27
1 Ətiki kününg toƣruluⱪ mahtanma,
Qünki bir küni nemǝ bolidiƣiningnimu bilmǝysǝn. ◘Yaⱪ. 4:13, 14
2 Seni baxⱪilar mahtisun, ɵz aƣzing mundaⱪ ⱪilmisun,
Yat adǝm seni mahtisun, ɵz lǝwliring undaⱪ ⱪilmisun.
3 Tax eƣir, ⱪum heli jing basar,
Biraⱪ ǝhmǝⱪ kǝltüridiƣan hapiqiliⱪ ikkisidin tehimu eƣirdur.
4 Ƣǝzǝp rǝⱨimsizdur,
Ⱪǝⱨr bolsa kǝlkündǝk adǝmni eⱪitip ketǝr,
Biraⱪ kim ⱨǝsǝthorluⱪ aldida taⱪabil turalisun?
5 Axkara ǝyiblǝx yoxurun muⱨǝbbǝttin ǝladur.
6 Dostning ⱪolidin yegǝn zǝhimlǝr sadiⱪliⱪtin bolidu;
Biraⱪ düxmǝnning sɵyüxliri ⱨiyligǝrliktur. ◼«Dostning ⱪolidin yegǝn zǝhimlǝr sadiⱪliⱪtin bolidu» — yaki «Dostning ⱪolidin yegǝn zǝhimlǝr adǝmni ⱨǝⱪiⱪǝtkǝ yǝtküzǝr».
7 Toⱪ kixi ⱨǝsǝl kɵnikidinmu bizardur,
Aq kixigǝ ⱨǝrⱪandaⱪ aqqiⱪ nǝrsimu tatliⱪ bilinǝr. ◼«Toⱪ kixi ⱨǝsǝl kɵnikidinmu bizardur» — yaki «toⱪ kixi ⱨǝsǝl kɵnikini dǝssiwetidu».
8 Yurt makanidin ayrilƣan kixi,
Uwisidin ayrilip yürgǝn ⱪuxⱪa ohxar.
9 Ətir wǝ huxbuy kɵngülni aqar,
Jan kɵyǝr dostning sǝmimiy mǝsliⱨǝti kixini riƣbǝtlǝndürǝr.
Jan kɵyǝr dostning sǝmimiy, huxhuy mǝsliⱨǝti kixini hux ⱪilur.
10 Ɵz dostungni, atangning dostinimu untuma;
Bexingƣa kün qüxkǝndǝ ⱪerindixingning ɵyigǝ kirip yelinma;
Yeⱪindiki dost, yiraⱪtiki ⱪerindaxtin ǝla. ◘Pǝnd. 17:17; 18:24
11 I oƣlum, dana bol, kɵnglümni hux ⱪil,
Xundaⱪ ⱪilƣiningda meni mǝshirǝ ⱪilidiƣanlarƣa jawab berǝlǝymǝn.
12 Zerǝk kixi bala-ⱪazani aldin kɵrüp ⱪaqar;
Saddilar aldiƣa berip ziyan tartar. ◘Pǝnd. 22:3
13 Yatⱪa kepil bolƣan kixidin ⱪǝrzgǝ tonini tutup alƣin;
Yat hotunƣa kapalǝt bǝrgǝn kixidin kapalǝt puli al. ◘Pǝnd. 6:1, 2; 11:15; 17:18; 20:16
14 Ⱪaⱪ sǝⱨǝrdǝ turup, yuⱪiri awazda dostiƣa bǝht tiligǝnlik,
Ɵzini ⱪarƣax ⱨesablinar.
15 Yamƣurluⱪ kündiki tohtimay qüxkǝn tamqǝ-tamqǝ yeƣin,
Wǝ soⱪuxⱪaⱪ hotun bir-birigǝ ohxaxtur. ◘Pǝnd. 19:13
16 Uni tizgǝnlǝx boranni tosⱪanƣa,
Yaki yaƣni ong ⱪol bilǝn qanggalliƣanƣa ohxaxtur.
17 Tɵmürni tɵmürgǝ bilisǝ ɵtkürlǝxkǝndǝk,
Dostlarmu bir-birini ɵtkürlǝxtürǝr.
18 Ənjür kɵqitini pǝrwix ⱪilƣuqi uningdin ǝnjür yǝydu;
Hojayinini asrap kütkǝn ⱪul izzǝt tapidu.
19 Suda adǝmning yüzi ǝks ǝtkǝndǝk,
Insanning ⱪǝlbining ⱪandaⱪliⱪi ɵz yenidiki kixi arⱪiliⱪ bilinǝr. ◼«Insanning ⱪǝlbining ⱪandaⱪliⱪi ɵz yenidiki kixi arⱪiliⱪ bilinǝr» — baxⱪa birhil tǝrjimisi: «Insanning ⱪǝlbining ⱪandaⱪliⱪi ɵz yenidiki kixining ⱪǝlbigǝ mǝlum bolar (ǝks etǝr)».
20 Tǝⱨtisara wǝ ⱨalakǝt ⱨǝrgiz toymiƣandǝk,
Adǝmning aq kɵzliri ⱪanaǝt tapmas. ◼«Tǝⱨtisara» — ɵlgǝnlǝrning roⱨliri barƣan jay. «Ⱨalakǝt» — bǝlkim «ⱨalak ⱪilƣuqi» degǝn yaman bir pǝrixtidur. «Wǝⱨ.» 9:11ni kɵrüng. ◘Top. 1:8
21 Sapal ⱪazan kümüxni, qanaⱪ altunni tawlar,
Adǝm bolsa mahtalƣanda sinilar.
22 Əhmǝⱪni buƣday bilǝn birgǝ sǝndǝldǝ talⱪan ⱪilip soⱪsangmu,
Əhmǝⱪliⱪi yǝnila uningda turar.
23 Padiliringning ǝⱨwalini obdan bilip tur,
Mal-waranliringdin yahxi hǝwǝr al;
24 Qünki bayliⱪning mǝnggü kapaliti bolmas,
Taj-tǝhtmu dǝwrdin-dǝwrgiqǝ turamdu?
25 Ⱪuruƣan qɵplǝr orulƣandin keyin,
Yumran qɵplǝr ɵsüp qiⱪⱪanda,
Taƣ baƣridinmu yawayi qɵplǝr yiƣilƣanda,
26 Xu qaƣda ⱪozilarning yungliri ⱪirⱪilip kiyiming bolar;
Ɵqkilǝrni satⱪan pulƣa bir etiz kelǝr, ◘1Tim. 6:8
27 Ⱨǝmdǝ ɵqkilǝrning sütliri sening ⱨǝm ailidikiliringning ozuⱪluⱪini,
Dedǝkliringning ⱪorsiⱪini tǝminlǝxkimu yetǝr.
◘27:1 Yaⱪ. 4:13, 14
◼27:6 «Dostning ⱪolidin yegǝn zǝhimlǝr sadiⱪliⱪtin bolidu» — yaki «Dostning ⱪolidin yegǝn zǝhimlǝr adǝmni ⱨǝⱪiⱪǝtkǝ yǝtküzǝr».
◼27:7 «Toⱪ kixi ⱨǝsǝl kɵnikidinmu bizardur» — yaki «toⱪ kixi ⱨǝsǝl kɵnikini dǝssiwetidu».
◘27:13 Pǝnd. 6:1, 2; 11:15; 17:18; 20:16
◼27:19 «Insanning ⱪǝlbining ⱪandaⱪliⱪi ɵz yenidiki kixi arⱪiliⱪ bilinǝr» — baxⱪa birhil tǝrjimisi: «Insanning ⱪǝlbining ⱪandaⱪliⱪi ɵz yenidiki kixining ⱪǝlbigǝ mǝlum bolar (ǝks etǝr)».
◼27:20 «Tǝⱨtisara» — ɵlgǝnlǝrning roⱨliri barƣan jay. «Ⱨalakǝt» — bǝlkim «ⱨalak ⱪilƣuqi» degǝn yaman bir pǝrixtidur. «Wǝⱨ.» 9:11ni kɵrüng.