104
104-küy •••• Hudaning yaratⱪanliⱪidin ⱨuzurlinix
1 Pǝrwǝrdigarƣa tǝxǝkkür-mǝdⱨiyǝ ⱪaytur, i jenim!
I Pǝrwǝrdigar Hudayim, intayin uluƣsǝn;
Xanu-xǝwkǝt wǝ ⱨǝywǝt bilǝn kiyingǝnsǝn;
2 Libas bilǝn pürkǝngǝndǝk yoruⱪluⱪⱪa pürkǝngǝnsǝn,
Asmanlarni qedir pǝrdisi kǝbi yayƣansǝn.■Yar. 1:6; Ayup 26:7
3 U yuⱪiriⱪi rawaⱪlirining limlirini sularƣa ornatⱪan,
Bulutlarni jǝng ⱨarwisi ⱪilip,
Xamal ⱪanatliri üstidǝ mangidu;■Zǝb. 18:10-11; Yǝx. 19:1; Wǝⱨ. 14:14
4 U pǝrixtilirini xamallar,
Hizmǝtkarlirini ot yalⱪuni ⱪilidu.■Ibr. 1:7
5 Yǝrni U ulliri üstigǝ ornatⱪan;
U ǝsla tǝwrinip kǝtmǝydu.■Ayup 26:7; 38:4, 5, 6; Zǝb. 24:1-2; 78:69
6 Libas bilǝn oralƣandǝk, uni qongⱪur dengizlar bilǝn oriƣansǝn,
Sular taƣlar qoⱪⱪiliri üstidǝ turdi.□«Libas bilǝn oralƣandǝk, uni qongⱪur dengizlar bilǝn oriƣansǝn, sular taƣlar qoⱪⱪiliri üstidǝ turdi» — bu ayǝt bǝlkim Nuⱨ pǝyƣǝmbǝr dǝwridiki topanni kɵrsitidu (9-ayǝtni kɵrüng). Bǝzi alimlar uni yaritilix jǝryanidiki üqinqi künini kɵrsitidu, dǝp ⱪaraydu.
7 Sening tǝnbiⱨing bilǝn sular bǝdǝr ⱪaqti,
Güldürmamangning sadasidin ular tezdin yandi;
8 Taƣlar ɵrlǝp qiⱪti,
Wadilar qüxüp kǝtti,
Sular Sǝn bekitkǝn jayƣa qüxüp kǝtti.□«Taƣlar ɵrlǝp qiⱪti, wadilar qüxüp kǝtti, sular Sǝn bekitkǝn jayƣa qüxüp kǝtti» — baxⱪa birhil tǝrjimisi «Ular (sular) taƣlarƣa qiⱪip, wadilardin qüxüp, sǝn bekitkǝn jayƣa eⱪip kǝtti».
9 Ular texip, yǝrni yǝnǝ ⱪaplimisun dǝp,
Sǝn ularƣa qǝklimǝ ⱪoyƣansǝn.
10 Tǝngri wadilarda bulaⱪlarni eqip urƣutidu,
Suliri taƣlar arisida aⱪidu.
11 Daladiki ⱨǝrbir janiwarƣa ussuluⱪ beridu,
Yawayi exǝklǝr ussuzluⱪini ⱪanduridu.
12 Kɵktiki ⱪuxlar ularning boyida ⱪonidu,
Dǝrǝh xahliri arisida sayraydu.
13 U yuⱪiridiki rawaⱪliridin taƣlarni suƣiridu;
Yǝr Sening yasiƣanliringning mewiliridin ⱪandurulidu!
14 U mallar üqün ot-qɵplǝrni,
Insanlar üqün kɵktatlarni ɵstüridu,
Xundaⱪla nanni yǝrdin qiⱪiridu;
15 Adǝmning kɵnglini hux ⱪilidiƣan xarabni,
Insan yüzini parⱪiritidiƣan mayni qiⱪiridu;
Insanning yürikigǝ nan bilǝn ⱪuwwǝt beridu;
16 Pǝrwǝrdigarning dǝrǝhliri,
Yǝni Ɵzi tikkǝn Liwan kedir dǝrǝhliri su iqip ⱪanaǝtlinidu.
17 Ənǝ axular arisiƣa ⱪuxlar uwa yasaydu,
Lǝylǝk bolsa, arqa dǝrǝhlirini makan ⱪilidu.
18 Egiz qoⱪⱪilar taƣ ɵqkilirining,
Tik yarlar suƣurlarning panaⱨi bolidu.□«Tik yarlar suƣurlarning panaⱨi bolidu» — «suƣurlar» (yaki «siqⱪanlar») kiqik bir ⱨaywan.
19 Pǝsillǝrni bekitmǝk üqün U ayni yaratti,
Ⱪuyax bolsa petixini bilidu.
20 Sǝn ⱪarangƣuluⱪ qüxürisǝn, tün bolidu;
Ormandiki janiwarlarning ⱨǝmmisi uningda xipir-xipir kezip yüridu.
21 Arslanlar olja izdǝp ⱨɵrkirǝydu,
Tǝngridin ozuⱪ-tülük sorixidu;■Ayup 38:39,40; Yǝx. 31:4
22 Ⱪuyax qiⱪipla, ular qekinidu,
Ⱪaytip kirip uwilirida yatidu.
23 Insan bolsa ɵz ixiƣa qiⱪidu,
Ta kǝqkiqǝ meⱨnǝttǝ bolidu.
24 I Pǝrwǝrdigar, yasiƣan ⱨǝrhil nǝrsiliring nǝⱪǝdǝr kɵptur!
Ⱨǝmmisini ⱨekmǝt bilǝn yaratⱪansǝn,
Yǝr yüzi ijat-bayliⱪliring bilǝn toldi.
25 Ənǝ büyük bipayan dengiz turidu!
Uningda san-sanaⱪsiz ƣuȥ-ƣuȥ janiwarlar,
Qong wǝ kiqik ⱨaywanlar bar.
26 Xu yǝrdǝ kemilǝr ⱪatnaydu,
Uningda oynaⱪlisun dǝp sǝn yasiƣan lewiatanmu bar;□«Uningda oynaⱪlisun dǝp sǝn yasiƣan lewiatanmu bar» — «lewiatan» — 74:14-ayǝttiki ⱨǝm «Ayup» 41:1-ayǝttiki izaⱨatlarni kɵrüng.
27 Waⱪtida ozuⱪ-tülük bǝrgin dǝp,
Bularning ⱨǝmmisi Sanga ⱪaraydu.■Zǝb. 145:15
28 Ularƣa bǝrginingdǝ, teriwalidu,
Ⱪolungni aqⱪiningdila, ular nazunemǝtlǝrgǝ toyidu.
29 Yüzüngni yoxursang, ular dǝkkǝ-dükkigǝ qüxidu,
Roⱨlirini alsang, ular jan üzüp,
Yǝnǝ tupraⱪⱪa ⱪaytidu.■Zǝb. 30:7
30 Roⱨingni ǝwǝtkiningdǝ, ular yaritilidu,
Yǝr-yüzi yengi bir dǝwr bilǝn almixidu.
31 Pǝrwǝrdigarning xan-xɵⱨriti ǝbǝdiydur,
Pǝrwǝrdigar Ɵz yaratⱪanliridin hursǝn bolidu.
32 U yǝrgǝ baⱪⱪinida, yǝr titrǝydu,
Taƣlarƣa tǝgkinidǝ, ular tütün qiⱪiridu.
33 Ⱨayatla bolidikǝnmǝn, Pǝrwǝrdigarƣa nahxa eytimǝn;
Wujudum bolsila Hudayimni küylǝymǝn.■Zǝb. 63:4; 146:2
34 U sürgǝn oy-hiyallirimdin sɵyünsǝ!
Pǝrwǝrdigarda huxallinimǝn!
35 Gunaⱨkarlar yǝr yüzidin tügitilidu,
Rǝzillǝr yoⱪ bolidu.
I jenim, Pǝrwǝrdigarƣa tǝxǝkkür-mǝdⱨiyǝ ⱪaytur!
■104:3 Zǝb. 18:10-11; Yǝx. 19:1; Wǝⱨ. 14:14
■104:5 Ayup 26:7; 38:4, 5, 6; Zǝb. 24:1-2; 78:69
□104:6 «Libas bilǝn oralƣandǝk, uni qongⱪur dengizlar bilǝn oriƣansǝn, sular taƣlar qoⱪⱪiliri üstidǝ turdi» — bu ayǝt bǝlkim Nuⱨ pǝyƣǝmbǝr dǝwridiki topanni kɵrsitidu (9-ayǝtni kɵrüng). Bǝzi alimlar uni yaritilix jǝryanidiki üqinqi künini kɵrsitidu, dǝp ⱪaraydu.
□104:8 «Taƣlar ɵrlǝp qiⱪti, wadilar qüxüp kǝtti, sular Sǝn bekitkǝn jayƣa qüxüp kǝtti» — baxⱪa birhil tǝrjimisi «Ular (sular) taƣlarƣa qiⱪip, wadilardin qüxüp, sǝn bekitkǝn jayƣa eⱪip kǝtti».
□104:18 «Tik yarlar suƣurlarning panaⱨi bolidu» — «suƣurlar» (yaki «siqⱪanlar») kiqik bir ⱨaywan.
■104:21 Ayup 38:39,40; Yǝx. 31:4
□104:26 «Uningda oynaⱪlisun dǝp sǝn yasiƣan lewiatanmu bar» — «lewiatan» — 74:14-ayǝttiki ⱨǝm «Ayup» 41:1-ayǝttiki izaⱨatlarni kɵrüng.
□104:35 «Ⱨǝmdusana!» — bu yǝrdǝ (xundaⱪla Zǝburning baxⱪa yǝrliridǝ) «Ⱨǝmdusana» ibraniy tilidiki «Ⱨalleluyaⱨ», yǝni «Yaⱨni mǝdⱨiyilǝnglar» degǝn sɵzni bildüridu.