6
Ⱨǝmmǝ adǝm ⱨayatning lǝzzitini tetiyalmaydu
1 Ⱪuyax astida bir yaman ixni kɵrdum; u ix adǝmlǝr arisida kɵp kɵrülidu —
2 Huda birsigǝ bayliⱪlar, mal-dunya wǝ izzǝt-ⱨɵrmǝt tǝⱪsim ⱪildi, xuning bilǝn uning ɵz kɵngli haliƣinidin ⱨeqnǝrsisi kǝm bolmidi; biraⱪ Huda uningƣa bulardin ⱨuzur elixⱪa muyǝssǝr ⱪilmidi, bǝlki yat bir adǝm ulardin ⱨuzur alidu; mana bu bimǝnilik wǝ eƣir azabtur.
3 Birsi yüz bala kɵrüp kɵp yil yaxixi mumkin; biraⱪ uning yil-künliri xunqilik kɵp bolsimu, uning jeni bǝhtni kɵrmisǝ, ⱨǝtta gɵrni kɵrmigǝn bolsimu, tuƣulup qaqrap kǝtkǝn bowaⱪ uningdin ǝwzǝldur dǝymǝn. □«ⱨǝtta gɵrni kɵrmigǝn bolsimu,...» — demǝk, u ɵlmǝydu. Baxⱪa birhil tǝrjimisi: «wǝ yaki dǝpnǝ ⱪilinmiƣan bolsa,...». 4 Qünki qaqriƣan bala bimǝnilik bilǝn kelidu, ⱪarangƣuluⱪta ketidu, ⱪarangƣuluⱪ uning ismini ⱪaplaydu; 5 U künnimu kɵrmigǝn, bilmigǝn; biraⱪ ⱨeq bolmiƣanda u birinqisigǝ nisbǝtǝn aram tapⱪandur.■Ayup 3:16; Zǝb. 58:7-8
6 Bǝrⱨǝⱪ, ⱨeliⱪi kixi ⱨǝtta ikki ⱨǝssǝ ming yil yaxiƣan bolsimu, biraⱪ bǝhtni kɵrmisǝ, ǝⱨwali ohxaxtur — ⱨǝrbir kixi ohxax bir jayƣa baridu ǝmǝsmu?
Jawabsiz soallar
7 Adǝmning tartⱪan barliⱪ japasi ɵz aƣzi üqündur; biraⱪ uning ixtiⱨasi ⱨǝrgiz ⱪanmaydu. 8 Xundaⱪta dana kixining ǝhmǝⱪtin nemǝ artuⱪqiliⱪi bolsun? Namrat kixi baxⱪilar aldida ⱪandaⱪ mengixni bilgǝn bolsimu, uning nemǝ paydisi bolsun? 9 Kɵzning kɵrüxi arzu-ⱨǝwǝsning uyan-buyan yürüxidin ǝwzǝldur. Bundaⱪ ⱪilixmu bimǝnilik wǝ xamalni ⱪoƣliƣandǝk ixtur. 10 Ɵtüp kǝtkǝn ixlarning bolsa alliⱪaqan nami bekitilip atalƣan; insanning nemǝ ikǝnlikimu ayan bolƣan; xunga insanning ɵzidin ⱪudrǝtlik bolƣuqi bilǝn ⱪarxilixixiƣa bolmaydu.□«Ɵtüp kǝtkǝn ixlarning ... alliⱪaqan nami bekitilip atalƣan» — mǝnisi ⱨǝrbir ix aldin’ala Huda tǝripidin bekitilgǝn bolsa kerǝk. «Insanning nemǝ ikǝnlikimu ayan bolƣan» — baxⱪa birhil tǝrjimisi: «Insanning nemǝ ikǝnlikimu bilingǝn (demǝk, Huda tǝripidin)» (xunga uning bilǝn ⱪarxilixix biⱨudiliktur). Biraⱪ ayǝtni insanning ajiz bǝndǝ ikǝnlikini tǝkitlǝydu, dǝp ⱪaraymiz.
11 Qünki gǝp ⱪanqǝ kɵp bolsa, bimǝnilik xunqǝ kɵp bolidu; buning insanƣa nemǝ paydisi? □«Qünki gǝp ⱪanqǝ kɵp bolsa,..» — muxu yǝrdǝ «gǝp» insanning Huda bilǝn ⱪarxilixidiƣan gǝplirini kɵrsǝtsǝ kerǝk. Baxⱪa birhil tǝrjimisi: «qünki biⱨudilikni kɵpǝytidiƣan ixlar kɵptur...» 12 Qünki insanning ɵmridǝ, yǝni uning sayidǝk tezla ɵtidiƣan mǝnisiz ɵmridiki barliⱪ künliridǝ uningƣa nemining paydiliⱪ ikǝnlikini kim bilsun? Qünki insanƣa u kǝtkǝndin keyin ⱪuyax astida nemǝ ixning bolidiƣanliⱪini kim dǝp berǝlisun?■Top. 8:7; Zǝb. 144:4; Yaⱪ. 4:13, 14
□6:3 «ⱨǝtta gɵrni kɵrmigǝn bolsimu,...» — demǝk, u ɵlmǝydu. Baxⱪa birhil tǝrjimisi: «wǝ yaki dǝpnǝ ⱪilinmiƣan bolsa,...».
□6:10 «Ɵtüp kǝtkǝn ixlarning ... alliⱪaqan nami bekitilip atalƣan» — mǝnisi ⱨǝrbir ix aldin’ala Huda tǝripidin bekitilgǝn bolsa kerǝk. «Insanning nemǝ ikǝnlikimu ayan bolƣan» — baxⱪa birhil tǝrjimisi: «Insanning nemǝ ikǝnlikimu bilingǝn (demǝk, Huda tǝripidin)» (xunga uning bilǝn ⱪarxilixix biⱨudiliktur). Biraⱪ ayǝtni insanning ajiz bǝndǝ ikǝnlikini tǝkitlǝydu, dǝp ⱪaraymiz.
□6:11 «Qünki gǝp ⱪanqǝ kɵp bolsa,..» — muxu yǝrdǝ «gǝp» insanning Huda bilǝn ⱪarxilixidiƣan gǝplirini kɵrsǝtsǝ kerǝk. Baxⱪa birhil tǝrjimisi: «qünki biⱨudilikni kɵpǝytidiƣan ixlar kɵptur...»
■6:12 Top. 8:7; Zǝb. 144:4; Yaⱪ. 4:13, 14