18
1 Kɵpqiliktin ayrilip yalƣuz yürgǝn kixi ⱨaman ɵz nǝpsigǝ qoƣ tartar;
Ⱨǝrⱪandaⱪ qin ⱨekmǝtkǝ ⱨaman jan-jǝⱨli bilǝn ⱪarxi qiⱪar.
2 Əhmǝⱪ yorutuluxⱪa ⱪiziⱪmas;
Ⱪiziⱪidiƣini pǝⱪǝt ɵz oyliƣanlirini kɵrsitixla, halas.
3 Yaman kixi kǝlsǝ, nǝprǝtmu pǝyda bolar;
Nomussiz ix iza-aⱨanǝttin ayrilmas.□«nǝprǝtmu pǝyda bolar» — yaki «pǝslikmu pǝyda bolar».
4 Adǝmning sɵzliri qongⱪur sularƣa ohxar;
Danaliⱪ buliⱪi eriⱪ süyidǝk ɵrkǝxlǝp aⱪar.
5 Yamanƣa yan besixⱪa,
Soraⱪta ⱨǝⱪⱪaniyƣa uwal ⱪilixⱪa ⱪǝt’iy bolmas.□«ⱪǝt’iy bolmas» — ibraniy tilida «yahxi ǝmǝs». ■Law. 19:15; Ⱪan. 1:17; 16:19; Pǝnd. 24:23
6 Əhmǝⱪning lǝwliri uni jedǝlgǝ baxlar;
Uning aƣzi «Meni dumbala» dǝp tǝklip ⱪilar.
7 Əhmǝⱪning aƣzi ɵz bexiƣa ⱨalakǝttur;
Uning lǝwliri ɵz jeniƣa ⱪapⱪandur.■Pǝnd. 10:14; 12:13; 13:3
8 Ƣǝywǝthorning sɵzliri ⱨǝrhil nazunemǝtlǝrdǝk,
Kixining ⱪǝlbigǝ qongⱪur singdürülǝr.□«Kixining ⱪǝlbigǝ...» — ibraniy tilida «Ⱪorsiⱪining iqki yǝrlirigǝ...». ■Pǝnd. 26:22
9 Ixida ⱨurun bolƣan kiximu,
Buzƣunqi bilǝn ülpǝtdax bolidu.□«kiximu...» — ...mu —demǝk, ⱨurun adǝm ƣǝywǝthorƣa ohxax buzƣunqidur.
10 Pǝrwǝrdigarning nami mǝzmut munardur;
Ⱨǝⱪⱪaniylar uning iqigǝ yügürüp kirip yuⱪirida aman bolar.■Ⱨak.9:51; 2Sam. 22:51; Zǝb. 18:1-3; 61:3-4; Pǝnd. 29:25
11 Bay adǝm mal-dunyasini «mustǝⱨkǝm xǝⱨirim» dǝp bilǝr;
Nǝziridǝ ɵzini saⱪlaydiƣan egiz sepildǝk turar. ■Pǝnd. 10:15
12 Bitqit boluxtin awwal, kɵngülgǝ tǝkǝbburluⱪ kelǝr;
Awwal kǝmtǝrlik bolsa, andin xɵⱨrǝt kelǝr.■Pǝnd. 11:2; 15:33; 16:18
13 Sɵzni anglimay turup, aldirap jawab bǝrgǝn,
Əhmǝⱪliⱪini kɵrsitip ɵzini hijalǝttǝ ⱪaldurur.
14 Tǝndiki aƣriⱪ azabiƣa adǝmning ɵz roⱨi bǝrdaxliⱪ bǝrgüzǝr;
Biraⱪ roⱨi sunƣan bolsa uni kim kɵtürǝr?
15 Yorutulƣanning ⱪǝlbi bilimgǝ erixmǝktǝ,
Aⱪilanining ⱪulaⱪliri bilimni izdimǝktǝ.
16 Sowƣat ɵz igisigǝ ixikni daƣdam eqip berǝr;
Uni qong ǝrbablar aldiƣa yǝtküzǝr.
17 Dǝwa ⱪilƣanda, awwal sɵzligüqining sɵzliri orunluⱪ kɵrünǝr;
Lekin ⱪarxi tǝrǝp soal ⱪoyup ixni sürüxtürǝr.■Pǝnd. 25:8
18 Qǝk taxlax jedǝllǝrni tügitǝr;
Ƣojilarning arisidiki ixnimu ⱨǝl ⱪilar.
19 Rǝnjigǝn ⱪerindaxning kɵnglini elix mustǝⱨkǝm xǝⱨǝrni elixtinmu tǝs;
Jedǝl-majira ⱪorƣanning taⱪaⱪ-baldaⱪliriƣa ohxaxtur.
20 Adǝm durus sɵzligǝnlikidin ⱪorsiⱪi toⱪ bolar;
Ɵz kɵnglidin qiⱪⱪan sɵzliridin mol ⱨosul alar.□«Adǝm durus sɵzligǝnlikidin .. mol ⱨosul alar» — ayǝt ibraniy tilida «Aƣzining mewisidin adǝmning ⱪorsiⱪi toⱪ bolar; lǝwlirining ⱨosulidin ⱪanaǝtlinǝr» degǝn sɵzlǝr bilǝn bildürülidu. ■Pǝnd. 12:14; 13:2
21 Ⱨayat-mamat tilning ilkididur;
Kimki uning tǝsirini ǝtiwarlisa uning mewisidin yǝr.□«Kimki uning tǝsirini ǝtiwarlisa uning mewisidin yǝr» — yaki «Kimki ɵz sɵzlirigǝ amraⱪ bolsa, xu uning mewisini yǝr». ■Pǝnd. 21:23; Yaⱪ. 3:2
22 Hotunni tallap alƣan kixi yahxiliⱪ tapidu,
U Pǝrwǝrdigarning mǝrⱨimitigǝ erixkǝn bolidu.■Pǝnd. 19:14
23 Miskinlǝr pǝs awazda yelinip sɵzlǝr;
Bay bolsa ⱪopalliⱪ bilǝn jawab berǝr.
24 Dostni kɵp tutⱪan kixi harab bolar;
Lekin ⱪerindaxtinmu yeⱪin baƣlanƣan bir dost bardur.■Pǝnd. 17:17
□18:3 «nǝprǝtmu pǝyda bolar» — yaki «pǝslikmu pǝyda bolar».
□18:5 «ⱪǝt’iy bolmas» — ibraniy tilida «yahxi ǝmǝs».
■18:5 Law. 19:15; Ⱪan. 1:17; 16:19; Pǝnd. 24:23
■18:7 Pǝnd. 10:14; 12:13; 13:3
□18:8 «Kixining ⱪǝlbigǝ...» — ibraniy tilida «Ⱪorsiⱪining iqki yǝrlirigǝ...».
□18:9 «kiximu...» — ...mu —demǝk, ⱨurun adǝm ƣǝywǝthorƣa ohxax buzƣunqidur.
■18:10 Ⱨak.9:51; 2Sam. 22:51; Zǝb. 18:1-3; 61:3-4; Pǝnd. 29:25
■18:12 Pǝnd. 11:2; 15:33; 16:18
□18:20 «Adǝm durus sɵzligǝnlikidin .. mol ⱨosul alar» — ayǝt ibraniy tilida «Aƣzining mewisidin adǝmning ⱪorsiⱪi toⱪ bolar; lǝwlirining ⱨosulidin ⱪanaǝtlinǝr» degǝn sɵzlǝr bilǝn bildürülidu.
□18:21 «Kimki uning tǝsirini ǝtiwarlisa uning mewisidin yǝr» — yaki «Kimki ɵz sɵzlirigǝ amraⱪ bolsa, xu uning mewisini yǝr».