144
144-küy •••• Padixaⱨning nijatliⱪi — hǝlⱪning bǝhti
1 Dawut yazƣan küy: —
Ⱪollirimƣa jǝng ⱪilixni,
Barmaⱪlirimƣa uruxni ɵgitidiƣan,
Mening Ⱪoram Texim Pǝrwǝrdigarƣa tǝxǝkkür-mǝdⱨiyǝ ⱪayturulƣay! ◘2Sam. 22:35; Zǝb. 18:34
2 Mening ɵzgǝrmǝs xǝpⱪitim wǝ mening ⱪorƣinim,
Mening egiz munarim wǝ nijatkarim,
Mening ⱪalⱪinim wǝ tayanƣinim, mǝn Uningdin ⱨimayǝ tapimǝn;
U Ɵz hǝlⱪimni ⱪol astimda boysundurƣuqidur! ◘2Sam. 22:48; Zǝb. 18:47-48
3 I Pǝrwǝrdigar, Sǝn uningdin hǝwǝr alidikǝnsǝn, adǝm degǝn zadi nemǝ?
Uning toƣruluⱪ oylaydikǝnsǝn, insan balisi degǝn nemǝ? ◘Ayup 7:17; Zǝb. 8:4; 31:7; Ibr. 2:6
4 Adǝm bolsa bir nǝpǝsturla, halas;
Uning künliri ɵtüp ketiwatⱪan bir kɵlǝnggidur, halas. ◘Ayup 8:9; 14:2, 3; Zǝb. 39:5-6; 62:9; 102:11; Yaⱪ. 4:14
5 I Pǝrwǝrdigar, asmanlarni egildürüp qüxkǝysǝn;
Taƣlarƣa tegip ulardin is-tütǝk qiⱪarƣaysǝn; ◘Zǝb. 18:7-9; 104:32
6 Qaⱪmaⱪlarni qaⱪⱪuzup ularni tarⱪitiwǝtkǝysǝn;
Oⱪliringni etip ularni ⱪiyⱪas-sürǝngǝ salƣaysǝn; ◘1Sam. 7:10; 2Sam. 22:8; Zǝb. 18:13-14
7 Yuⱪiridin ⱪolliringni uzitip,
Meni azad ⱪilƣaysǝn;
Meni uluƣ sulardin,
Yaⱪa yurttikilǝrning qanggilidin qiⱪarƣaysǝn.
8 Ularning aƣzi ⱪuruⱪ gǝp sɵzlǝydu,
Ong ⱪoli aldamqi ⱪoldur. ◼«Ong ⱪoli aldamqi ⱪoldur» — bǝlkim ⱪǝsǝm ⱪilƣanda ⱪolini yalƣandin kɵtürgǝn yaki baxⱪilar bilǝn kelixkǝndǝ yalƣandin ⱪollaxⱪan.
9 I Huda, mǝn Sanga atap yengi nahxa eytimǝn;
Ontarƣa tǝngkǝx bolup Sanga küylǝrni eytimǝn. ◼«Ontarƣa tǝngkǝx bolup sanga küylǝrni eytimǝn» — «ontar» on tarliⱪ qiltardǝk bir saz.
10 Sǝn padixaⱨlarƣa nijatliⱪ-ƣǝlibǝ beƣixlaysǝn;
Ⱪulung Dawutni ǝjǝllik ⱪiliqtin ⱪutuldurisǝn.
11 Meni ⱪutuldurƣaysǝn, yat yurttikilǝrning ⱪolidin azad ⱪilƣaysǝn;
Ularning aƣzi ⱪuruⱪ gǝp sɵzlǝydu,
Ong ⱪoli aldamqi ⱪoldur.
12 Xundaⱪ ⱪilip oƣullirimiz yaxliⱪida puhta yetilgǝn kɵqǝtlǝrgǝ ohxaydu,
Ⱪizlirimiz ordiqǝ nǝⱪixlǝngǝn tüwrüklǝrdǝk bolidu;
13 Axliⱪ ambarlirimiz toldurulup,
Türlük-türlük ozuⱪlar bilǝn tǝminlǝydiƣan,
Ⱪoylirimiz otlaⱪlirimizda minglap, tümǝnlǝp ⱪozilaydiƣan;
14 Kalilirimiz boƣaz bolidiƣan;
Ⱨeqkim besip kirmǝydiƣan, ⱨeqkim jǝnggǝ qiⱪmaydiƣan;
Koqilirimizda ⱨeq jedǝl-ƣowƣa bolmaydiƣan; ◼«Kalilirimiz boƣaz bolidiƣan...» — baxⱪa birhil tǝrjimisi: «Ulaƣlirimiz eƣir yüklǝrni kɵtüridiƣan....».
15 Əⱨwali xundaⱪ bolƣan hǝlⱪ nemidegǝn bǝhtliktur!
Hudasi Pǝrwǝrdigar bolƣan hǝlⱪ bǝhtliktur!
◘144:1 2Sam. 22:35; Zǝb. 18:34
◘144:2 2Sam. 22:48; Zǝb. 18:47-48
◘144:3 Ayup 7:17; Zǝb. 8:4; 31:7; Ibr. 2:6
◘144:4 Ayup 8:9; 14:2, 3; Zǝb. 39:5-6; 62:9; 102:11; Yaⱪ. 4:14
◘144:6 1Sam. 7:10; 2Sam. 22:8; Zǝb. 18:13-14
◼144:8 «Ong ⱪoli aldamqi ⱪoldur» — bǝlkim ⱪǝsǝm ⱪilƣanda ⱪolini yalƣandin kɵtürgǝn yaki baxⱪilar bilǝn kelixkǝndǝ yalƣandin ⱪollaxⱪan.
◼144:9 «Ontarƣa tǝngkǝx bolup sanga küylǝrni eytimǝn» — «ontar» on tarliⱪ qiltardǝk bir saz.
◼144:14 «Kalilirimiz boƣaz bolidiƣan...» — baxⱪa birhil tǝrjimisi: «Ulaƣlirimiz eƣir yüklǝrni kɵtüridiƣan....».