13
1 Dana oƣul atisining tǝrbiyisigǝ kɵngül ⱪoyar;
Mǝshirǝ ⱪilƣuqi tǝnbiⱨkǝ ⱪulaⱪ salmas.
2 Adǝm durus eƣizining mewisidin ⱨuzurlinar;
Tuzkorlar zorawanliⱪⱪa ⱨǝwǝs ⱪilip zorawanliⱪⱪa uqrar. ◘Pǝnd. 12:14
3 Sɵzdǝ eⱨtiyatqan kixi jenini saⱪlap ⱪalar;
Aƣzi ittik ⱨalakǝtkǝ uqrar.
4 Ⱨurunning arzu-tiliki bar, lekin erixǝlmǝs;
Lekin tirixqan ǝtlinǝr.
5 Ⱨǝⱪⱪaniy adǝm yalƣanqiliⱪtin yirginǝr;
Ⱪǝbiⱨ bolsa sesip, xǝrmǝndǝ bolar.
6 Yoli durusni ⱨǝⱪⱪaniyǝt ⱪoƣdar;
Lekin gunaⱨkarni rǝzillik yiⱪitar. ◘Pǝnd. 10:29; 11:3, 5, 6
7 Bǝzilǝr ɵzini bay kɵrsǝtkini bilǝn ǝmǝliyǝttǝ ⱪuruⱪ sɵlǝttur;
Bǝzilǝr ɵzini yoⱪsul kɵrsǝtkini bilǝn zor bayliⱪliri bardur. ◘Pǝnd. 12:9
8 Ɵz bayliⱪi gɵrügǝ tutulƣan bayning jeniƣa ara turar;
Biraⱪ yoⱪsullar ⱨeq wǝⱨimini anglimas.
9 Ⱨǝⱪⱪaniy adǝmning nuri xadlinip parlar;
Biraⱪ yaman adǝmning qiriƣi ɵqürülǝr. ◘Ayup 18:5, 6; 21:17; Pǝnd. 4:18
10 Kibirliktin pǝⱪǝt jedǝl-majirala qiⱪar;
Danaliⱪ bolsa nǝsiⱨǝtni angliƣanlar bilǝn billidur.
11 Ixlimǝy tapⱪan ⱨaram bayliⱪ bǝrikǝtsizdur;
Tǝr tɵküp ⱨalal tapⱪan güllinǝr. ◘Pǝnd. 10:2; 20:21
12 Tǝlmürginigǝ kütüp erixǝlmǝslik kɵngülni sunuⱪ ⱪilar,
Lekin tǝxnaliⱪta erixkini «ⱨayatliⱪ dǝrihi»dur. ◼«ⱨayatliⱪ dǝrihi» — «Erǝm baƣqisi»diki, Adǝm’atimiz wǝ Ⱨawa’animizning bǝⱨriman boluxiƣa tǝyyarlanƣan dǝrǝhni kɵrsitidu (3:18ni kɵrüng). ◘Pǝnd. 13:19
13 Hudaning kalam-sɵzigǝ pisǝnt ⱪilmiƣan adǝm gunaⱨning tɵlimigǝ ⱪǝrzdar bolar;
Lekin pǝrmanni ⱪǝdirligǝn adǝm yahxiliⱪ kɵrǝr.
14 Aⱪilanining tǝlimi ⱨayatliⱪ bǝrgüqi bulaⱪtur,
U seni ɵlüm tuzaⱪliridin ⱪutuldurar. ◘Pǝnd. 10:11; 14:27
15 Aⱪilanilik adǝmni iltipatⱪa erixtürǝr;
Biraⱪ tuzkorlarning yoli ǝgri-bügri, japaliⱪ bolar.
16 Pǝm-parasǝtlik adǝm bilimi bilǝn ix kɵrǝr;
Ⱨamaⱪǝt ɵz nadanliⱪini axkarilar. ◘Pǝnd. 12:23; 15:2
17 Rǝzil alaⱪiqi bala-ⱪazaƣa uqrar;
Sadiⱪ ǝlqi bolsa dǝrdkǝ dǝrmandur.
18 Tǝrbiyǝni rǝt ⱪilƣan adǝm namratlixip uyatⱪa ⱪalar;
Əmma tǝnbiⱨni ⱪobul ⱪilƣan ⱨɵrmǝtkǝ erixǝr.
19 Əmǝlgǝ axⱪan arzu kixigǝ xerin tuyular;
Lekin ǝhmǝⱪlǝr yamanliⱪni taxlaxni yaman kɵrǝr.
20 Aⱪilanilǝr bilǝn billǝ yürgǝn Dan. bolar;
Biraⱪ ǝhmǝⱪlǝrgǝ ⱨǝmraⱨ bolƣan nalǝ-pǝryadta ⱪalar. ◼«...nalǝ-pǝryadta ⱪalar» — yaki «...ziyan tartar».
21 Bala-ⱪaza gunaⱨkarlarning kǝynidin besip mangar;
Lekin ⱨǝⱪⱪaniylar yahxiliⱪning ǝjrini tapar.
22 Yahxi adǝm pǝrzǝntlirining pǝrzǝntlirigǝ miras ⱪaldurar;
Gunaⱨkarlarning yiƣⱪan mal-dunyaliri ⱨǝⱪⱪaniylar üqün toplinar. ◘Ayup 15:29; 27:17
23 Yoⱪsulning taxlanduⱪ yeri mol ⱨosul berǝr,
Lekin adalǝtsizliktin u wǝyran bolar. ◘Pǝnd. 12:11; 18:9
24 Tayaⱪni ayiƣan kixi oƣlini yahxi kɵrmǝs;
Balini sɵygǝn kixi uni ǝstayidil tǝrbiyilǝp jazalar. ◘Pǝnd. 23:13
25 Ⱨǝⱪⱪaniy adǝm kɵngli ⱪanaǝt tapⱪuqǝ ozuⱪ yǝr;
Yamanning ⱪorsiⱪi aq ⱪalar.
◘13:6 Pǝnd. 10:29; 11:3, 5, 6
◘13:9 Ayup 18:5, 6; 21:17; Pǝnd. 4:18
◼13:12 «ⱨayatliⱪ dǝrihi» — «Erǝm baƣqisi»diki, Adǝm’atimiz wǝ Ⱨawa’animizning bǝⱨriman boluxiƣa tǝyyarlanƣan dǝrǝhni kɵrsitidu (3:18ni kɵrüng).
◼13:20 «...nalǝ-pǝryadta ⱪalar» — yaki «...ziyan tartar».