6
Yǝnǝ birnǝqqǝ nǝsiⱨǝt
1 I oƣlum, ǝgǝr dostungƣa borun bolƣan bolsang,
Yat kixining ⱪǝrzini tɵlǝxkǝ ⱪol berixip wǝdǝ bǝrgǝn bolsang,□«borun» — kepil bolƣan kixi.
2 Əgǝr ɵz sɵzüngdin ilinƣan bolsang,
Ɵz wǝdǝng bilǝn baƣlinip ⱪalsang,
3 U yeⱪiningning ⱪoliƣa qüxkǝnliking üqün,
Amal ⱪilip ɵzüngni uningdin ⱪutⱪuz —
Dǝrⱨal yeⱪiningning yeniƣa berip, ɵzüngni kǝmtǝr tutup xu ixtin haliy ⱪilixini ɵtünüp sora.
4 Jǝrǝn xikarqining ⱪolidin ⱪutuluxⱪa tirixⱪandǝk,
Ⱪux owqining ⱪolidin qiⱪixⱪa tirixⱪandǝk,
Ⱪutulmiƣuqǝ uhlap yatma,
Ⱨǝtta ügdǝp arammu alma.■Zǝb. 132:4-5; Pǝnd. 20:13
Qümülǝ
6 I ⱨurun, qɵmülining yeniƣa berip uningdin ɵgǝn,
Uning tirikqilik yolliriƣa ⱪarap dana bol.
7 Ularning baxliⱪi, ǝmǝldari, ⱨɵkümdari yoⱪ bolsimu,
8 Lekin ular yazda yilning eⱨtiyaji üqün ax topliwalidu,
Ⱨosul pǝslidǝ ozuⱪ tǝyyarliwalidu.
9 I ⱨurun, ⱪaqanƣiqǝ uhlap yatisǝn?
Ⱪaqan ornungdin turisǝn?■Pǝnd. 13:4; 20:4; 24:33,34
10 Sǝn: — Birdǝm kɵz yumuwalay, birdǝm uhliwalay,
Birdǝm ⱪolumni ⱪoxturup yetiwalay, — dǝysǝn.
11 Lekin uhlap yatⱪanda, miskinlik ⱪaraⱪqidǝk kelip seni basidu,
Yoⱪsulluⱪ huddi ⱪoralliⱪ bulangqidǝk ⱨujumƣa ɵtidu.
12 Ərzimǝs, pǝyli buzuⱪ adǝm ⱨǝmmila yǝrdǝ yalƣan eytip, pǝslikni sɵzlǝydu.□«Ərzimǝs» — ibraniy tilida «Belialning oƣli» deyilidu. «Belial»ning mǝnisi «ǝrzimǝs» degǝnlik bolup, bǝlkim Iblisni kɵrsitidu.
13 U kɵz ⱪisip,
Putliri bilǝn ixarǝ ⱪilip,
Barmaⱪliri bilǝn kɵrsitidu;
14 Kɵnglidǝ aldamqiliⱪla yatidu,
U daim rǝzillikning koyida bolidu,
Ⱨǝmmila yǝrdǝ jedǝl-majira teriydu.
15 Xunga uningƣa bekitilgǝn bala-ⱪaza uni tuyuⱪsiz basidu,
U biraⱪla dawaliƣusiz yanjilidu.
16 Pǝrwǝrdigar nǝprǝtlinidiƣan altǝ nǝrsǝ bar,
Bǝrⱨǝⱪ, yǝttǝ nǝrsǝ Uningƣa yirginqliktur.
17 Ular bolsa,
Tǝkǝbburluⱪ bilǝn ⱪaraydiƣan kɵz,
Yalƣan sɵzlǝydiƣan til,
Bigunaⱨlarning ⱪenini tɵküzidiƣan ⱪol,■Pǝnd. 30:13
18 Suyiⱪǝst oylaydiƣan kɵngül,
Yamanliⱪ ⱪilixⱪa tez yügürǝydiƣan putlar,■Rim. 3:15
19 Yalƣan sɵzlǝydiƣan sahta guwaⱨqi,
Buradǝr-ⱪerindaxliri arisiƣa bɵlgünqilik salƣuqi kixidur.
Zinahorluⱪtin ɵzüngni tart
20 I oƣlum, atangning ǝmrigǝ ǝmǝl ⱪil;
Anangning kɵrsǝtmisidin qiⱪma.■Pǝnd. 1:8
21 Ularning sɵzini ⱪǝlbinggǝ tengip,
Ularni boynungƣa marjandǝk ⱪilip esiwal.■Pǝnd. 3:3
22 Yolƣa qiⱪⱪiningda ular seni yetǝklǝydu,
Uhliƣiningda ular seni saⱪlaydu,
Uyⱪudin oyƣanƣiningda ular seni hǝwǝrlǝndüridu.■Pǝnd. 3:23,24
23 Qünki Hudaning pǝrmani yoruⱪ qiraƣ,
Uning muⱪǝddǝs ⱪanuni nurdur;
Tǝrbiyǝning tǝnbiⱨliri bolsa ⱨayatliⱪ yolidur.■Zǝb. 19:7-9; 119:105
24 Ular seni buzuⱪ hotundin saⱪliƣuqi,
Yat hotunning xerin sɵzliridin yiraⱪ ⱪilƣuqidur.■Pǝnd. 2:16; 5:3; 7:5
25 Uning guzǝllikigǝ kɵnglüngni baƣlimiƣin,
Uning ⱪax-kɵz oynitixi seni ǝsirgǝ almisun.
26 Qünki buzuⱪ ayallar tüpǝylidin adǝmlǝr bir parqǝ nanƣimu zar bolidu,
Yat adǝmning zinahor ayali bolsa kixining ⱪimmǝtlik jenini ɵzigǝ ow ⱪiliwalidu.
27 Otni ⱪoynungƣa salsang,
Ɵz kiyimingni kɵydürmǝmsǝn?
28 Qoƣning üstidǝ dǝssǝp mangsang putungni kɵydürmǝmsǝn?
29 Baxⱪilarning ayali bilǝn bir orunda yatidiƣan kixi xundaⱪ bolidu;
Kim uningƣa tegip kǝtsǝ aⱪiwitidin ⱪutulalmaydu.
30 Aq ⱪalƣanda ⱪorsiⱪini toyƣuzux üqün oƣriliⱪ ⱪilƣan kixini baxⱪilar kǝmsitmǝydu;
31 Xundaⱪ turuⱪluⱪ u tutulup ⱪalsa,
Igisigǝ yǝttini tɵlǝxkǝ toƣra kelidu;
U ɵz ɵyidiki ⱨǝmmǝ nǝrsisini tapxuridu.■Mis. 22:1, 4
32 Ⱨalbuki, baxⱪilarning hotuni bilǝn zina ⱪilƣuqi uningdinmu bǝttǝr bolup, tolimu ƣǝplǝtliktur;
Undaⱪ ⱪilƣuqi ɵz-ɵzini ⱨalak ⱪilidu.
33 U zǝhmǝt yǝydu, xǝrmǝndǝ bolidu,
Uning rǝswasi ⱨeq ɵqürülmǝydu.
34 Qünki künlǝx oti ǝrni dǝrƣǝzǝpkǝ kǝltüridu,
Intiⱪam alƣan künidǝ u ⱨeq rǝⱨim ⱪilmaydu.
35 Tɵlǝm puli berǝy desǝngmu u ⱪobul ⱪilmaydu,
Ⱨǝrⱪanqǝ sowƣa-salam bǝrsǝngmu uni besiⱪturƣili bolmaydu.
□6:1 «borun» — kepil bolƣan kixi.
■6:4 Zǝb. 132:4-5; Pǝnd. 20:13
■6:9 Pǝnd. 13:4; 20:4; 24:33,34
□6:12 «Ərzimǝs» — ibraniy tilida «Belialning oƣli» deyilidu. «Belial»ning mǝnisi «ǝrzimǝs» degǝnlik bolup, bǝlkim Iblisni kɵrsitidu.
■6:24 Pǝnd. 2:16; 5:3; 7:5
■6:31 Mis. 22:1, 4