21
1 Padixaⱨning kɵngli eriⱪlardiki sudǝk Pǝrwǝrdigarning ⱪolididur;
Pǝrwǝrdigar ⱪǝyǝrgǝ toƣrilisa, xu tǝrǝpkǝ mangidu.
2 Insan ɵzining ⱨǝmmǝ ⱪilƣan ixini toƣra dǝp bilǝr;
Lekin Pǝrwǝrdigar ⱪǝlbdiki niyǝtlǝrni taraziƣa selip tartip kɵrǝr.□ «Ⱪǝlbdiki niyǝtlǝr» — ibraniy tilida «ⱪǝlblǝr» deyilidu. ■ Pǝnd. 16:2
3 Pǝrwǝrdigarning nǝziridǝ,
Ⱨǝⱪⱪaniyliⱪ bilǝn adalǝt yürgüzüx ⱪurbanliⱪ ⱪilixtin ǝwzǝldur.■ 1Sam. 15:22; Zǝb. 50:8-14; Yǝx. 1:11, 16; Ⱨox. 6:6
4 Tǝkǝbbur kɵzlǝr, mǝƣrur ⱪǝlb, yamanlarning qiriƣi — ⱨǝmmisi gunaⱨtur.□ «yamanlarning qiriƣi» — muxu yǝrdǝ «qiraƣ» bǝlkim adǝmning roⱨini, yǝni adǝmning ǝng qongⱪur yerini kɵrsitidu (20:27-ayǝtni kɵrüng). Baxⱪa birhil tǝrjimisi «yamanlarning ⱨosuli»
5 Əstayidil kixilǝrning oyliri ularni pǝⱪǝt bayaxatliⱪⱪa yetǝklǝr;
Qeqilangƣularning oyliri bolsa, ularni pǝⱪǝt yoⱪsuzluⱪⱪila yetǝklǝr.■ Pǝnd. 10:4; 13:4
6 Yaƣlima til bilǝn erixkǝn bayliⱪlar,
Ɵlümni izdǝp yürgǝnlǝr ⱪoƣlap yürgǝn bir tütünla, halas.■ Pǝnd. 10:2, 4; 13:11
7 Yamanlarning zalimliⱪi ɵzlirini qirmiwalar;
Qünki ular adalǝt yolida mengixni rǝt ⱪilƣan.
8 Jinayǝtkar mangidiƣan yol naⱨayiti ǝgridur;
Sap dil adǝmning ⱨǝrikiti tüptüzdur.
9 Soⱪuxⱪaⱪ hotun bilǝn azadǝ ɵydǝ billǝ turƣandin kɵrǝ,
Ɵgzining bir bulungida yalƣuz yetip ⱪopⱪan yahxi.□ «Soⱪuxⱪaⱪ hotun bilǝn azadǝ ɵydǝ billǝ turƣandin kɵrǝ,...» — yaki «Soⱪuxⱪaⱪ hotun bilǝn azadǝ ɵydǝ olturƣandin kɵrǝ,...». ■ Pǝnd. 21:19; 25:24; 27:15
10 Yaman kixining kɵngli yamanliⱪⱪila ⱨerismǝndur;
U yeⱪiniƣimu xapaǝt kɵrsǝtmǝs.
11 Ⱨakawurning jazaƣa tartilixi, bilimsizgǝ ibrǝt bolar;
Dana kixi ⱪobul ⱪilƣan nǝsiⱨǝtlǝrdin tehimu kɵp bilim alar.□ «Ⱨakawurning...» — yaki «Mǝshirǝ ⱪilƣuqining...». ■ Pǝnd. 19:25
12 Ⱨǝⱪⱪaniy Bolƣuqi yamanning ɵyini kɵzlǝr;
U ⱨaman yamanlarni yamanliⱪⱪa ⱪoyup yiⱪitar.□ «Ⱨǝⱪⱪaniy bolƣuqi» — demisǝkmu «Ⱨǝⱪⱪaniy Bolƣuqi» Huda Ɵzidur.
13 Miskinlǝrning nalisiƣa ⱪuliⱪini yoputup kari bolmiƣuqi,
Ahiri ɵzi pǝryad kɵtürǝr,
Biraⱪ ⱨeqkim pǝrwa ⱪilmas.
14 Yoxurun sowƣat ƣǝzǝpni basar;
Yǝng iqidǝ berilgǝn para ⱪǝⱨr-ƣǝzǝpni pǝsǝytǝr.□ «yǝng iqidǝ» — ibraniy tilida «baƣir iqidǝ». «Yoxurun sowƣat ƣǝzǝpni basar... ⱪǝⱨr-ƣǝzǝpni pǝsǝytǝr» — demisǝkmu, bu hil pǝnd-nǝsiⱨǝt bundaⱪ ixlarni tǝriplimǝydu, pǝⱪǝt omumiy ǝⱨwalni tǝswirlǝydu, halas. ■ Pǝnd. 17:8; 18:16
15 Adalǝtni bǝja kǝltürüx ⱨǝⱪⱪaniylarning huxalliⱪidur,
Biraⱪ yamanliⱪ ⱪilƣuqilarƣa wǝⱨimidur.
16 Ⱨekmǝt yolidin ezip kǝtkǝn kixi,
Ərwaⱨlarning jamaiti iqidikilǝrdin bolup ⱪalar.□ «Ərwaⱨlar» — ɵlüklǝrning roⱨlirini kɵrsitidu.
17 Tamaxaƣa berilgǝn kixi namrat ⱪalar;
Yaƣ qaynaxⱪa, xarab iqixkǝ amraⱪ beyimas.
18 Yaman adǝm ⱨǝⱪⱪaniy adǝm üqün gɵrü pulining ornida ⱪalar;
Ezilgǝn duruslarning orniƣa iplaslar ⱪalar.■ Pǝnd. 11:8
19 Soⱪuxⱪaⱪ wǝ terikkǝk ayal bilǝn ortaⱪ turƣandin,
Qɵl-bayawanda yalƣuz yaxiƣan yahxidur.■ Pǝnd. 21:9; 25:24
20 Aⱪilanining ɵyidǝ bayliⱪ bar, zǝytun may bar;
Biraⱪ ǝhmǝⱪlǝr tapⱪinini utturluⱪ buzup-qaqar.
21 Ⱨǝⱪⱪaniyǝt, meⱨribanliⱪni izdigüqi adǝm,
Ⱨayat, ⱨǝⱪⱪaniyǝt wǝ izzǝt-ⱨɵrmǝtkǝ erixǝr.
22 Dana kixi küqlüklǝr xǝⱨirining sepiliƣa yamixar,
Ularning tayanqi bolƣan ⱪorƣinini ƣulitar.
23 Ɵz tiliƣa, aƣziƣa igǝ bolƣan kixi,
Jenini awariqiliklǝrdin saⱪlap ⱪalar.■ Pǝnd. 18:21
24 Qongqiliⱪ ⱪilƣanlar,
«Ⱨakawur», «ⱨali qong», «mazaⱪqi» atilar.
25 Ⱨurun kixi ɵz nǝpsidin ⱨalak bolar,
Qünki uning ⱪoli ixⱪa barmas;
26 Nǝpsi yaman bolup u kün boyi tǝmǝ ⱪilip yürǝr;
Biraⱪ ⱨǝⱪⱪaniy adǝm ⱨeqnemini ayimay sǝdiⱪǝ ⱪilar.■ Zǝb. 37:26
27 Yaman adǝmning ⱪurbanliⱪi Pǝrwǝrdigarƣa yirginqliktur;
Rǝzil ƣǝrǝzdǝ ǝpkelingǝn bolsa tehimu xundaⱪtur!■ Pǝnd. 15:8; Yǝx. 1:13; Yǝr. 6:20; Am. 5:21
28 Yalƣan guwaⱨliⱪ ⱪilƣuqi ⱨalak bolar;
Əyni ǝⱨwalni anglap sɵzligǝn kixining sɵzi ǝbǝdgiqǝ aⱪar.■ Pǝnd. 19:5, 9
29 Yaman adǝm yüzini ⱪelin ⱪilar;
Durus kixi yolini oylap puhta basar.
30 Pǝrwǝrdigarƣa ⱪarxi turalaydiƣan ⱨeqⱪandaⱪ danaliⱪ, ǝⱪil-parasǝt yaki tǝdbir yoⱪtur.
31 Atlar jǝng küni üqün tǝyyar ⱪilinƣan bolsimu,
Biraⱪ ƣǝlibǝ-nijat pǝⱪǝt Pǝrwǝrdigardindur.■ Zǝb. 20:7; 33:16-17
□21:2 «Ⱪǝlbdiki niyǝtlǝr» — ibraniy tilida «ⱪǝlblǝr» deyilidu.
■21:3 1Sam. 15:22; Zǝb. 50:8-14; Yǝx. 1:11, 16; Ⱨox. 6:6
□21:4 «yamanlarning qiriƣi» — muxu yǝrdǝ «qiraƣ» bǝlkim adǝmning roⱨini, yǝni adǝmning ǝng qongⱪur yerini kɵrsitidu (20:27-ayǝtni kɵrüng). Baxⱪa birhil tǝrjimisi «yamanlarning ⱨosuli»
■21:6 Pǝnd. 10:2, 4; 13:11
□21:9 «Soⱪuxⱪaⱪ hotun bilǝn azadǝ ɵydǝ billǝ turƣandin kɵrǝ,...» — yaki «Soⱪuxⱪaⱪ hotun bilǝn azadǝ ɵydǝ olturƣandin kɵrǝ,...».
■21:9 Pǝnd. 21:19; 25:24; 27:15
□21:11 «Ⱨakawurning...» — yaki «Mǝshirǝ ⱪilƣuqining...».
□21:12 «Ⱨǝⱪⱪaniy bolƣuqi» — demisǝkmu «Ⱨǝⱪⱪaniy Bolƣuqi» Huda Ɵzidur.
□21:14 «yǝng iqidǝ» — ibraniy tilida «baƣir iqidǝ». «Yoxurun sowƣat ƣǝzǝpni basar... ⱪǝⱨr-ƣǝzǝpni pǝsǝytǝr» — demisǝkmu, bu hil pǝnd-nǝsiⱨǝt bundaⱪ ixlarni tǝriplimǝydu, pǝⱪǝt omumiy ǝⱨwalni tǝswirlǝydu, halas.
□21:16 «Ərwaⱨlar» — ɵlüklǝrning roⱨlirini kɵrsitidu.
■21:27 Pǝnd. 15:8; Yǝx. 1:13; Yǝr. 6:20; Am. 5:21
■21:28 Pǝnd. 19:5, 9