Muⱪeddes Kalam (yǝngi yeziⱪ) Tesalonikaliⱪlarƣa «2» 1

Tesalonikaliⱪlarƣa «2»

Rosul Pawlus Tesalonika xǝⱨiridiki jamaǝtkǝ yazƣan ikkinqi mǝktup

1 Mǝnki Pawlus, Silas ⱨǝmdǝ Timotiydin Huda’Atimiz wǝ Rǝbbimiz Əysa Mǝsiⱨdǝ bolƣan, Tesalonika xǝⱨiridiki jamaǝtkǝ salam. ◼ 2 Huda’Atimiz wǝ Rǝb Əysa Mǝsiⱨtin silǝrgǝ meⱨir-xǝpⱪǝt wǝ hatirjǝmlik ata ⱪilinƣay! ◘

Azab-oⱪubǝt iqidiki riƣbǝt-tǝsǝlli

3 Silǝr üqün Hudaƣa ⱨǝrdaim tǝxǝkkür eytiximizƣa toƣra kelidu (ⱨǝmdǝ xundaⱪ ⱪilix tolimu layiⱪtur), i ⱪerindaxlar, — qünki etiⱪadinglar küqlük ɵsmǝktǝ ⱨǝmdǝ bir-biringlarƣa bolƣan meⱨir-muⱨǝbbitinglarmu exip taxmaⱪta. ◼ ◘ 4 Xuning bilǝn biz ɵzimiz silǝrning bexinglarƣa qüxkǝn, xundaⱪla bǝrdaxliⱪ beriwatⱪan barliⱪ ziyankǝxlik wǝ japa-eƣirqiliⱪlar iqidǝ kɵrsǝtkǝn sǝwr-qidamliⱪ wǝ etiⱪadinglar üqün, Hudaning ⱨǝrⱪaysi jamaǝtliridǝ silǝrdin pǝhirlinimiz; ◘ 5 bu ixlar Hudaning kelidiƣan adil ⱨɵkümini kɵrsitidiƣan roxǝn bir alamǝttur wǝ xundaⱪla, bu ixlar silǝrning Hudaning padixaⱨliⱪiƣa layiⱪ ⱨesablinixinglar üqün bolidu; silǝr mana xu padixaⱨliⱪ üqün zulum-zǝhmǝt qekiwatisilǝr; ◼ ◘ 6-7 xundaⱪ ikǝn, silǝrgǝ eƣirqiliⱪ salƣuqilarƣa Huda eƣirqiliⱪ salsa, ⱨǝm xundaⱪla Rǝb Əysa ⱪudrǝtlik pǝrixtiliri bilǝn ǝrxtin ⱪayta kɵrüngǝn qaƣda, eƣirqiliⱪⱪa uqriƣan silǝrgǝ biz bilǝn tǝng aramliⱪ bǝrsǝ durus ix bolmamdu? ◘ 8 Xu qaƣda U Hudani tonumaydiƣanlardin, xundaⱪla Rǝbbimiz Əysa Mǝsiⱨning hux hǝwirigǝ itaǝt ⱪilmaydiƣanlardin yalⱪunluⱪ ot bilǝn intiⱪam alidu. ◼ ◘ 9 Bundaⱪ kixilǝr Rǝbning ⱨuzuridin wǝ küq-ⱪudritining xan-xǝripidin mǝⱨrum ⱪilinip, mǝnggülük ⱨalakǝt jazasini tartidu. ◼ ◘ 10 U waⱪitta U Ɵzining barliⱪ muⱪǝddǝs bǝndiliridǝ uluƣlinip, xu künidǝ barliⱪ ixǝngǝnlǝrdǝ (silǝr dǝrwǝⱪǝ bizning guwaⱨliⱪimizƣa ixǝngǝndursilǝr) Ɵzining karamǝtlikini kɵrsitip, mǝdⱨiyilǝngili kelidu. ◼ ◘

11 Xuning üqün, biz silǝr üqün daim xundaⱪ dua ⱪilimizki, silǝrni qaⱪirƣan bizning Hudayimiz silǝrni Ɵz uluƣ qaⱪiriⱪiƣa layiⱪ ⱨesablap, yahxiliⱪⱪa intilgǝn barliⱪ güzǝl mǝⱪsǝt-muddialiringlarni wǝ etiⱪadinglardin qiⱪⱪan barliⱪ hizmǝtliringlarni küq-ⱪudriti bilǝn ǝmǝlgǝ axurƣay. 12 Xuning bilǝn, Hudayimizning wǝ Rǝbbimiz Əysa Mǝsiⱨning meⱨir-xǝpⱪiti arⱪiliⱪ Rǝbbimiz Əysa Mǝsiⱨning nami silǝrdǝ xan-xǝrǝp bolup uluƣlinidu wǝ silǝrmu Uningda xan-xǝrǝpkǝ erixisilǝr.

◼1:1 «Tesalonika xǝⱨridik jamaǝtkǝ salam» — «Tesalonika xǝⱨiri» — Ⱪǝdimki Gretsiyǝdiki bir xǝⱨǝr idi, bu xǝⱨǝrning ⱨazirⱪi nami «Salonika» bolup, u Türkiyidǝ.

◘1:2 1Kor. 1:3; 1Tes. 1:1; 1Pet. 1:2.

◼1:3 «Silǝr üqün Hudaƣa ⱨǝrdaim tǝxǝkkür eytiximizƣa toƣra kelidu ..., i ⱪerindaxlar, — qünki etiⱪadinglar küqlük ɵsmǝktǝ ⱨǝmdǝ bir-biringlarƣa bolƣan meⱨir-muⱨǝbbitinglarmu exip taxmaⱪta» — Pawlusning birinqi hetidiki duasi ⱨǝm ɵtünüxliri ⱨazir ǝmǝlgǝ axuruluwatidu; «1Tes.» 2:12, 4:10ni kɵrüng.

◘1:3 Əf. 1:15; Fil. 1:3; Kol. 1:3; 1Tes. 1:2.

◘1:4 1Tes. 2:19.

◼1:5 «bu ixlar Hudaning kelidiƣan adil ⱨɵkümini kɵrsitidiƣan roxǝn bir alamǝttur wǝ xundaⱪla, bu ixlar silǝrning Hudaning padixaⱨliⱪiƣa layiⱪ ⱨesablinixinglar üqün bolidu; silǝr mana xu padixaⱨliⱪ üqün zulum-zǝhmǝt qekiwatisilǝr» — «bu ixlar» — etiⱪadqilarƣa ⱪarxi qiⱪⱪanlarning ziyankǝxlik ⱪilixliri ⱨǝm Tesalonikadiki etiⱪadqilarning sǝwr-taⱪǝtlirini kɵrsitidu. Bu ayǝt toƣruluⱪ «ⱪoxumqǝ sɵz»imizni kɵrüng.

◘1:5 1Tes. 2:14; Yǝⱨ. 6.

◘1:6-7 Zǝk. 2:12; 1Tes. 4:16.

◼1:8 «Xu qaƣda u (Mǝsiⱨ) Hudani tonumaydiƣanlardin, xundaⱪla Rǝbbimiz Əysa Mǝsiⱨning hux hǝwirigǝ itaǝt ⱪilmaydiƣanlardin yalⱪunluⱪ ot bilǝn intiⱪam alidu» — «Yǝr.» 10:25, «Zǝb.» 79:6 wǝ «Yǝx.» 66:15ni kɵrüng.

◘1:8 Yǝr.» 10:25; Zǝb. 79:6; Yǝx. 66:15; Rim. 2:8; 2Pet. 3:7

◼1:9 «Bundaⱪ kixilǝr Rǝbning ⱨuzuridin wǝ küq-ⱪudritining xan-xǝripidin mǝⱨrum ⱪilinip, mǝnggülük ⱨalakǝt jazasini tartidu» — yaki bolmisa: «bundaⱪ kixilǝr Rǝbning küq-ⱪudritining xan-xǝripidin wǝ Uning ⱨuzurdin bolƣan mǝnggülük ⱨalakǝt jazasini tartidu».

◘1:9 Yǝx. 2:19.

◼1:10 «U (Mǝsiⱨ) ... xu künidǝ barliⱪ ixǝngǝnlǝrdǝ ... Ɵzining karamǝtlikini kɵrsitip, mǝdⱨiyilǝngili kelidu» — «Ɵzining karamǝtlikini kɵrsitip, mǝdⱨiyilinix» — grek tilida bu bir sɵz bilǝnla ipadilinidu. «Ɵz muⱪǝddǝs bǝndiliridǝ... ixǝngǝnlǝrdǝ...». Bu ibarining mǝnisi: (1) «Rǝb Əysaning güzǝlliki wǝ pǝziliti Ɵz bǝndiliri, yǝni Ɵzigǝ ixǝngǝn adǝmlirigǝ birinqi bolup kɵrünidu» wǝ: (2) «Uning bu güzǝlliki ularning ɵzliridǝ, yǝni ular arⱪiliⱪ pütkül alǝmgǝ kɵrünidu» degǝnlik bolsa kerǝk.

◘1:10 Ros. 1:11; 1Tes. 1:10; Wǝⱨ. 1:7.