39
39-küy •••• Hudaning tǝrbiyisini qüxinip yetix
1 Nǝƣmiqilǝrning bexi Yǝdutunƣa tapxurulƣan, Dawut yazƣan küy: —
«Tilim gunaⱨ ⱪilmisun dǝp,
Yollirimƣa diⱪⱪǝt ⱪilimǝn;
Rǝzillǝr kɵz aldimda bolsa, mǝn aƣzimƣa bir kɵxǝk salimǝn» — degǝnidim. ◼«Yǝdutun» — Dawut pǝyƣǝmbǝr «mǝdⱨiyǝ Hori»ning yetǝkqisi dǝp bekitkǝn kixini kɵrsitidu («1Tar.» 16:41ni kɵrüng).
«Nǝƣmiqilǝrning bexi Yǝdutunƣa tapxurulƣan» — baxⱪa birhil tǝrjimisi: «Nǝƣmiqilǝrning yetǝkqisigǝ tapxurulup, «Yǝdutun» (mǝdⱨiyilǝx degǝn mǝnidǝ) aⱨangida oⱪulsun dǝp...».
«Nǝƣmiqilǝrning bexi Yǝdutunƣa tapxurulƣan» — baxⱪa birhil tǝrjimisi: «Nǝƣmiqilǝrning yetǝkqisigǝ tapxurulup, «Yǝdutun» (mǝdⱨiyilǝx degǝn mǝnidǝ) aⱨangida oⱪulsun dǝp...».
2 Mǝn süküt ⱪilip, zuwan sürmidim,
Ⱨǝtta yahxiliⱪ toƣrisidiki sɵzlǝrnimu aƣzimdin qiⱪarmidim;
Biraⱪ dil azabim tehimu ⱪozƣaldi. ◼«Ⱨǝtta yahxiliⱪ toƣrisidiki sɵzlǝrnimu aƣzimdin qiⱪarmidim» — baxⱪa birhil tǝrjimisi: «Ⱨǝrⱪandaⱪ paydisiz sɵzdin ⱪaldim».
3 Kɵnglümdǝ zǝrdǝm ⱪaynidi,
Oylanƣanseri ot bolup yandi;
Andin tilim ihtiyarsiz sɵzlǝp kǝtti.
4 I Pǝrwǝrdigar, ɵz ǝjilimni,
Künlirimning ⱪanqilik ikǝnlikini manga ayan ⱪilƣin;
Ajiz insan balisi ikǝnlikimni manga bildürgin.
5 Mana, Sǝn künlirimni pǝⱪǝt nǝqqǝ ƣeriqla ⱪilding,
Sening aldingda ɵmrüm yoⱪ ⱨesabididur.
Bǝrⱨǝⱪ, barliⱪ insanlar tik tursimu, pǝⱪǝt bir tiniⱪla, halas.
Selaⱨ. ◘Zǝb. 62:9-10; 144:4
6 Bǝrⱨǝⱪ, ⱨǝrbir insanning ⱨayati huddi bir kɵlǝnggidur,
Ularning aldirap-saldiraxliri biⱨudǝ awariqiliktur;
Ular bayliⱪlarni toplaydu, lekin keyin bu bayliⱪlarni kimning ⱪoliƣa juƣlinidiƣanliⱪini bilmǝydu.
7 I Rǝb, ǝmdi mǝn nemini kütimǝn?
Mening ümidim Sangila baƣliⱪtur.
8 Meni barliⱪ asiyliⱪlirimdin ⱪutⱪuzƣaysǝn,
Meni ⱨamaⱪǝtlǝrning mǝshirisigǝ ⱪaldurmiƣaysǝn.
9 Süküt ⱪilip zuwan sürmidim;
Qünki mana, muxu jazani Ɵzüng yürgüzgǝnsǝn.
10 Manga salƣan wabayingni mǝndin neri ⱪilƣaysǝn;
Qünki ⱪolungning zǝrbisi bilǝn tügixǝy dǝp ⱪaldim.
11 Sǝn tǝnbiⱨliring bilǝn kixini ɵz yamanliⱪi üqün tǝrbiyiliginingdǝ,
Sǝn huddi nǝrsilǝrgǝ küyǝ ⱪurti qüxkǝndǝk, uning izzǝt-ƣururini yoⱪ ⱪiliwetisǝn;
Bǝrⱨǝⱪ, ⱨǝrbir adǝm bir tiniⱪla, halas. Selaⱨ.
12 I Pǝrwǝrdigar, duayimni angliƣaysǝn,
Pǝryadimƣa ⱪulaⱪ salƣaysǝn!
Kɵz yaxlirimƣa süküt ⱪilmiƣaysǝn!
Qünki mǝn pütkül ata-bowilirimdǝk,
Sening aldingda yaⱪa yurtluⱪ, musapirmǝn, halas! ◘Law. 25:23; 1Tar. 29:15; Zǝb. 119:19; Ibr. 11:13; 1Pet. 2:11
13 Manga tikkǝn kɵzüngni mǝndin neri ⱪilƣaysǝnki,
Mǝn barsa kǝlmǝs jayƣa kǝtküqǝ,
Meni bir’az bolsimu raⱨǝttin bǝⱨrimǝn ⱪilƣaysǝn.
◼39:1 «Yǝdutun» — Dawut pǝyƣǝmbǝr «mǝdⱨiyǝ Hori»ning yetǝkqisi dǝp bekitkǝn kixini kɵrsitidu («1Tar.» 16:41ni kɵrüng). «Nǝƣmiqilǝrning bexi Yǝdutunƣa tapxurulƣan» — baxⱪa birhil tǝrjimisi: «Nǝƣmiqilǝrning yetǝkqisigǝ tapxurulup, «Yǝdutun» (mǝdⱨiyilǝx degǝn mǝnidǝ) aⱨangida oⱪulsun dǝp...».
◼39:2 «Ⱨǝtta yahxiliⱪ toƣrisidiki sɵzlǝrnimu aƣzimdin qiⱪarmidim» — baxⱪa birhil tǝrjimisi: «Ⱨǝrⱪandaⱪ paydisiz sɵzdin ⱪaldim».
◘39:12 Law. 25:23; 1Tar. 29:15; Zǝb. 119:19; Ibr. 11:13; 1Pet. 2:11