146
146-küy •••• Huda mǝdⱨiyilǝnsun!
1 Ⱨǝmdusana!
I jenim, Pǝrwǝrdigarni mǝdⱨiyilǝ!
2 Mǝn ⱨayat bolsamla, Pǝrwǝrdigarni mǝdⱨiyilǝymǝn;
Wujudum bar bolsila Hudayimƣa küy eytimǝn.
3 Esilzadilǝrgimu,
Insan balisiƣimu tayanmanglar,
Ularda ⱨeq mǝdǝt-nijatliⱪ yoⱪtur.■Zǝb. 118:8, 9
4 Mana, uning nǝpisi ketidu,
U ɵz tupriⱪiƣa ⱪaytip ketidu;
Xu kündila arzu-niyǝtliri yoⱪap ketidu.□«U ɵz tupriⱪiƣa ⱪaytip ketidu» — ibraniy tilida: «adǝm» ⱨǝm «tupraⱪ, topa» bir sɵzdur.
5 Yaⱪupning Tǝngrisi mǝdǝtkari bolƣan adǝm,
Pǝrwǝrdigar Hudasini ɵz ümidi ⱪilƣan adǝm bǝhtliktur!
6 U asmanlarni, zeminni,
Dengizni ⱨǝm uningda bar mǝwjudatlarni yaratⱪandur;
U ⱨǝⱪiⱪǝt-sadaⱪǝttǝ mǝnggü turidu;
7 Ezilgüqilǝr üqün U ⱨɵküm süridu;
Aq ⱪalƣanlarƣa nan beridu.
Pǝrwǝrdigar mǝⱨbuslarni azad ⱪilidu;
8 Pǝrwǝrdigar korlarning kɵzlirini aqidu;
Pǝrwǝrdigar egilip ⱪalƣanlarni turƣuzidu;
Pǝrwǝrdigar ⱨǝⱪⱪaniylarni sɵyidu.■Zǝb. 145:14; 147:3; Mat. 9:30; Luⱪa 13:13; Yⱨ. 9:7,32
9 Pǝrwǝrdigar musapirlardin hǝwǝr alidu;
Yetim-yesirlǝrni, tul hotunni yɵlǝydu;
Biraⱪ rǝzillǝrning yolini ǝgri-bügri ⱪilidu.
10 Pǝrwǝrdigar mǝnggügǝ ⱨɵküm süridu;
I Zion, sening Hudaying dǝwrdin-dǝwrgiqǝ ⱨɵküm süridu!
Ⱨǝmdusana!■Mis. 15:18; Zǝb. 145:13
■146:3 Zǝb. 118:8, 9
□146:4 «U ɵz tupriⱪiƣa ⱪaytip ketidu» — ibraniy tilida: «adǝm» ⱨǝm «tupraⱪ, topa» bir sɵzdur.
■146:8 Zǝb. 145:14; 147:3; Mat. 9:30; Luⱪa 13:13; Yⱨ. 9:7,32
■146:10 Mis. 15:18; Zǝb. 145:13