Muⱪeddes Kalam (yǝngi yeziⱪ) Tesalonikaliⱪlarƣa «1» 1

Tesalonikaliⱪlarƣa «1»

Rosul Pawlus Tesalonika xǝⱨiridiki jamaǝtkǝ yazƣan birinqi mǝktup •••• Pawlusning salamliri, tǝxǝkkür etixliri wǝ riƣbǝtlǝndürüxliri

1 Mǝnki Pawlus, Silas ⱨǝmdǝ Timotiydin Huda’Atimiz wǝ Rǝbbimiz Əysa Mǝsiⱨdǝ bolƣan, Tesalonika xǝⱨiridiki jamaǝtkǝ salam.

Silǝrgǝ meⱨir-xǝpⱪǝt wǝ hatirjǝmlik bolƣay! □ ■

2 Biz dualirimizda silǝrni yad etip turup, Hudaƣa silǝr üqün ⱨǝrdaim tǝxǝkkür eytimiz; ■ 3 Huda’Atimizning aldida etiⱪadinglardin bolƣan ǝmǝlliringlarni, meⱨir-muⱨǝbbǝttin qiⱪⱪan japaliⱪ ǝjringlarni, Rǝbbimiz Əysa Mǝsiⱨkǝ baƣliƣan ümidtǝ bolƣan qidamliⱪinglarni izqil ǝslǝp turuwatimiz. □ ■ 4 Qünki ǝy ⱪerindaxlar, Huda sɵygǝnlǝr, Uning silǝrni talliƣanliⱪi bizgǝ ayan. 5 Qünki hux hǝwirimiz silǝrgǝ yǝtküzülginidǝ sɵzlǝr bilǝnla ǝmǝs, bǝlki küq-ⱪudrǝt bilǝn, Muⱪǝddǝs Roⱨ bilǝn, mutlǝⱪ jǝzmlǝxtürülgǝn ⱨalda silǝrgǝ yǝtküzülgǝn; uning üstigǝ, bizning silǝrning aranglarda bolƣinimizda silǝrni dǝp ɵzimizni ⱪandaⱪ tutⱪanliⱪimizni obdan bilisilǝr.■

6 Xuning bilǝn silǝr eƣir azab-oⱪubǝt iqidǝ turuⱪluⱪmu, Muⱪǝddǝs Roⱨning xadliⱪi bilǝn sɵz-kalamni ⱪobul ⱪilip, bizni, xundaⱪla Rǝbning Ɵzini ülgǝ ⱪilip ǝgǝxtinglar,■ 7 xuning bilǝn silǝr Makedoniyǝ wǝ Ahaya ɵlkiliridiki barliⱪ etiⱪadqilarƣa ülgǝ bolup qiⱪtinglar; 8 qünki Rǝbning sɵz-kalami silǝrdin pǝⱪǝt Makedoniyǝ wǝ Ahayaƣila yangrap ⱪalmastin, bǝlki ⱨǝmmǝ yǝrgǝ Hudaƣa baƣlanƣan etiⱪadinglar toƣruluⱪ ⱨǝmmǝ yǝrgǝ hǝwǝr tarⱪiliptu; nǝtijidǝ, bizning xu yǝrlǝrdǝ hux hǝwǝr toƣruluⱪ ⱨeqnemǝ deyiximizning ⱨajiti ⱪalmidi. □ 9-10 Qünki biz barƣanliki jaydiki kixilǝr silǝrning bizni ⱪandaⱪ ⱪarxi alƣanliⱪinglarni, silǝrning butlardin ⱪandaⱪ waz keqip tirik wǝ ⱨǝⱪiⱪiy Hudaning hizmitidǝ boluxⱪa, xundaⱪla Uning Oƣlining, yǝni U ɵlümdin tirildürgǝn, kǝlgüsidǝ kelidiƣan ƣǝzǝptin bizni ⱪutⱪuzƣuqi Əysaning ǝrxtin kelixini kütüxkǝ Hudaƣa baⱪⱪanliⱪinglarni bayan ⱪilixidu.□ ■

□1:1 «Tesalonika xǝⱨiridiki jamaǝtkǝ salam» — «Tesalonika» degǝn xǝⱨǝr ⱨazirⱪi Gretsiyǝ (Makedoniyǝ) ⱨazirⱪi ismi «Salonika». Kona zamanda «Tesalonika» dǝp atalƣan.

■1:1 Rim. 1:7; Əf. 1:2; 1Pet. 1:2.

■1:2 Əf. 1:16; Fil. 1:3; Kol. 1:3; 2Tes. 1:3.

□1:3 «etiⱪadinglardin bolƣan ǝmǝlliringlar...» — grek tilida «etiⱪadinglardin bolƣan ǝmiling...». Yuⱨ. 6:29.

■1:3 Yⱨ. 6:29

■1:5 1Kor. 2:4; 4:20; 1Tes. 2:1.

■1:6 1Kor. 4:16; 11:1; Fil. 3:17; 2Tes. 3:9.

□1:8 «qünki Rǝbning sɵz-kalami silǝrdin pǝⱪǝt Makedoniyǝ wǝ Ahayaƣila yangrap ⱪalmastin, bǝlki ⱨǝmmǝ yǝrgǝ Hudaƣa baƣlanƣan etiⱪadinglar toƣruluⱪ ⱨǝmmǝ yǝrgǝ hǝwǝr tarⱪiliptu; nǝtijidǝ, bizning xu yǝrlǝrdǝ hux hǝwǝr toƣruluⱪ ⱨeqnemǝ deyiximizning ⱨajiti ⱪalmidi. » — demǝk, Pawlus wǝ hizmǝtdaxliri ⱪaysi yǝrlǝrgǝ barmisun, xu yǝrdiki kixilǝr alliⱪaqan Tesalonikadikilǝrning Hudaƣa bolƣan etiⱪadidin hǝwǝr tapⱪan, xundaⱪla ɵzlirimu hux hǝwǝrdin hǝwǝrdar bolƣan.

□1:9-10 «qünki biz barƣanliki jaydiki kixilǝr silǝrning bizni ⱪandaⱪ ⱪarxi alƣanliⱪinglarni... bayan ⱪilixidu» — grek tilida: «qünki biz barƣanliki jaydiki kixilǝr bizning silǝrning aranglarƣa kiriximizning ⱪandaⱪ ikǝnlikini... bayan ⱪilixidu».

■1:9-10 Ros. 1:11; Fil. 3:20; 2Tes. 1:10; Wǝⱨ. 1:7.