Muqeddes Kalam (latin yéziq) Zebur 45

45-küy •••• Padishahning toy munajiti •••• 1-ayettiki izahatni körüng

1 Neghmichilerning béshigha tapshurulup, «Niluperler» dégen ahangda oqulsun dep, Korahning oghullirigha tapshurulghan, «söyümlük yar üchün» dégen «Masqil» munajat-naxsha: —

Qelbimdin güzel ish toghrisida sözler urghup chiqmaqta;

Padishahqa béghishlighan munajitimni éytimen;

Tilim goya mahir shairning qelimidur;□

2 Insan baliliri ichide sen eng güzeldursen;

Lewliring shapaet bilen toldurulghandur;

Shunga Xuda sanga menggüge rehmet qildi.

3 I büyük bolghuchi,

Qilichingni asqin yéninggha,

Heywiting we shanu-shewkiting bilen!

4 Heqiqet, kemterlik hem adaletni algha sürüshke atlan’ghiningda,

Shanu-shewket ichide ghelibe bilen algha bas!

Shuning bilen ong qolung özüngge karamet qorqunchluq ishlarni körsitidu!■

5 Séning oqliring ötkürdur,

Ular padishahning düshmenlirining yürikige sanjilidu;

Pütün eller ayighinggha yiqitilidu.

6 Séning texting, i Xuda, ebedil’ebedliktur;

Padishahliqingdiki Shahane hasang, adaletning hasisidur.□ ■

7 Sen heqqaniyliqni söyüp, rezillikke nepretlinip kelgensen;

Shunga Xuda, yeni séning Xudaying, séni hemrahliringdin üstün qilip shadliq méyi bilen mesih qildi.□

8 Séning kiyimliringdin murmekki, muetter we darchin hidi kélidu;

Pil chishi sarayliridiki sazendilerning tarliq sazliri séni xursen qilidu. ■

9 Padishahlarning melikiliri hörmetlik kénizekliringning qatarididur;

Xanishing Ofirdiki sap altun zibu-zinetlerni taqap ong qolungda turidu;□

10 «Anglighin, i qizim, körgin, sözlirimge qulaq salghin;

Öz qebileng we ata jemetingni untup qal!

11 Shuning bilen padishah güzel jamalinggha meptun bolidu;

U séning xojang, sen uninggha sejde qil».

12 Tur shehirining qizi aldingda sowgha bilen hazir bolidu;

Xalayiq arisidiki baylar séning shapaitingni kütidu;□ ■

13 Shahane qizning ichki dunyasi pütünley parlaqtur,

Uning kiyimlirimu zer bilen keshtilen’gen;□

14 U keshtilik kiyimler bilen padishahning huzurigha keltürülidu;

Keynidin uninggha qoldash kénizeklermu bille yéninggha élip kélinidu;□

15 Ular xushal-xuram, shadliq ichide bashlap kélinidu;

Ular birlikte padishahning ordisigha kirishidu.

16 «Ata-bowiliringning ornigha oghulliring chiqidu;

Sen ularni pütkül jahan’gha hakim qilisen.□

17 Men séning namingni ewladdin-ewladqa yad etküzimen;

Shunglashqa barliq qowmlar séni ebedil’ebedgiche medhiyileydu».

Zebur
<
45
>

□45:1 «izahat» — gerche bu küy Sulaymanning toy künini tebrikleshke yézilghan bolsimu, uningdiki sözler bésharet bolup, alemning padishahi bolidighan Mesihnimu aldin’ala körsitidu. «padishahqa béghishlighan munajitimni éytimen» — ibraniy tilida «padishahqa béghishlighan esirimni éytimen».

■45:4 Zek. 9:9

□45:6 «Séning texting, i Xuda, ebedil’ebedliktur» — Injildiki «ibraniylargha» dégen qisimda (1-babta) körsetkendek, bu sözler (shundaqla kéyinki 7-ayetkiche) bésharetlik süpette padishahning özige (yeni Mesihke) éytilidu («Ibr.» 1:8-9).

■45:6 Ibr. 1:8

□45:7 «Shunga Xuda ... séni ... shadliq méyi bilen mesih qildi» — «mesih qilish» toghruluq 2-küydiki izahatlarni hem «Tebirler»ni körüng.

■45:8 Yesh. 61:1-2; Ros. 10:38

□45:9 «hörmetlik kénizekliringning qatarididur» — yaki «möhterrem méhmanliringning qatarididur».

□45:12 «Tur shehirining qizi» — Tur shehiridiki puqralarni körsitishi mumkin.

■45:12 Zeb. 72:10-11

□45:13 «Shahane qizning ichki dunyasi pütünley parlaqtur» — bashqa birxil terjimisi: «Padishahning qizi ichki hujrida sherepliktur».

□45:14 «Keynidin uninggha qoldash kénizeklermu bille yéninggha élip kélinidu» — «yéninggha» toy qiliwatqan padishahning yénini körsetse kérek.

□45:16 «Ata-bowiliringning ornigha oghulliring chiqidu; sen ularni pütkül jahan’gha hakim qilisen...» — bu sözler (16- hem 17-ayet) padishahqa biwasite éytilidu.