35
35-küy •••• Ziyankeshlik hem ahanette qalghanda qilghan dua
1 Dawut yazghan küy: —
I Perwerdigar, men bilen élishqanlar bilen élishqaysen;
Manga jeng qilghanlargha jeng qilghaysen!
2 Qolunggha sipar we qalqan alghin;
Manga yardemge ornungdin turghaysen;
3 Neyzini sughurup, méni qoghlawatqanlarning yolini tosqaysen;
Méning jénimgha: «Men séning nijatliqingdurmen!» — dégeysen!
4 Méning hayatimgha chang salmaqchi bolghanlar yerge qaritilip shermende bolghay;
Manga qest eyligenler keynige yandurulup reswa bolghay.■Zeb. 40:14; 70:2-3
5 Ular goya shamalda uchqan samandek tozup ketkey;
Perwerdigarning Perishtisi ularni tarqitiwetkey! ■Ayup 21:18; Zeb. 1:4; Yesh. 29:5; Hosh. 13:3
6 Ularning yoli qarangghu we téyilghaq bolghay,
Perwerdigarning Perishtisi ularni qoghliwetkey!
7 Chünki ular manga orunsiz ora-tuzaq teyyarlidi;
Jénimni sewebsiz élishqa ular uni kolidi.
8 Halaket tuydurmastin ularning béshigha chüshkey,
Özi yoshurun qurghan torgha özi chüshkey,
Halaketke yiqilghay.
9 U chaghda jénim Perwerdigardin söyünidu,
Uning nijatliq-qutquzushidin shadlinidu!
10 Méning hemme ustixanlirim: — «I Perwerdigar, kimmu Sanga tengdash kélelisun?» — deydu,
— «Sen ézilgen möminlerni küchlüklerning changgilidin,
Ézilgenler hem yoqsullarni ularni bulighuchilardin tartiwélip qutquzisen».
11 Yawuz, yalghan guwahchilar qopup,
Xewirim bolmighan gunahlar bilen üstümdin shikayet qilmaqta.
12 Ular méning yaxshiliqimgha yamanliq qilip,
Méni panahsiz yétim qilip qoyghanidi!
13 Lékin men bolsam, ular késel bolghanda,
Bözni yögep kiyiwaldim;
Ularni dep roza tutup, özümni töwen qildim;
14 Men bu ishlardin dost yaki qérindishimning béshigha chüshken ishqa oxshash meyüslinip yürdum,
Men öz anisigha haza tutqandek, béshimni sélip yürdüm.
15 Biraq men putliship ketkinimde,
Ular xushal bolushup ketkenidi,
Bir yerge jem boldi;
Derweqe jem bolushup mushu zorawanlar manga qarshi chiqishti,
Biraq xewirim yoq idi.
Ular méni pare-pare qilish üchün toxtimay zerbe bérishti.
16 Xuddi bir chishlem poshkal üstide chaqchaq we talash qilghan xudasizlardek,
Ular manga chishlirini ghuchurlitip xiris qilishti.□«Xuddi bir chishlem poshkal üstide chaqchaq we talash qilghan xudasizlardek,...» — bashqa birxil terjimisi: — «Xuddi bir chishlem poshkal üstide chaqchaq we xuddi ezweylep mazaq qilghuchi exlaqsizlardek,...».
17 I Reb, qachan’ghiche perwa qilmaysen?
Jénimni ularning halakitidin qutquzghaysen,
Méning birdinbir hayatimni mushu yirtquch shirlarning aghzidin tartiwalghaysen!
18 Zor jamaet arisida men Sanga teshekkür éytimen;
Nurghunlighan xelq arisida Séni medhiyileymen.■Zeb. 40:9,10; 111:1
19 Yalghan seweb bilen manga reqib bolghanlarni üstümdin shadlandurmighaysen;
Mendin sewebsiz nepretlen’genlerni özara köz qisishturmighaysen!■Yuh. 15:25
20 Ular dostane söz qilmaydu,
Zémindiki tinchliqperwerlerge pitne-ighwa toqumaqta.
21 Ular manga qarap éghizini yoghan échip:
«Way-way! Kütkünimizni öz közimiz bilen körüwalduq!» — déyishidu.
22 I Perwerdigar, Sen bularni körüp chiqting, süküt qilmighaysen;
I Reb, mendin Özüngni yiraqlashturmighaysen;
23 Qozghalghaysen,
Men üchün höküm chiqirishqa oyghan’ghaysen,
I méning Xudayim — Rebbim!
24 Méning ishim üstide öz heqqaniyliqing boyiche höküm chiqarghaysen, i Perwerdigar Xudayim;
Ularni méning ongushsizliqimdin shadlandurmighaysen!
25 Ular könglide: «Wah! Wah! Ejeb obdan boldi!» — déyishmisun;
Yaki: «Uni yutuwettuq!» — déyishmisun.
26 Méning ziyinimdin xushal bolghanlar yerge qaritilip shermende bolghay;
Méningdin özlirini üstün tutquchilarning kiyim-kéchiki xijalet we nomussuzluq bolsun!
27 Méning heqqaniyliqimdin söyün’genler tentene qilip shadlansun!
Ular hemishe: «Öz qulining aman-ésenlikige söyün’gen Perwerdigar ulughlansun!» — dégey.□«Méning heqqaniyliqimdin söyün’genler tentene qilip shadlansun! Ular hemishe: «Öz qulining aman-ésenlikige söyün’gen Perwerdigar ulughlansun!» — dégey» — Dawut peyghember mushu ayette belkim özidin kéyin kélidighan, öz ejdadi bolghan Qutquzghuchi-Mesih toghruluq bésharet béridu.
28 Shu chaghda méning tilim kün boyi heqqaniyliqing toghruluq sözleydu, medhiyilerni yangritidu.
■35:5 Ayup 21:18; Zeb. 1:4; Yesh. 29:5; Hosh. 13:3
□35:13 « ... ular késel bolghanda, bözni yögep kiyiwaldim» — «böz kiyim»ni kiyiwélish (haza tutqandek) özi yaki bashqilar üchün qattiq dua qilishning birxil ipadisi idi. «... duayim bolsa hazir baghrimgha yénip keldi!» — bu ibarining menisi belkim: — (1) Xuda jawab bermigen bolsimu (késel adem saqaymidi), biraq dua qilghuchini beriketlidi; yaki (2) derweqe késel adem saqaydi, biraq qérishqandek dua qilghuchigha ziyankeshlik qildi. Bizningche 2-imkaniyet toghridur.
□35:16 «Xuddi bir chishlem poshkal üstide chaqchaq we talash qilghan xudasizlardek,...» — bashqa birxil terjimisi: — «Xuddi bir chishlem poshkal üstide chaqchaq we xuddi ezweylep mazaq qilghuchi exlaqsizlardek,...».
□35:27 «Méning heqqaniyliqimdin söyün’genler tentene qilip shadlansun! Ular hemishe: «Öz qulining aman-ésenlikige söyün’gen Perwerdigar ulughlansun!» — dégey» — Dawut peyghember mushu ayette belkim özidin kéyin kélidighan, öz ejdadi bolghan Qutquzghuchi-Mesih toghruluq bésharet béridu.