Muⱪeddes Kalam (yǝngi yeziⱪ) Rimliⱪlarƣa 12

Etiⱪadqining ɵzini Hudaƣa atixi

1 Xunga, ǝy ⱪerindaxlar, Hudaning rǝⱨimdilliⱪi bilǝn silǝrdin xuni ɵtünimǝnki, teninglarni muⱪǝddǝs, Hudani hursǝn ⱪilidiƣan, tirik ⱪurbanliⱪ süpitidǝ Uningƣa beƣixlanglar. Mana bu silǝrning Hudaƣa ⱪilidiƣan ⱨǝⱪiⱪiy ibaditinglardur.□ ■ 2 Bu dunyaning ⱪelipiƣa kirip ⱪalmanglar, bǝlki oy-pikringlarning yengilinixi bilǝn ɵzgǝrtilinglar; undaⱪ ⱪilƣanda Hudaning yahxi, ⱪobul ⱪilarliⱪ wǝ mukǝmmǝl iradisining nemǝ ikǝnlikini ispatlap bilǝlǝysilǝr.□ ■

3 Manga ata ⱪilinƣan xapaǝtkǝ asasǝn ⱨǝrbiringlarƣa xuni eytimǝnki, ɵzünglar toƣruluⱪ ɵzǝnglarda bar bolƣinidin artuⱪ oylimay, bǝlki Huda ⱨǝrbiringlarƣa tǝⱪsim ⱪilƣan ixǝnqning miⱪdariƣa asasǝn salmaⱪliⱪ bilǝn ɵzünglarni dǝngsǝp kɵrünglar.■ 4 Qünki tenimiz kɵpligǝn ǝzalardin tǝrkib tapⱪan ⱨǝmdǝ ⱨǝrbir ǝzayimizning ohxax bolmiƣan roli bolƣandǝk,■ 5 bizmu kɵp bolƣinimiz bilǝn Mǝsiⱨtǝ bir tǝn bolup bir-birimizgǝ baƣlinixliⱪ ǝza bolimiz.■

6 Xuning üqün bizgǝ ata ⱪilinƣan meⱨir-xǝpⱪǝt boyiqǝ, ⱨǝrhil roⱨiy iltipatlirimizmu bar boldi. Birsigǝ ata ⱪilinƣan iltipat wǝⱨiyni yǝtküzüx bolsa, ixǝnqisining dairisidǝ wǝⱨiyni yǝtküzsun;■ 7 baxⱪilarning hizmitini ⱪilix bolsa, hizmǝt ⱪilsun; tǝlim berix bolsa, tǝlim bǝrsun;■ 8 riƣbǝtlǝndürüx bolsa, riƣbǝtlǝndürsun; sǝdiⱪǝ berix bolsa, mǝrdlik bilǝn sǝdiⱪǝ bǝrsun; yetǝklǝx bolsa, ǝstayidilliⱪ bilǝn yetǝklisun; hǝyrhaⱨliⱪ kɵrsitix bolsa, huxal-huramliⱪ bilǝn ⱪilsun.■

9 Meⱨir-muⱨǝbbitinglar sahta bolmisun; rǝzilliktin nǝprǝtlininglar, yahxiliⱪⱪa qing baƣlininglar; 10 Bir-biringlarni ⱪerindaxlarqǝ ⱪizƣin meⱨir-muⱨǝbbǝt bilǝn sɵyünglar; bir-biringlarni ⱨɵrmǝtlǝp yuⱪiri orunƣa ⱪoyunglar.□ ■

11 Intilixinglarda erinmǝnglar, roⱨ-ⱪǝlbinglar yalⱪunlap kɵyüp turup, Rǝbkǝ ⱪullarqǝ hizmǝt ⱪilinglar.□

12 Ümidtǝ bolup xadlinip yürünglar; muxǝⱪⱪǝt-ⱪiyinqiliⱪlarƣa sǝwr-taⱪǝtlik bolunglar; duayinglarni ⱨǝrⱪandaⱪ waⱪitta tohtatmanglar. ■ 13 Muⱪǝddǝs bǝndilǝrning eⱨtiyajidin qiⱪinglar; meⱨmandostluⱪⱪa intilinglar; ■ 14 Silǝrgǝ ziyankǝxlik ⱪilƣuqilarƣa bǝht tilǝnglar; pǝⱪǝt bǝht tilǝnglarki, ularni ⱪarƣimanglar. ■

15 Xadlanƣanlar bilǝn billǝ xadlininglar; ⱪayƣurup yiƣliƣanlar bilǝn billǝ ⱪayƣurup yiƣlanglar.

16 Bir-biringlar bilǝn inaⱪ ɵtüp ohxax oy-pikirdǝ bolunglar; nǝziringlarni üstün ⱪilmanglar, bǝlki tɵwǝn tǝbiⱪidiki kixilǝr bilǝn berix-kelix ⱪilinglar. Ɵzünglarni danixmǝn dǝp qaƣlimanglar. ■ 17 Ⱨeqkimning yamanliⱪiƣa yamanliⱪ bilǝn jawab ⱪayturmanglar. Barliⱪ kixining aldida ixliringlar pǝzilǝtlik boluxⱪa kɵngül ⱪoyunglar.□ ■

18 Imkaniyǝtning bariqǝ kɵpqilik bilǝn inaⱪ ɵtünglar; ■ 19 intiⱪam almanglar, i sɵyümlüklirim; uni Hudaƣa tapxurup Uning ƣǝzipigǝ yol ⱪoyunglar, qünki muⱪǝddǝs yazmilarda mundaⱪ yezilƣan: «Pǝrwǝrdigar dǝyduki, intiⱪam Meningkidur, yamanliⱪ Mǝn ⱪayturimǝn». □ ■ 20 Xunga ǝksiqǝ «Düxmining aq bolsa, uni toydur, ussiƣan bolsa, ⱪandur. Bundaⱪ ⱪilix bilǝn «uning bexiƣa kɵmür qoƣini toplap salƣan bolisǝn». □ ■ 21 Yamanliⱪ aldida bax ǝgmǝnglar, bǝlki yamanliⱪni yahxiliⱪ bilǝn yenginglar.

□12:1 «Mana bu silǝrning Hudaƣa ⱪilidiƣan ⱨǝⱪiⱪiy ibaditinglardur» — «ⱨǝⱪiⱪiy ibaditinglar» grek tilida yǝnǝ «yolluⱪ, orunluⱪ, tegixlik, ǝⱪilgǝ muwapiⱪ hizmǝt» degǝn mǝnilǝrni ɵz iqigǝ alidu.

■12:1 Rim. 6:13,16; 1Pet. 2:5.

□12:2 «Bu dunyaning ⱪelipiƣa kirip ⱪalmanglar» — baxⱪa birhil ipadilǝx xǝkli: — «bu dunyaning eⱪimliriƣa ǝgixip yürmǝnglar». Əyni sɵzlǝr «bu dunyadiki ⱪelipⱪa xǝkillǝndürülmǝnglar».

■12:2 Əf. 5:17; 1Tes. 4:3; 1Yuⱨa. 2:15.

■12:3 Rim. 1:5; 1Kor. 12:11; Əf. 4:7.

■12:4 1Kor. 12:27; Əf. 1:23; 4:16; 5:23; Kol. 1:24.

■12:5 1Kor. 12:4; 2Kor. 10:13; 1Pet. 4:10.

■12:6 1Kor. 12:4.

■12:7 1Kor. 12:10; 1Pet. 4:10, 11.

■12:8 Ⱪan. 15:7; Mat. 6:1, 2, 3; 2Kor. 9:7.

□12:10 «bir-biringlarni ⱨɵrmǝtlǝp yuⱪiri orunƣa ⱪoyunglar» — bu sɵzning: «bir-biringlarƣa ⱨɵrmǝt kɵrsitixtǝ birinqi bolunglar», «bir-biringlarƣa bǝs-bǝstǝ ⱨɵrmǝt kɵrsitinglar» degǝn baxⱪa bir mǝnisi bar. Rosul bǝlkim ⱪǝstǝn ikki mǝnisini tǝng ixlǝtkǝn boluxi mumkin.

■12:10 Əf. 4:2; Fil. 2:3; 1Pet. 5:5; Ibr. 13:1; 1Pet. 1:22; 2:17.

□12:11 «roⱨ-ⱪǝlbinglar yalⱪunlap kɵyüp turup,...» — «Muⱪǝddǝs Roⱨta, Muⱪǝddǝs Roⱨ arⱪiliⱪ ⱪizƣin bolup...» yaki «ɵz roⱨingda ⱪizƣin bolup...» degǝn mǝnilǝrning ⱪaysisini bildüridiƣanliⱪiƣa birnemǝ demǝk tǝs. Əmǝliyǝttǝ nijatta Muⱪǝddǝs Roⱨ ixǝngüqining roⱨi bilǝn bir bolup, u arⱪiliⱪ ixlǝydu, xunga bu ikki mǝnǝ arisida qong pǝrⱪ yoⱪ.

■12:12 Luⱪa 18:1; Rim. 15:13; Əf. 6:18; Kol. 4:2; 1Tes. 5:16,17; Ibr. 10:36; 12:1; Yaⱪ. 5:7

■12:13 1Kor. 16:1; Ibr. 13:2; 1Pet. 4:9.

■12:14 Mat. 5:44; 1Kor. 4:12.

■12:16 Pǝnd. 3:7; Yǝx. 5:21; Rim. 15:5; 1Kor. 1:10; Fil. 2:2; 3:16; 1Pet. 3:8.

□12:17 «Barliⱪ kixining aldida ixliringlar pǝzilǝtlik boluxⱪa kɵngül ⱪoyunglar» — baxⱪa birhil tǝrjimisi: «Kɵpqilik yahxi dǝp ⱪariƣan ixlarni kɵngül ⱪoyup ⱪilinglar».

■12:17 Pǝnd. 20:22; Mat. 5:39; 1Kor. 6:7; 2Kor. 8:21; 1Tes. 5:15; 1Pet. 2:12.

■12:18 Mar. 9:50; Ibr. 12:14.

□12:19 «Pǝrwǝrdigar dǝyduki, intiⱪam Meningkidur, yamanliⱪ Mǝn ⱪayturimǝn» — «Ⱪan.», 32:35.

■12:19 Ⱪan. 32:35; Mat. 5:39; Luⱪa 6:29; Ibr. 10:30.

□12:20 «Düxmining aq bolsa, uni toydur, ussiƣan bolsa, ⱪandur. Bundaⱪ ⱪilix bilǝn «uning bexiƣa kɵmür qoƣini toplap salƣan bolisǝn» — («Pǝnd.» 25:21-22). «Uning bexiƣa kɵmür qoƣini toplap salƣan bolisǝn» degǝn mǝnisi: «uni ⱪattiⱪ uyaldurisǝn». Bu ibarǝ Misirdiki kona bir adǝtni kɵrsitidu. Adǝmning towa ⱪilƣanliⱪini bildürüx üqün bexida bir siwǝt qoƣni kɵtürüp mangatti. Xunga «uning bexiƣa kɵmür qoƣini toplap salƣan bolisǝn» degini, uning towa ⱪilixiƣa yardǝm berǝlǝysǝn» «wijdanini oyƣitisǝn» degǝnliktur.

■12:20 Pǝnd. 25:21-22; Mat. 5:44.