24
1 Yamanlarƣa rǝxk ⱪilma,
Ular bilǝn bardi-kǝldi ⱪilixni arzu ⱪilma;■Zǝb. 37:1; Pǝnd. 3:31; 23:17
2 Qünki ularning kɵngli zorawanliⱪnila oylar;
Ularning aƣzi azar yǝtküzüxni sɵzlǝr.■Zǝb. 10:7
3 ailǝ bolsa danaliⱪ asasida bǝrpa ⱪilinar;
Qüxinix bilǝn mustǝⱨkǝmlinǝr.
4 Bilim bilǝn ɵyning haniliri ⱨǝrhil ⱪimmǝtlik, esil gɵⱨǝrlǝrgǝ toldurular.
5 Dana adǝm zor küqkǝ igidur;
Bilimi bar adǝm ⱪudritini axurar.■Pǝnd. 21:22
6 Puhta nǝsiⱨǝtlǝr bilǝn jǝng ⱪilƣin;
Ƣǝlibǝ bolsa Birdinbir Uluƣ Mǝsliⱨǝtqi bilǝn bolar.□«Ƣǝlibǝ bolsa birdinbir uluƣ mǝsliⱨǝtqi bilǝn bolar» — «Birdinbir Uluƣ Mǝsliⱨǝtqi» bizningqǝ Huda Ɵzini kɵrsitixi kerǝk.
Baxⱪa birhil tǝrjimisi: «Mǝsliⱨǝtqilǝr kɵp bolsa, ƣǝlibǝ bolidu». ■Pǝnd. 11:14; 15:22; 20:18
Baxⱪa birhil tǝrjimisi: «Mǝsliⱨǝtqilǝr kɵp bolsa, ƣǝlibǝ bolidu». ■Pǝnd. 11:14; 15:22; 20:18
7 Danaliⱪ ǝⱪilsiz adǝmgǝ nisbǝtǝn tolimu egiz, qüxiniksizdur;
Qonglar xǝⱨǝr dǝrwazisi aldiƣa yiƣilƣanda u zuwan aqalmas.■Pǝnd. 14:6
8 Əskilikni niyǝtligǝn adǝm «suyiⱪǝstqi» atilar.
9 Əhmǝⱪliⱪtin bolƣan niyǝt gunaⱨdur;
Ⱨakawur kixi adǝmlǝrgǝ yirginqliktur.
10 Bexingƣa eƣir kün qüxkǝndǝ jasarǝtsiz bolsang,
Küqsiz ⱨesablinisǝn.
11 Sǝwǝbsiz ɵlümgǝ tartilƣanlarni ⱪutⱪuzƣin;
Boƣuzlinix hǝwpidǝ turƣanlardin yardǝm ⱪolungni tartma;■Zǝb. 82:3-4
12 Əgǝr sǝn: «Bu ixtin hǝwirimiz yoⱪtur» desǝng,
Ⱨǝr adǝmning kɵnglini taraziƣa Salƣuqi buni kɵrmǝsmu?
Jeningni ⱨayat Saⱪliƣuqi uni bilmǝsmu?
U ⱨǝrbir insan balsining ɵz ⱪilƣanliri boyiqǝ ularning ɵzigǝ yandurmasmu?■Ayup 34:11; Zǝb. 62:12; Yǝr. 32:19; Rim. 2:6; Wǝⱨ. 22:12
13 I oƣlum, ⱨǝsǝl tapsang istimal ⱪil, u yahxidur.
Ⱨǝrǝ kɵnikidin alƣan ⱨǝsǝl bolsa tatliⱪ tetiydu;
14 Danaliⱪ bilǝn tonuxsang, umu kɵnglünggǝ xuningdǝk bolar;
Uni tapⱪiningda jǝzmǝn yahxi kɵridiƣan kününg bolidu,
Arzu-ümiding bikarƣa kǝtmǝs.■Zǝb. 19:11; 119:103; Pǝnd. 23:18
15 I rǝzil adǝm, ⱨǝⱪⱪaniyning ɵyigǝ yoxurun ⱨujum ⱪilixni kütmǝ,
Uning turalƣusini buliƣuqi bolma!
16 Qünki ⱨǝⱪⱪaniy yǝttǝ ⱪetim yiⱪilip qüxǝr,
Biraⱪ ahiri yǝnǝ ornidin turar.
Lekin rǝzil kixi külpǝt iqigǝ putlixip qüxǝr.■Ayup 5:19; Zǝb. 34:19; Am. 5:2; 8:14
17 Rǝⱪibing yiⱪilip kǝtsǝ hux bolup kǝtmǝ,
Düxmining putlixip qüxsǝ xadlanma;■Ayup 31:29; Pǝnd. 17:5
18 Pǝrwǝrdigar buni kɵrgǝndǝ,
Bu ⱪiliⱪingni yahxi kɵrmǝy,
Bǝlkim ƣǝzipini rǝⱪibinggǝ qüxürmǝsliki mumkin.
19 Yamanlar rawaj tapsa, biaram bolup kǝtmǝ;
Rǝzillǝrgǝ rǝxk ⱪilma.■Zǝb. 37:1; 73:3; Pǝnd. 3:31; 23:17; 24:1
20 Qünki yamanlarning kelǝqiki yoⱪtur,
Uning qiriƣimu ɵqürülǝr.■Ayup 18:5, 6; Pǝnd. 13:9; 20:20
21 I oƣlum, Pǝrwǝrdigardin ⱪorⱪⱪin, padixaⱨnimu ⱨɵrmǝt ⱪil.
Ⱪutratⱪuqilar bilǝn arilaxma.
22 Bundaⱪ kixilǝrgǝ kelidiƣan balayi’apǝt uxtumtut bolar,
Pǝrwǝrdigar bilǝn padixaⱨning ularni ⱪandaⱪ yoⱪitidiƣanliⱪini bilǝmsǝn?□«Pǝrwǝrdigar bilǝn padixaⱨning...» — ibraniy tilida: «Ular ikkisining...».
Baxⱪa ǝⱪliyǝ sɵzlǝr
23 Bularmu aⱪilanilǝrning sɵzliridur: —
Sot ⱪilƣanda bir tǝrǝpkǝ yan besix ⱪǝt’iy bolmas. □«ⱪǝt’iy bolmas» — ibraniy tilida «yahxi ǝmǝs». ■Mis. 23:3, 6; Law. 19:15; Ⱪan. 1:17; 16:19; Pǝnd. 18:5; 28:21; Yⱨ. 7:24; Yaⱪ. 2:1
24 Jinayǝtqigǝ: «Əyibsiz sǝn» dǝp ⱨɵküm qiⱪarƣan kixigǝ,
Hǝlⱪlǝr lǝnǝt eytar;
Əl-yurtlar uningdin nǝprǝtlinǝr. ■Pǝnd. 17:15; Yǝx. 5:23
25 Biraⱪ ular jinayǝtqining gunaⱨini eqip taxliƣan kixidin hursǝn bolar,
Ular uningƣa bǝht-saadǝt tilixǝr.
26 Durus jawab bǝrgüqi,
Goyaki kixining lǝwlirigǝ sɵygüqidur.□«Durus jawab bǝrgüqi, goyaki kixining lǝwlirigǝ sɵygüqidur» — ayǝtning baxⱪa birhil tǝrjimisi «Ular durus jawab bǝrgǝn kixining lǝwlirigǝ sɵyüp ⱪoyar».
27 Awwal sirtta ixliringning yolini ⱨazirlap,
Etiz-eriⱪliringni tǝyyarla,
Andin ɵyüngni salƣin.
28 Yeⱪiningƣa ⱪarxi asassiz guwaⱨliⱪ ⱪilma;
Aƣzingdin ⱨeq yalƣanqiliⱪ qiⱪarma.
29 «U manga ⱪandaⱪ ⱪilƣan bolsa, mǝnmu uningƣa xundaⱪ ⱪilimǝn,
Uning manga ⱪilƣinini ɵzigǝ yandurimǝn», degüqi bolma.■Rim. 12:17,19
30 Mǝn ⱨurunning etizliⱪidin ɵttim,
Əⱪilsizning üzümzarliⱪi yenidin mangdim,
31 Mana, ⱨǝr yeridin tikǝnlǝr ɵsüp qiⱪⱪan,
Hohilar yǝr yüzini besip kǝtkǝn,
Ⱪoruⱪ temi ɵrülüp kǝtkǝn!
32 Ularni kɵrgǝq, obdan oylandim;
Kɵrginimdin sawaⱪ aldim: —
33 Sǝn: «Yǝnǝ birdǝm kɵzümni yumuwalay,
Yǝnǝ birdǝm uhliwalay,
Yǝnǝ birdǝm put-ⱪolumni almap yetiwalay» — desǝng,■Pǝnd. 6:10,11
34 Namratliⱪ bulangqidǝk seni besip kelǝr,
Ⱨajǝtmǝnlik ⱪalⱪanliⱪ ǝskǝrdǝk sanga ⱨujum ⱪilar.
■24:1 Zǝb. 37:1; Pǝnd. 3:31; 23:17
□24:6 «Ƣǝlibǝ bolsa birdinbir uluƣ mǝsliⱨǝtqi bilǝn bolar» — «Birdinbir Uluƣ Mǝsliⱨǝtqi» bizningqǝ Huda Ɵzini kɵrsitixi kerǝk. Baxⱪa birhil tǝrjimisi: «Mǝsliⱨǝtqilǝr kɵp bolsa, ƣǝlibǝ bolidu».
■24:6 Pǝnd. 11:14; 15:22; 20:18
■24:12 Ayup 34:11; Zǝb. 62:12; Yǝr. 32:19; Rim. 2:6; Wǝⱨ. 22:12
■24:14 Zǝb. 19:11; 119:103; Pǝnd. 23:18
■24:16 Ayup 5:19; Zǝb. 34:19; Am. 5:2; 8:14
■24:19 Zǝb. 37:1; 73:3; Pǝnd. 3:31; 23:17; 24:1
■24:20 Ayup 18:5, 6; Pǝnd. 13:9; 20:20
□24:22 «Pǝrwǝrdigar bilǝn padixaⱨning...» — ibraniy tilida: «Ular ikkisining...».
□24:23 «ⱪǝt’iy bolmas» — ibraniy tilida «yahxi ǝmǝs».
■24:23 Mis. 23:3, 6; Law. 19:15; Ⱪan. 1:17; 16:19; Pǝnd. 18:5; 28:21; Yⱨ. 7:24; Yaⱪ. 2:1
□24:26 «Durus jawab bǝrgüqi, goyaki kixining lǝwlirigǝ sɵygüqidur» — ayǝtning baxⱪa birhil tǝrjimisi «Ular durus jawab bǝrgǝn kixining lǝwlirigǝ sɵyüp ⱪoyar».