3
1 Xuning bilǝn biz silǝrdin hǝwǝrsiz taⱪitimiz taⱪ bolup, ɵzimiz Afina xǝⱨiridǝ yalƣuz ⱪelip, 2 aldinglarƣa ⱪerindiximiz ⱨǝm Huda yolida Mǝsiⱨning hux hǝwiridǝ boluwatⱪan hizmǝtdiximiz Timotiyni silǝrni etiⱪadta mustǝⱨkǝmlǝx-küqǝytix wǝ riƣbǝtlǝndürüx üqün ǝwǝtixni ⱪarar ⱪilduⱪ;■Ros. 16:1; Rim. 16:21; Fil. 2:19. 3 bizning uni ǝwǝtixtiki mǝⱪsitimiz, ⱨeqkimning bexinglarƣa qüxkǝn muxu zǝhmǝt-ⱪiyinqiliⱪlar sǝwǝbidin etiⱪadta tǝwrinip ⱪalmasliⱪi üqündur. Qünki ɵzünglar bundaⱪ ixlarƣa uqraxⱪa aldin’ala bekitilgǝn, dǝp bilisilǝr.■Ros. 14:22; Əf. 3:13; Fil. 1:14; 2Tim. 3:12. 4 Qünki biz silǝr bilǝn billǝ bolƣan waⱪtimizda, silǝrgǝ ⱨǝmmimiz azab-ⱪiyinqiliⱪⱪa uqrimay ⱪalmaymiz dǝp aldin’ala eytⱪaniduⱪ. Əmǝliyǝttǝ ⱨazir deginimizdǝk boldi, dǝp bilisilǝr. 5 Xu sǝwǝbtin taⱪitim taⱪ bolup, etiⱪadinglarning zadi ⱪandaⱪ ikǝnlikini bilix üqün, azdurƣuqi silǝrni azdurup bizning silǝrgǝ singdürgǝn ǝjrimiz bikarƣa kǝttimikin dǝp ǝnsirǝp, Timotiyni yeninglarƣa ǝwǝtkǝnidim.□«azdurƣuqi silǝrni azdurup bizning silǝrgǝ singdürgǝn ǝjrimiz bikarƣa kǝttimikin dǝp ǝnsirǝp,...» — «azdurƣuqi» Xǝytan, Iblis.
6 Lekin Timotiy baya yeninglardin ⱪaytip kǝlgǝndǝ, etiⱪadinglar wǝ meⱨir-muⱨǝbbitinglar toƣrisida bizgǝ yahxi hǝwǝr elip kelip, silǝrning bizni ⱨǝrdaim seƣinip turƣanliⱪinglarni wǝ huddi biz silǝr bilǝn didarlixixⱪa tǝlpünginimizdǝk, silǝrningmu bizni kɵrgünglar kǝlgǝnlikini eytti. 7 Xuningdǝk, ǝy ⱪerindaxlar, beximizƣa qüxkǝn muxundaⱪ barliⱪ azab-oⱪubǝt wǝ eƣirqiliⱪ iqidǝ turiwatⱪinimizda silǝrdin, yǝni qing etiⱪadinglardin riƣbǝt-tǝsǝlli taptuⱪ; 8 Qünki Rǝbdǝ qing turƣan bolsanglar, biz ɵlmǝy, ⱨayat ⱪalimiz!□«qünki Rǝbdǝ qing turƣan bolsanglar, biz ɵlmǝy, ⱨayat ⱪalimiz!» — Pawlus Tesalonikadikilǝrni xunqǝ yahxi kɵrǝttiki, mubada ular Rǝbdin tenip kǝtkǝn bolsa, u ɵzimu ɵlǝy dǝp ⱪalatti. 9 Əmdi silǝr üqün, Hudayimiz aldida silǝrning wǝjinglardin tolimu xadlanduⱪ, bu zor xadliⱪimizdin silǝr üqün Hudaƣa ⱪanqilik dǝrijidǝ tǝxǝkkür eytsaⱪ bolar?! 10 Silǝr bilǝn didar kɵrüxüx wǝ etiⱪadinglardiki yetǝrsizliklǝrni mukǝmmǝl ⱪilixⱪa muyǝssǝr bolux imkaniyiti üqün, keqǝ-kündüz Hudaƣa zor tǝlmürüp yelinmaⱪtimiz.■Rim. 1:10,11; 15:23; 2Tim. 1:4.
11 Əmdi bizning Huda’Atimizning Ɵzi ⱨǝm Rǝbbimiz Əysa bizning yolimizni yeninglarƣa baxliƣay; □«Əmdi bizning Huda’Atimizning Ɵzi ⱨǝm Rǝbbimiz Əysa bizning yolimizni yeninglarƣa baxliƣay» — ⱪiziⱪ bir ix xuki, «yolimizni... baxliƣay» degǝn peil grek tilidiki «birlik xǝhs» xǝklididur. Demǝk, Huda’Ata wǝ Rǝb Əysa bir xǝhsdǝk ix ⱪilidu. 12 ǝmdi meⱨir-muⱨǝbbǝtimiz silǝrgǝ tolƣandǝk, Rǝb silǝrning bir-biringlarƣa wǝ ⱨǝmmǝ adǝmlǝrgǝ bolƣan meⱨir-muⱨǝbbitinglarni axurup, tolup taxturƣay; 13 ⱨǝm xundaⱪ bolƣanda, Rǝbbimiz Əysa Ɵzining barliⱪ muⱪǝddǝs bǝndiliri bilǝn billǝ ⱪaytip kǝlgǝndǝ ⱪǝlbinglar bizning Huda’Atimiz aldida pak-muⱪǝddǝsliktǝ nuⱪsansiz boluxⱪa mustǝⱨkǝmlinidu!■1Kor. 1:8; 1Tes. 5:23; 2Tes. 2:17.
■3:2 Ros. 16:1; Rim. 16:21; Fil. 2:19.
■3:3 Ros. 14:22; Əf. 3:13; Fil. 1:14; 2Tim. 3:12.
□3:5 «azdurƣuqi silǝrni azdurup bizning silǝrgǝ singdürgǝn ǝjrimiz bikarƣa kǝttimikin dǝp ǝnsirǝp,...» — «azdurƣuqi» Xǝytan, Iblis.
□3:8 «qünki Rǝbdǝ qing turƣan bolsanglar, biz ɵlmǝy, ⱨayat ⱪalimiz!» — Pawlus Tesalonikadikilǝrni xunqǝ yahxi kɵrǝttiki, mubada ular Rǝbdin tenip kǝtkǝn bolsa, u ɵzimu ɵlǝy dǝp ⱪalatti.
■3:10 Rim. 1:10,11; 15:23; 2Tim. 1:4.
□3:11 «Əmdi bizning Huda’Atimizning Ɵzi ⱨǝm Rǝbbimiz Əysa bizning yolimizni yeninglarƣa baxliƣay» — ⱪiziⱪ bir ix xuki, «yolimizni... baxliƣay» degǝn peil grek tilidiki «birlik xǝhs» xǝklididur. Demǝk, Huda’Ata wǝ Rǝb Əysa bir xǝhsdǝk ix ⱪilidu.
■3:13 1Kor. 1:8; 1Tes. 5:23; 2Tes. 2:17.