38
Olaṉia Zihova se Zobi
Meke pa korapa raneboṉi si olaṉa mae koe Zobi se Zihova. Zama si Asa:
“Esei si agoi pude zama sapu lopu toṉoto sari na Qua tinavete,
koari na mua zinama sapu hoborodi?
Turu va nama guana tie;
Maqu nanasa atu ni kaiqa ninanasa,
meke kaqu olaṉa Au agoi.
 
Pavei koa goi totoso podalae kuria Rau sa kasia popoa?
Tozi Nau be guana ele gilania goi.
Esei pada vura nia sa ululuna, labena, meke gelena?
Esei va nadoro karovo nia sa iku koa sa?
Tumae ni goi sari doduru inolaṉa?
Pavei turu sari dedegerena?
Esei va hokotia sa vasina sapu podalae hake sa,
sipu korapa kera sari na pinopino pana munumunu,
meke sari na mateana si kukili qetuqetu?
 
Esei kopu nia sa kolo hokara pa nana voloso,* Zer 5:22
totoso puzaka vura si asa pa pinodalaena,
totoso va pokoa Rau sa kolo koari na lei
meke hade nia hinuporo moatana,
10 totoso vekoi Rau sari voloso tanisa,
gua sa goba ululuna pa vasileana sapu soto ni tukutuku meke rorotoana rini?
11 Totoso zama si Rau, ‘Tani si kote kamo goi meke lopu hola;
tani kaqu noso sari na mua bogusu ṉiṉiradi.’
 
12 Vegua, ele hoke garunia goi sa munumunu pude mae,
babe tozi nia sa vaqavaqasa sa nana totoso,
13 pude va kalalasa i sari hukihukirina sa kasia popoa
meke va govete i sari na tie kaleadi koasa kalalasa?
14 Sa kalalasa si va vura maei sari na toqere na lolomo,
va bakala ia sa kinehana sa kasia popoa;
guana polodi rina poko si asa.
15 Sa minate si hukatia sa kalalasa koari na tie kaleadi,
sa limadia sapu avaṉa ni pude seke si noso.
 
16 Ele hebala kamoa goi sa vasina totolo vura mae sa kolo hokara pa lamana?
babe vilitia goi sa lohina gua sa lamana peava?
17 Vea ele tava dogoro nia goi sa sasada la pa minate?
Ele dogoria goi sa sasada la pa hinuporo?
18 Ele balabala kamoa goi vea noma gua sa kasia popoa?
Tozi Nau be guana ele gilani goi sari doduru hire.
 
19 Vegua gilania goi sa siraṉa la pa vasina koa sa kalalasa,
meke sa vasina koana sa huporo?
20 Boka turaṉa vura ni goi pude la pa dia vasina,
meke va dogoro ni sa siraṉa pule la pa dia vetu?
21 Hokara ele gilania goi, sina ele podo si agoi totoso asa!
Ele koa seunae mua tu si goi soku vuaheni kamahire!
22 Vegua ele kamoi goi sari vasidi hoke tava naqiti sa sinou
babe dogori sari losedi rina ruku aesi?
23 Ele va nama vekoi Rau si arini tana totoso tasuna,
pude tadi na totoso vinaripera.
24 Avei sa siraṉa la koasa vasina hoke garunu taloa ni Arau sari na kapi,
babe sa vasina tanisa givusu mae gua pa kali gasa rimata?
25 Esei gelia sa lolomo pude nama nia sa ruku lovua,
meke sa siraṉa tanisa ruku nomana meke na paka maṉauru,
26 pude va bobosia sa pepeso vasina loke tie koa ia,
na popoa qega sapu loke tiena,
27 pude ponia kolo sa pepeso popana meke kaleanana,
meke va toqolo nia duduli?
28  Vea koa nana si Asa pu va hoqana sa ruku?
Vea koa nana tu si Asa pu va boboso nia puni sa pepeso?
29 Esei tavetia sa aesi, gua sa barikaleqe sapu podo koburu?
Esei podoa sa ibu sapu mae guana pa maṉauru,
30 totoso ṉira guana patu sa kolo,
meke totoso ṉira sa beru kolo pa lamana?
 
31 Boka pusi varigara ni goi sari ka zuapa pinopino ta pozae Peliadesi,* Zob 9:9; Em 5:8
babe rupahi sari iku pu pusidi sari na pinopino ta pozae Orioni?
32 Boka turaṉi goi sari pinopino pa dia siraṉa pude vura,
babe turaṉi sari pinopino Bea Nomana* Bea d nomana si ta pozae “Ursa Major” meke Bea hitekena si ta pozae, “Ursa Minor.”meke Bea Hitekena?
33 Vea boka kopu nia goi sa popoa pepeso
gua sapu kopu nia Tamasa sa galegalearane?
 
34 Boka kukili meke garunu la i goi sari na lei,
pude ruku va boboso igo?
35 Vea, garuni agoi sari na kapi pude malakapi,
meke hoke pule mae koa goi sarini pude nanasa, ‘Pavei pule, ta palabatu,’ gua?
36 Esei taveti sari na lei, ke gilania rini sa totoso pude va hoqa sa ruku,
meke esei va tumatumae i sari rovu pude sage?* Sa Hiburu koasa vesi hie si tasuna. Kaiqa iniliri pule si zama, “Esei si ponia sa ginilagilana lohina koasa bulo? Esei si ponia ginilagilana pa binalabala.”
37 Esei tagoa sa ginilagilana pude naei sari na lei,
meke esei boka zoropo ni pude va hoqa ia sa ruku;
38 totoso popa na ṉira sa kosiri,
meke va kabukabue ia sa pepeso?
 
39 Agoi boka hukue ponia ginani sa laione mamaqota,
meke va deṉai sari na tuna laione,
40 totoso koa tome sari pa bae,
babe opo aqa koari na duduli nomadi?
41 Esei ponia ginani sa kurukuru tapuru pozana Raveni,
totoso ene lamae ari tuna pa inovia meke kabo vura mae koa Rau?

*38:8 Zer 5:22

*38:31 Zob 9:9; Em 5:8

*38:32 Bea d nomana si ta pozae “Ursa Major” meke Bea hitekena si ta pozae, “Ursa Minor.”

*38:36 Sa Hiburu koasa vesi hie si tasuna. Kaiqa iniliri pule si zama, “Esei si ponia sa ginilagilana lohina koasa bulo? Esei si ponia ginilagilana pa binalabala.”