147
147-küy •••• Ⱨǝmmigǝ Ⱪadir Hudaƣa ⱨǝmdusanalar eytilsun!
1 Ⱨǝmdusana! Yaⱨni mǝdⱨiyilǝnglar!
Bǝrⱨǝⱪ, bundaⱪ ⱪilix xerindur;
Hudayimizni küylǝnglar!
Mǝdⱨiyǝ oⱪux insanƣa yarixidu.■Zǝb. 33:1; 92:2; 135:3
2 Pǝrwǝrdigar Yerusalemni bina ⱪilmaⱪta;
Israilning sürgün ⱪilinƣanlirini U yiƣip kelidu;□«Pǝrwǝrdigar Yerusalemni bina ⱪilmaⱪta; Israilning sürgün ⱪilinƣanlirini U yiƣip kelidu» — bu ayǝtkǝ ⱪariƣanda, muxu küy Israil Babilƣa sürgün bolƣanliⱪidin ⱪaytip kǝlgǝndin keyin yezilƣan.
3 U kɵngli sunuⱪlarni dawalaydu;
Ularning yarilirini tangidu.■Mis. 15:26; Ayup 5:18
4 U yultuzlarning sanini sanaydu;
Ularning ⱨǝmmisigǝ bir-birlǝp isim ⱪoyidu.□«U... ularning ⱨǝmmisigǝ bir-birlǝp isim ⱪoyidu» — baxⱪa birhil tǝrjimisi: «U... ularni (yultuzlarni) ismilirini qaⱪirip opuⱪⱪa qiⱪiridu». ■Yǝx. 40:26
5 Uluƣdur Rǝbbimiz, zor ⱪudrǝtliktur;
Uning qüxinixi qǝksizdur.
6 Pǝrwǝrdigar yawax mɵminlǝrni yɵlǝp kɵtüridu;
Rǝzillǝrni yǝrgiqǝ tɵwǝn ⱪilidu.
7 Pǝrwǝrdigarƣa tǝxǝkkürlǝr bilǝn nahxa eytinglar;
Küylǝrni qiltarƣa tǝngxǝp eytinglar!
8 U asmanni bulutlar bilǝn ⱪaplitidu,
Zeminƣa yamƣurni bekitidu,
Taƣlarda ot-qɵplǝrni ɵstüridu;■Ayup 38:26, 27; Zǝb. 104:13-14; Ⱨox. 2:23, 24
9 Mallarƣa ozuⱪ,
Taƣ ⱪaƣisining qüjiliri zarliƣanda, ularƣa ozuⱪ beridu;
10 At küqidin U zoⱪ almaydu;
Adǝmning qǝbdǝs putlirini hursǝnlik dǝp bilmǝydu;
11 Pǝrwǝrdigar bǝlki Ɵzidin ǝyminidiƣanlarni,
Ɵzining ɵzgǝrmǝs muⱨǝbbitigǝ ümid baƣliƣanlarni hursǝnlik dǝp bilidu.
12 Pǝrwǝrdigarni mahtanglar, i Yerusalem;
Hudayingni mǝdⱨiyilǝ, i Zion.
13 Qünki U dǝrwaziliringning taⱪaⱪlirini mǝⱨkǝm ⱪilidu;
Seningdǝ turuwatⱪan pǝrzǝntliringgǝ bǝht-bǝrikǝt bǝrdi.
14 U qǝt-qegraliringda aram-tinqliⱪ yürgüzidu,
Seni buƣdayning esili bilǝn ⱪanaǝtlǝndüridu.
15 U Ɵz ǝmr-bexarǝtlirini yǝr yüzigǝ ǝwǝtidu;
Uning sɵz-kalami intayin tez yügüridu.■Zǝb. 33:9
16 U aⱪ ⱪarni yungdǝk beridu,
Ⱪirawni küllǝrdǝk tarⱪitidu.
17 Uning muzini nan uwaⱪliridǝk ⱪilip parqiliwetidu;
Uning soƣuⱪi aldida kim turalisun?
18 U sɵzini ǝwǝtip, ularni eritidu;
Uning xamilini qiⱪirip, sularni aⱪⱪuzidu.
19 U Ɵz sɵz-kalamini Yaⱪupⱪa,
Bǝlgilimilirini ⱨǝm ⱨɵkümlirini Israilƣa ayan ⱪilidu;
20 U baxⱪa ⱨeqbir ǝlgǝ mundaⱪ muamilǝ ⱪilmiƣandur;
Uning ⱨɵkümlirini bolsa, ular bilip baⱪⱪan ǝmǝs.
Ⱨǝmdusana!■Ros. 14:16
□147:2 «Pǝrwǝrdigar Yerusalemni bina ⱪilmaⱪta; Israilning sürgün ⱪilinƣanlirini U yiƣip kelidu» — bu ayǝtkǝ ⱪariƣanda, muxu küy Israil Babilƣa sürgün bolƣanliⱪidin ⱪaytip kǝlgǝndin keyin yezilƣan.
□147:4 «U... ularning ⱨǝmmisigǝ bir-birlǝp isim ⱪoyidu» — baxⱪa birhil tǝrjimisi: «U... ularni (yultuzlarni) ismilirini qaⱪirip opuⱪⱪa qiⱪiridu».
■147:8 Ayup 38:26, 27; Zǝb. 104:13-14; Ⱨox. 2:23, 24