40
40-küy •••• Bésharet — Dawutning ewladi bolghan Qutquzghuchi-Mesih, Dawut arqiliq kélidu
1 Dawut yazghan küy: —
 
Perwerdigargha telmürüp, küttüm, küttüm;
U manga égilip peryadimni anglidi.
2 U méni halaket orikidin,
Shundaqla patqaq laydin tartiwaldi,
Putlirimni uyultash üstige turghuzup,
Qedemlirimni mustehkem qildi.
3 U aghzimgha yéngi naxsha-munajatni,
Yeni Xudayimizni medhiyileshlerni saldi;
Nurghun xelq buni körüp, qorqidu,
Hem Perwerdigargha tayinidu.
4 Tekebburlardin yardem izdimeydighan,
Yalghanchiliqqa ézip ketmeydighan,
Belki Perwerdigarni öz tayanchisi qilghan kishi bextliktur!
5 I Perwerdigar Xudayim,
Séning biz üchün qilghan karametliring we oy-niyetliringni barghanséri köpeytip, san-sanaqsiz qilghansen,
Kimmu ularni bir-birlep hésablap Özüngge rehmet qayturup bolalisun!
Ularni sözlep bashtin-axir bayan qilay désem,
Ularni sanap tügitish mumkin emes.□«Kimmu ularni bir-birlep hésablap özüngge rehmet qayturup bolalisun!» — bashqa birxil terjimisi: «Kimmu Sanga tengdash bolup séni tosalisun?!».
6 Ne qurbanliq, ne ash hediyeler Séning telep-arzuyung emes,
Biraq Sen manga sezgür qulaqlarni ata qilding;
Ne köydürme qurbanliq, ne gunah qurbanliqini telep qilmiding;□«...Sen manga sezgür qulaqlarni ata qilding» — bashqa birxil terjimisi bolushi mumkin: «sen méning qulaqlirimni sanjiding». Musa peyghember arqiliq chüshürülgen muqeddes qanun boyiche, bir qulning öz xojayinigha menggü xizmette bolghusi bolsa, buni belgilesh üchün xojayin uning quliqigha bigiz sanjiydu («Mis.» 21-babni körüng). Bu xil terjime toghra bolsa, bu Mesihning Xudagha menggülük sadiqliqini bildüridighan sözdur. «Ne qurbanliq, ne ash hediyeler... ne köydürme qurbanliq, ne gunah qurbanliqini telep qilmiding» — «Law.» 1-7-babta telep qilin’ghan besh xil asasiy qurbanliqlarning hemmisi mushu 6-ayette tilgha élinidu.  ■Law. 2:1; 3:1; 4:13; Ibr. 10:5-12
7 Shunga jawab berdimki —
«Mana men keldim!» — dédim.
Oram yazma desturda men toghruluq pütülgen: — □«Oram yazma desturda men toghruluq pütülgen» — «oram yazma destur» Musa peyghemberge chüshürülgen muqeddes qanunni körsitidu.
8 «Xudayim, Séning könglüngdiki iradeng méning xursenlikimdur;
Séning Tewrat qanunung qelbimge pütüklüktur».■Zeb. 37:31; Yesh. 51:7
9 Büyük jamaet arisida turup men heqqaniyliqni jakarlidim;
Mana bularni özümde qilche élip qalghum yoqtur,
I Perwerdigar, Özüng bilisen.■Zeb. 35:18; 111:1
10 Heqqaniyliqingni qelbimde yoshurup yürmidim;
Wapadarliqingni we nijatliqingni jakarlidim;
Özgermes muhebbiting we heqiqitingni büyük jamaetke héch yoshurmastin bayan qildim.
11 I Perwerdigar, méhribanliqliringni mendin ayimighaysen;
Özgermes muhebbiting we heqiqiting herdaim méni saqlighay!
12 Chünki sansiz külpetler méni oriwaldi;
Qebihliklirim méni bésiwélip, körelmeydighan boldum;
Ular béshimdiki chéchimdin köp,
Jasaritim tügiship ketti.
13 Méni qutquzushni toghra tapqaysen, i Perwerdigar!
I Perwerdigar, téz kélip, manga yardem qilghaysen!
14 Méning hayatimgha chang salmaqchi bolghanlar biraqla yerge qaritilip reswa qilinsun;
Méning ziyinimdin xursen bolghanlar keynige yandurulup shermende bolghay.■Zeb. 35:4,26; 70:2; 71:13
15 Méni: — «Wah! Wah!» dep mesxire qilghanlar öz shermendilikidin alaqzade bolup ketsun!
16 Biraq Séni izdigüchilerning hemmisi Sende shadlinip xushal bolghay!
Nijatliqingni söygenler hemishe: «Perwerdigar ulughlansun» déyishkey!
17 Men ézilgen hem yoqsul bolsammu,
Biraq Reb yenila méni yad étidu;
Sen méning Yardemchim, méning azad qilghuchim;
I Xudayim, kéchikmey kelgeysen!
 
 

□40:5 «Kimmu ularni bir-birlep hésablap özüngge rehmet qayturup bolalisun!» — bashqa birxil terjimisi: «Kimmu Sanga tengdash bolup séni tosalisun?!».

□40:6 «...Sen manga sezgür qulaqlarni ata qilding» — bashqa birxil terjimisi bolushi mumkin: «sen méning qulaqlirimni sanjiding». Musa peyghember arqiliq chüshürülgen muqeddes qanun boyiche, bir qulning öz xojayinigha menggü xizmette bolghusi bolsa, buni belgilesh üchün xojayin uning quliqigha bigiz sanjiydu («Mis.» 21-babni körüng). Bu xil terjime toghra bolsa, bu Mesihning Xudagha menggülük sadiqliqini bildüridighan sözdur. «Ne qurbanliq, ne ash hediyeler... ne köydürme qurbanliq, ne gunah qurbanliqini telep qilmiding» — «Law.» 1-7-babta telep qilin’ghan besh xil asasiy qurbanliqlarning hemmisi mushu 6-ayette tilgha élinidu.

■40:6 Law. 2:1; 3:1; 4:13; Ibr. 10:5-12

□40:7 «Oram yazma desturda men toghruluq pütülgen» — «oram yazma destur» Musa peyghemberge chüshürülgen muqeddes qanunni körsitidu.

■40:8 Zeb. 37:31; Yesh. 51:7

■40:9 Zeb. 35:18; 111:1

■40:14 Zeb. 35:4,26; 70:2; 71:13

© 2010 Mukeddes Kalam - Uyghur Bible Translation Committee