148
148-küy •••• Pütkül alǝm, Pǝrwǝrdigarni uluƣlanglar!
1 Ⱨǝmdusana!
Pǝrwǝrdigarni asmanlardin mǝdⱨiyilǝnglar;
Yuⱪiri jaylarda Uni mǝdⱨiyilǝnglar;■Luⱪa 2:14; Wǝⱨ. 5:13
2 Uni mǝdⱨiyilǝnglar, barliⱪ pǝrixtiliri;
Uni mǝdⱨiyilǝnglar, barliⱪ ⱪoxunliri!
3 Uni mǝdⱨiyilǝnglar, i ⱪuyax ⱨǝm ay,
Uni mǝdⱨiyilǝnglar, ⱨǝmmǝ parlaⱪ yultuzlar;
4 Uni mǝdⱨiyilǝnglar, asmanlarning asmanliri,
Asmandin yuⱪiri jaylaxⱪan sular!
5 Bular Pǝrwǝrdigarning namini mǝdⱨiyilisun;
Qünki U buyruƣan ⱨaman, ular yaratilƣandur;■Yar. 1:6-31; Zǝb. 33:6, 9
6 U ularni ǝbǝdil’ǝbǝdgiqǝ turƣuzdi;
Ular üqün waⱪti ɵtmǝydiƣan bǝlgilimini buyruƣan.■Ayup 14:5,13; 26:10; 38:33; Zǝb. 104:5; 119:91; Yǝr. 31:35; 33:25
7 Pǝrwǝrdigarni zemindin mǝdⱨiyilǝnglar,
Dengizdiki barliⱪ ǝjdiⱨalar, dengizning barliⱪ tǝgliri;
8 Ot, mɵldüz, ⱪar, tuman,
Uning sɵzigǝ ǝmǝl ⱪilidiƣan judunluⱪ xamal;
9 Taƣlar ⱨǝm barliⱪ dɵnglǝr,
Mewilik dǝrǝhlǝr, barliⱪ kedir dǝrǝhliri,
10 Yawayi ⱨaywanlar, barliⱪ mal-waranlar,
Ɵmiligüqilǝr ⱨǝm uqar-ⱪanatlar;
11 Jaⱨan padixaⱨliri wǝ barliⱪ ⱪowmlar,
Əmirlǝr ⱨǝm yǝr yüzidiki barliⱪ ⱨakim-sotqilar;
12 Ⱨǝm yigitlǝr ⱨǝm ⱪizlar,
Bowaylar wǝ yaxlar, —
13 Ⱨǝmmisi Pǝrwǝrdigarning namini mǝdⱨiyilisun;
Qünki pǝⱪǝtla Uning nami aliydur;
Uning ⱨǝywiti yǝr ⱨǝm asmandin üstün turidu.■Pǝnd. 18:10; Yǝx. 12:4
14 Ⱨǝm U Ɵz hǝlⱪining münggüzini,
Yǝni barliⱪ muⱪǝddǝs bǝndilirining mǝdⱨiyisini egiz kɵtürgüzgǝn;
Ular Israil baliliri,
Ɵzigǝ yeⱪin bir hǝlⱪtur!
Ⱨǝmdusana!□«Ɵz hǝlⱪining münggüzini, yǝni barliⱪ muⱪǝddǝs bǝndilirining mǝdⱨiyisi...» — Tǝwratta «münggüz» adǝttǝ adǝmning nam-xɵⱨriti yaki ⱨoⱪuⱪini bildüridu. Bu ayǝttǝ u Israilning Hudaƣa bolƣan mǝdⱨiyilirini bildüridu. Bu ayǝttiki «kɵtürüx» adǝmning ⱪoli bilǝn kɵtürüx ǝmǝs, bǝlki Huda ularning mǝdⱨiyǝ awazlirini kɵtürüxini bildüridu. ■Zǝb. 132:17
■148:5 Yar. 1:6-31; Zǝb. 33:6, 9
■148:6 Ayup 14:5,13; 26:10; 38:33; Zǝb. 104:5; 119:91; Yǝr. 31:35; 33:25
■148:13 Pǝnd. 18:10; Yǝx. 12:4
□148:14 «Ɵz hǝlⱪining münggüzini, yǝni barliⱪ muⱪǝddǝs bǝndilirining mǝdⱨiyisi...» — Tǝwratta «münggüz» adǝttǝ adǝmning nam-xɵⱨriti yaki ⱨoⱪuⱪini bildüridu. Bu ayǝttǝ u Israilning Hudaƣa bolƣan mǝdⱨiyilirini bildüridu. Bu ayǝttiki «kɵtürüx» adǝmning ⱪoli bilǝn kɵtürüx ǝmǝs, bǝlki Huda ularning mǝdⱨiyǝ awazlirini kɵtürüxini bildüridu.