1 «Yuqirigha chiqish naxshisi»

Chongqur yerlerdin Sanga peryad kötürimen, i Perwerdigar;

2 I Reb, awazimni anglighaysen;

Qulaqliringni yélinish sadayimgha salghaysen;

3 Eger Sen Yah, qebihliklerni sürüshtürüp sanisang,

Emdi Reb, kim tik turalaydu?■Zeb. 143:2

4 Biraq Sende meghpiret-kechürüm bardur;

Shunga Sendin eyminishke bolidu.■2Sam. 24:14

5 Perwerdigarni kütüwatimen;

Jénim kütüwatidu;

Uning sözige ümid baghlidim.■Zeb. 27:14; 40:1; 62:1; Hab. 2:3

6 Tün jésekchilirining seherge bolghan teshnasidin artuq,

Berheq, tün jésekchilirining seherge bolghan teshnasidin artuq,

Jénim Rebke teshna bolup kütmekte.■Zeb. 5:3; 119:147; 123:1, 2

7 I Israil, Perwerdigargha ümid baghlanglar;

Chünki Perwerdigarda özgermes muhebbet bardur;

Uningda zor nijatliqlarmu bar;

8 U Israilni barliq qebihlikliridin bedel tölep qutquzidu.