Muⱪeddes Kalam (yǝngi yeziⱪ) Tesalonikaliⱪlarƣa «1» 4

Hudani hursǝn ⱪilidiƣan ⱨayat yoli

1 Ahirida, i ⱪerindaxlar, biz Rǝb Əysada turup silǝrdin xuni ɵtünimiz ⱨǝm jekilǝymizki, silǝr bizdin Hudani hursǝn ⱪilixⱪa ⱪandaⱪ mengixinglar kerǝklikini tapxuruwalƣininglardǝk ⱨǝm ⱨazir xu boyiqǝ mengiwatⱪininglardǝk, xundaⱪ ⱪilixinglar tehimu exip taxⱪay. ◘ 2 Qünki silǝr bizning Rǝb Əysa arⱪiliⱪ silǝrgǝ nemǝ ǝmrlǝrni tapiliƣanliⱪimizni bilisilǝr. 3 Qünki Hudaning iradisi xuki, pak-muⱪǝddǝs ⱪilinix, ⱨǝrⱪandaⱪ buzuⱪqiliⱪtin saⱪlinix, ◘ 4-5 yǝni ⱨǝrbiringlar Hudani tonumaydiƣan taipilǝrdǝk xǝⱨwaniy ⱨǝwǝslǝrgǝ berilmǝy, bǝlki ⱪandaⱪ ⱪilip ɵz tenini baxⱪurup, uni pak-muⱪǝddǝsliktǝ ar-nomus bilǝn saⱪlaxni ɵginiwelixtur. ◼ ◘ 6 Bu jǝⱨǝtlǝrdǝ ⱨeqkim ɵz ⱪerindixining ⱨǝⱪⱪigǝ qang selip, ɵz payda-mǝnpǝitini ⱪoƣlimisun; qünki biz ilgiri silǝrgǝ qüxǝndürüp toluⱪ agaⱨlandurƣinimizdǝk, barliⱪ muxundaⱪ ixlarda Rǝb Ɵzi intiⱪam alƣuqidur. 7 Qünki Huda bizni napakliⱪⱪa ǝmǝs, bǝlki pak-muⱪǝddǝsliktǝ yaxaxⱪa qaⱪirdi. ◘ 8 Xuning üqün bu ⱨǝⱪiⱪǝtni rǝt ⱪilƣan adǝm, insaniy ⱨoⱪuⱪni ǝmǝs, bǝlki silǝrgǝ Muⱪǝddǝs Roⱨini ata ⱪilƣuqi Hudani rǝt ⱪilƣan bolidu. ◘

9 Əmdi ⱪerindaxliⱪ meⱨir-muⱨǝbbǝtkǝ kǝlsǝk, bu toƣrisida silǝrgǝ yezip olturiximizning ⱨajiti yoⱪ. Qünki Huda Ɵzi bir-biringlarƣa meⱨir-muⱨǝbbǝt kɵrsitixni ɵgǝtmǝktǝ. ◘ 10 Qünki silǝr pütkül Makedoniyǝ ɵlkisidiki ⱨǝmmǝ ⱪerindaxlarƣa xundaⱪ ⱪiliwatisilǝr; xundaⱪ bolsimu, i ⱪerindaxlar, xundaⱪ ⱪilixⱪa berilip tehimu exip texixinglarni, 11 xundaⱪla biz silǝrgǝ tapiliƣinimizdǝk, tinq yürüxni, baxⱪilarning ixliriƣa arilaxmay, ɵz ixinglar bilǝn bolup, ikki ⱪolunglarƣa tayinip yaxaxni nixan ⱪilip intilixinglarni ɵtünimiz. ◘ 12 Mana xundaⱪ ⱪilsanglar, sirttikilǝr aldida izzǝt-ⱨɵrmǝtkǝ sazawǝr bolup mangisilǝr wǝ ⱨeqkimning ⱪoliƣa beⱪinip ⱪalmaysilǝr. ◼

Əysa Mǝsiⱨning ⱪayta kelixi

13 Lekin, ǝy ⱪerindaxlar, ümidsizlik iqidǝ yaxawatⱪan baxⱪa ⱨǝmmisidǝk, aranglardiki ɵlümdǝ uhlap ⱪalƣanlarƣa ⱪayƣurup ⱨǝsrǝt qǝkmǝslikinglar üqün ularning ⱨali toƣruluⱪ hǝwǝrsiz ⱪelixinglarni halimaymiz. ◼ ◘ 14 Qünki biz Əysaning ɵlüp tirilgǝnlikigǝ ixǝngǝnikǝnmiz, Əysa ⱪayta kǝlginidǝ, ɵlümdǝ Uningda uhlap ⱪalƣanlarni Huda Uning bilǝn billǝ elip kelidiƣanliⱪiƣa ixinimiz. 15 Qünki Rǝbning sɵz-kalami boyiqǝ silǝrgǝ xuni eytimizki, Rǝb ⱪayta kǝlgüqǝ tirik ⱪalƣan bizlǝr uning aldiƣa qiⱪiximiz jǝzmǝn ɵlümdǝ uhlap ⱪalƣanlarningkidin awwal bolmaydu; ◼ ◘ 16 Qünki Rǝb ⱪattiⱪ bir nǝrǝ tartip, bax pǝrixtining awazi wǝ Hudaning kanay sadasi iqidǝ asmandin qüxidu wǝ Mǝsiⱨdǝ bolup ɵlgǝnlǝr awwal tirilidu; ◘ 17 andin tirik ⱪalƣan bizlǝr ular bilǝn birgǝ Rǝb bilǝn ⱨawada kɵrüxüx üqün, bulutlar arisiƣa elinip kɵtürülimiz; xuning bilǝn biz Rǝb bilǝn mǝnggü birgǝ bolimiz. ◼ 18 Xunga, bir-biringlarƣa bu sɵzlǝr bilǝn riƣbǝt-tǝsǝlli beringlar.

◘4:1 Fil. 1:27; 1Tes. 2:12.

◘4:3 Rim. 12:2; Əf. 5:27; Fil. 4:8.

◼4:4-5 «.... bǝlki ⱪandaⱪ ⱪilip ɵz tenini baxⱪurup, uni pak-muⱪǝddǝsliktǝ ar-nomus bilǝn saⱪlaxni ɵginiwelixtur» — grek tilida «ɵz teni» «ɵz qinisi» degǝn bilǝn ipadilinidu. Xunga jümlining ǝng ahirⱪi bɵlikini «Hudaning iradisi... ɵz jora-ⱨǝmraⱨini tepip, pak-muⱪǝddǝslik wǝ ar-nomusluⱪta ⱨayat ɵtküzüxni ɵginiwelixtur» yaki «ɵz pak-muⱪǝddǝslik wǝ ar-nomusluⱪinglarni saⱪlap, ɵz jora-ⱨǝmraⱨinglar bilǝn yaxaxni ɵginiwelixtur» dǝpmu qüxinixkǝ bolidu. Qong imkaniyǝt barki, rosul tǝrjimimizdikidǝk xundaⱪla bu ikki mǝninimu bildürmǝkqi bolƣan. Hudaning bekitkini bilǝn nikaⱨlanƣan ǝr-ayal bǝribir «bir tǝn»dur.

◘4:4-5 1Kor. 15:34; Əf. 4:18.

◘4:7 Yuⱨ. 17:19; 1Kor. 1:2.

◘4:8 Luⱪa 10:16; 1Kor. 7:40.

◘4:9 Law. 19:18; Mat. 22:39; Yuⱨ. 13:34; 15:12; Əf. 5:2; 1Pet. 4:8; 1Yuⱨ. 3:23; 4:21.

◘4:11 Ros. 20:34; Əf. 4:28; 2Tes. 3:7,12.

◼4:12 «Mana xundaⱪ ⱪilsanglar, sirttikilǝr aldida izzǝt-ⱨɵrmǝtkǝ sazawǝr bolup mangisilǝr wǝ ⱨeqkimning ⱪoliƣa beⱪinip ⱪalmaysilǝr» — «sirttikilǝr» etiⱪadsizlar, jamaǝttin sirtta turƣanlarni kɵrsitidu.

◼4:13 «(silǝrning) ... ularning ⱨali toƣruluⱪ hǝwǝrsiz ⱪelixinglarni halimaymiz» — «silǝrning... hǝwǝrsiz ⱪelixinglarni halimaymiz» degǝn bu ibarǝ adǝttǝ Rim imperatori yarliⱪ qüxürgǝndǝ ixlitidiƣan ibarǝ idi. Rosul ǝmdi keyinki gepini «alǝm imperatori Əysa Mǝsiⱨ»din kǝlgǝn dǝp puratmaⱪqi ohxaydu.

◘4:13 Law. 19:28; Ⱪan. 14:1; 2Sam. 12:20-23.

◼4:15 «Rǝb ⱪayta kǝlgüqǝ tirik ⱪalƣan bizlǝr uning aldiƣa qiⱪiximiz jǝzmǝn ɵlümdǝ uhlap ⱪalƣanlarningkidin awwal bolmaydu» — «qiⱪiximiz» degǝn sɵz «asmanƣa kɵtürülüximiz»ni kɵtüridu. Keyinki ayǝtlǝrni kɵrüng.

◘4:15 1Kor. 15:22,51.

◘4:16 Yǝx. 27:13; Zǝk. 9:14; Mat.24:31; 1Kor. 15:52; Wǝⱨ. 10:7, 11:15; 2Tes. 1:7.

◼4:17 «andin tirik ⱪalƣan bizlǝr ular bilǝn birgǝ Rǝb bilǝn ⱨawada kɵrüxüx üqün, bulutlar arisiƣa elinip kɵtürülimiz; xuning bilǝn biz Rǝb bilǝn mǝnggü birgǝ bolimiz» — bu wǝⱪǝlǝr toƣruluⱪ «Kolossiliklǝrgǝ»diki (3:3 toƣruluⱪ) «ⱪoxumqǝ sɵz»imizni kɵrüng.