⵡⴰⵔ ⵛⴻⴽ ⵉⵜⵜⴻⴳⴳⵯⴻⴷⴻⵏ, ⴰ ⵙⵉⴷⵉ,

ⵎⴰⵏ ⵡⴻⵏ ⵡⴰⵔ ⵉⵙⵙⴻⵎⵖⴰⵔⴰⵏ ⵉⵙⴻⵎ ⵏⵏⴻⵛ?

ⵛⴻⴽ ⵡⴻⵃⵃⴷⴻⴽ ⵉ ⵉⴵⴰⵏ ⴷ ⴰⵎⴻⵣⴷⴰⴳ ⵇⴰⵄ,

ⵎⴰⵖⴰⵔ ⵎⴰⵔⵔⴰ ⵍⴻⴳⵏⵓⵙ ⴰⴷ ⴷⴷ-ⴰⵙⴻⵏ,

ⴰⴷ ⵙⴻⵊⴷⴻⵏ ⵣⵣⴰⵜⴻⴽ,

ⵎⵉⵏⵣⵉ ⵛⴻⴽ ⵜⴱⴰⵏⴻⴷ ⴷ ⴰⵎⵙⴻⴳⴳⴻⴷ

ⴷⵉ ⵍⴻⵃⴽⴰⵎⴰⵜ ⵏⵏⴻⵛ.” ◘15:4 ⵉⵔⵎ. 10:6, 7; ⵣⴰⴽ. 14:16-20

5 ⴰⵡⴰⵔⵏⵉ ⴰⵙ ⵥⵔⵉⵖ, ⴰⵇⴰ ⵜⴻⵏⵏⵓⵔⵣⴻⵎ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⵏ ⵜⵣⴻⴷⴷⵉⵖⵜ ⵏ ⵛⵛⵀⴰⴷⴻⵜ ⴷⴻⴳ ⵓⵊⴻⵏⵏⴰ ◘15:5 ⴰⵙⴰ. 11:19. 6 ⵓⵛⴰ ⵙⴻⴱⵄⴰ ⵏ ⵍⵎⴰⵍⴰⴽⴰⵜ ⵏⵏⵉ ⵖⴰⵔ ⴵⴰⵏⵜ ⵙⴻⴱⵄⴰ ⵏ ⵊⵊⵔⴰⵢⴻⵃ ⴼⴼⵖⴻⵏⵜ-ⵉ-ⴷⴷ ⵣⵉ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ, ⵢⴰⵔⴹⴻⵏⵜ ⵍⴻⵇⵟⴻⵏ ⴰⵣⴷⴰⴷ ⵉⵣⴷⵉⴳⴻⵏ ⵉⵜⵜⵉⵙⵙⵉⵇⴻⵏ, ⵓⵛⴰ ⵖⴰⵔⵙⴻⵏ ⵅ ⵉⴷⵎⴰⵔⴻⵏ ⵉⵊⵊ ⵏ ⵡⴻⴱⵢⴰⵙ ⵏ ⵡⵓⵔⴻⵖ. ◘15:6 ⴰⵙⴰ. 1:13. 7 ⵓⵛⴰ ⵉⵊⵊⴻⵏ ⵣⵉ ⴰⵔⴻⴱⵄⴰ ⵏ ⵉⵎⵓⴷⴷⴰⵔⴻⵏ ⵉⵡⵛⴰ ⴰⵙⴻⵏ ⵉ ⵙⴻⴱⵄⴰ ⵏ ⵍⵎⴰⵍⴰⴽⴰⵜ ⵙⴻⴱⵄⴰ ⵏ ⵟⵟⴰⵡⵢⴰⵜ, ⵛⵛⵓⵔⴻⵏⵜ ⵙ ⵡⴻⵖⴹⴰⴱ ⵏ ⴰⵔⴻⴱⴱⵉ, ⵡⴻⵏⵏⵉ ⴷ ⵜⵓⴷⴰⵔⵜ ⵉ ⵍⴻⴱⴷⴰ ⵇⴰⵄ. “ⴰⵎⵉⵏ!” 8 ⵓⵛⴰ ⵜᵉⵜⵜⵡⴰⵄⴻⵎⵎⴰⵔ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⵙ ⴷⴷⴻⵅⵅⴰⵏ ⵉ ⴷⴷ-ⵉⵜⵜⴻⴼⴼⵖⴻⵏ ⵣⴻⴳ ⵓⵄⵓⴵⵉ ⵏ ⴰⵔⴻⴱⴱⵉ ⵓ ⵣⵉ ⵊⵊⴻⵀⴷ ⵏⵏⴻⵙ. ⵓⵍⴰ ⴷ ⵉⵊⵊⴻⵏ ⵡⴰⵔ ⵉⵣⴻⵎⵎⴰⵔ ⴰⴷ ⴷⴷ-ⵢⴰⴷⴻⴼ ⵖⴰⵔ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⴰⵍ ⵖⴰ ⴽⴽⴻⵏⵜ ⵇⴰⵄ ⵙⴻⴱⵄⴰ ⵏ ⵊⵊⵔⴰⵢⴻⵃ ⵜⵉⵏⵏⵉ ⴷⴷ-ⵉⵡⵢⴻⵏ ⵙⴻⴱⵄⴰ ⵏ ⵍⵎⴰⵍⴰⴽⴰⵜ. ◘15:8 ⵓⴼ. 40:34; 1 ⵉⵊ. 8:10; 2 ⵉⵎ. 5:14; ⵉⵛⴰ. 6:4.