26
1 Yazda ⱪar yeƣix,
Orma waⱪtida yamƣur yeƣix ⱪamlaxmiƣandǝk,
Izzǝt-ⱨɵrmǝt ǝhmǝⱪⱪǝ layiⱪ ǝmǝstur.
2 Lǝylǝp uqup yürgǝn ⱪuqⱪaqtǝk,
Uqⱪan ⱪarliƣaq yǝrgǝ ⱪonmiƣandǝk,
Sǝwǝbsiz ⱪarƣix kixigǝ ziyan kǝltürǝlmǝs.
3 Atⱪa ⱪamqa, exǝkkǝ nohta lazim bolƣinidǝk,
Əhmǝⱪning dümbisigǝ tayaⱪ layiⱪtur.■Zǝb. 32:8, 9,10; Pǝnd. 10:13
4 Əhmǝⱪning ǝhmiⱪanǝ gepi boyiqǝ uningƣa jawab bǝrmigin,
Jawab bǝrsǝng ɵzüng uningƣa ohxap ⱪelixing mumkin.
5 Əhmǝⱪning ǝhmiⱪanǝ gepi boyiqǝ uningƣa jawab bǝrgin,
Jawab bǝrmisǝng u ɵzining ǝhmǝⱪliⱪini ǝⱪilliⱪ dǝp qaƣlar.
6 Ɵz putini kesiwǝtkǝndǝk,
Ɵz bexiƣa zulmǝt tiligǝndǝk,
Əhmǝⱪtin hǝwǝr yollaxmu xundaⱪ bir ixtur.□«Ɵz bexiƣa zulmǝt tiligǝndǝk» — ibraniy tilida «huddi ziyan iqkǝndǝk».
7 Tokurning karƣa kǝlmigǝn putliridǝk,
Əhmǝⱪning aƣziƣa selinƣan pǝnd-nǝsiⱨǝtmu bikar bolur.
8 Salƣiƣa taxni baƣlap atⱪandǝk,
Əhmǝⱪⱪǝ ⱨɵrmǝt bildürüxmu ǝhmiⱪanǝ ixtur.□«Salƣiƣa taxni baƣlap atⱪandǝk,...» — tax salƣiƣa baƣlap ⱪoyulsa, uni salƣidin qiⱪarƣili bolmaydu, ǝlwǝttǝ.
9 Əhmǝⱪning aƣziƣa selinƣan pǝnd-nǝsiⱨǝt,
Mǝstning ⱪoliƣa sanjilƣan tikǝndǝktur.
10 Ɵz yeⱪinlirini ⱪarisiƣa zǝhimlǝndürgǝn oⱪyaqidǝk,
Əhmǝⱪni yaki udul kǝlgǝn adǝmni yallap ixlǝtkǝn hojayinmu ohxaxla zǝhimlǝndürgüqidur.□«Ɵz yeⱪinlirini ⱪarisiƣa zǝhimlǝndürgǝn oⱪyaqidǝk, ǝhmǝⱪni yaki udul kǝlgǝn adǝmni yallap ixlǝtkǝn hojayinmu ohxaxla zǝhimlǝndürgüqidur» — bu pǝnd-nǝsiⱨǝtning baxⱪa birnǝqqǝ hil tǝrjimiliri bar.
11 It aylinip kelip ɵz ⱪusuⱪini yaliƣandǝk,
Əhmǝⱪ ǝhmǝⱪliⱪini ⱪaytilar.■2Pet. 2:22
12 Ɵzini dana qaƣlap mǝmnun bolƣan kixini kɵrdüngmu?
Uningƣa ümid baƣlimaⱪtin ǝhmǝⱪⱪǝ ümid baƣlimaⱪ ǝwzǝldur.■Pǝnd. 29:20
13 Ⱨurun adǝm: — «Taxⱪirida dǝⱨxǝtlik bir xir turidu,
Koqida bir xir yüridu!» — dǝp ɵydin qiⱪmas.■Pǝnd. 22:13
14 Ɵz mujuⱪida eqilip-yepilip turƣan ixikkǝ ohxax,
Ⱨurun kariwatta yetip u yaⱪ-bu yaⱪⱪa ɵrülmǝktǝ.
15 Ⱨurun ⱪolini sunup ⱪaqiƣa tiⱪⱪini bilǝn,
Ƣizani aƣziƣa selixtinmu erinǝr.■Pǝnd. 19:24
16 Ⱨurun ɵzini pǝm bilǝn jawab bǝrgüqi yǝttǝ kixidinmu dana sanar.
17 Koqida keliwetip, ɵzigǝ munasiwǝtsiz majiraƣa arilaxⱪan kixi,
Itning ⱪuliⱪini tutup sozƣanƣa ohxax hǝtǝrgǝ duqar bolar.
18 Ɵz yeⱪinlirini aldap «Pǝⱪǝt qaⱪqaⱪ ⱪilip ⱪoydum!» dǝydiƣan kixi,
Otⱪaxlarni, oⱪlarni, ⱨǝrhil ǝjǝllik ⱪorallarni atⱪan tǝlwigǝ ohxaydu.
20 Otun bolmisa ot ɵqǝr;
Ƣǝywǝt bolmisa, jedǝl besilar.■Pǝnd. 22:10
21 Qoƣlar üstigǝ qaqⱪan kɵmürdǝk,
Ot üstigǝ ⱪoyƣan otundǝk, jedǝlqi jedǝlni ulƣaytar.■Pǝnd. 15:18; 29:22
22 Ƣǝywǝthorning sɵzliri ⱨǝrhil nazunemǝtlǝrdǝk,
Kixining ⱪǝlbigǝ qongⱪur singdürülǝr.□«Kixining ⱪǝlbigǝ qongⱪur singdürülǝr» — ibraniy tilida «kixining ⱪorsiⱪining iqki yǝrlirigǝ singdürülǝr». ■Pǝnd. 18:8
23 Yalⱪunluⱪ lǝwlǝr rǝzil kɵngüllǝrgǝ ⱪoxulƣanda,
Sapal ⱪaqiƣa kümüx ⱨǝl bǝrgǝngǝ ohxaxtur.
24 Adawǝt saⱪlaydiƣan adǝm ɵqini gǝpliri bilǝn yapsimu,
Kɵnglidǝ ⱪat-ⱪat suyiⱪǝst saⱪlaydu.
25 Uning sɵzi qirayliⱪ bolsimu, ixinip kǝtmigin;
Ⱪǝlbidǝ yǝttǝ ⱪat iplasliⱪ bardur.
26 U ɵqmǝnlikini qirayliⱪ gǝp bilǝn yapsimu,
Lekin rǝzilliki jamaǝtning aldida axkarilinar.
27 Kixigǝ ora koliƣan ɵzi qüxǝr;
Taxni domilatⱪan kixini tax dumilap ⱪaytip kelip uni yanjar.■Zǝb. 7:15-16; 9:15; 10:2; 57:6; Top. 10:8
28 Sahta til ɵzi ziyankǝxlik ⱪilƣan kixilǝrgǝ nǝprǝtlinǝr;
Huxamǝt ⱪilƣuqi eƣiz adǝmni ⱨalakǝtkǝ ittirǝr.
■26:3 Zǝb. 32:8, 9,10; Pǝnd. 10:13
□26:6 «Ɵz bexiƣa zulmǝt tiligǝndǝk» — ibraniy tilida «huddi ziyan iqkǝndǝk».
□26:8 «Salƣiƣa taxni baƣlap atⱪandǝk,...» — tax salƣiƣa baƣlap ⱪoyulsa, uni salƣidin qiⱪarƣili bolmaydu, ǝlwǝttǝ.
□26:10 «Ɵz yeⱪinlirini ⱪarisiƣa zǝhimlǝndürgǝn oⱪyaqidǝk, ǝhmǝⱪni yaki udul kǝlgǝn adǝmni yallap ixlǝtkǝn hojayinmu ohxaxla zǝhimlǝndürgüqidur» — bu pǝnd-nǝsiⱨǝtning baxⱪa birnǝqqǝ hil tǝrjimiliri bar.
□26:22 «Kixining ⱪǝlbigǝ qongⱪur singdürülǝr» — ibraniy tilida «kixining ⱪorsiⱪining iqki yǝrlirigǝ singdürülǝr».
■26:27 Zǝb. 7:15-16; 9:15; 10:2; 57:6; Top. 10:8