1 I oƣlum, ǝgǝr sɵzlirimni ⱪobul ⱪilsang,

Nǝsiⱨǝtlirimni ⱪǝlbinggǝ püksǝng,

2 Əgǝrdǝ danaliⱪⱪa ⱪulaⱪ salsang,

Yoruⱪluⱪⱪa erixixkǝ kɵngül bǝrsǝng,

3 Əgǝr ǝⱪil-parasǝtkǝ tǝxna bolup iltija ⱪilsang,

Yoruⱪluⱪⱪa erixix üqün yuⱪiri awazda yelinsang,

4 Əgǝr kümüxkǝ intilgǝndǝk intilsǝng,

Yoxurun gɵⱨǝrni izdigǝndǝk izdisǝng,■Mat. 13:44

5 Undaⱪta Pǝrwǝrdigardin ⱨǝⱪiⱪiy ⱪorⱪuxni bilidiƣan bolisǝn,

Wǝ sanga Hudani tonux nesip bolidu.

6 Qünki Pǝrwǝrdigar danaliⱪ bǝrgüqidur;

Uning aƣzidin bilim bilǝn yoruⱪluⱪ qiⱪidu.■1Pad. 3:9,12; Yaⱪ. 1:5

7 U durus yaxawatⱪanlar üqün mol ⱨekmǝt tǝyyarlap ⱪoyƣandur,

U wijdanliⱪ adǝmlǝr üqün ⱪalⱪandur.

8 U adilliⱪ ⱪilƣuqilarning yollirini asraydu,

Ihlasmǝn bǝndilirining yolini ⱪoƣdaydu.

9 U qaƣda ⱨǝⱪⱪaniyliⱪ, adilliⱪ wǝ durusluⱪni,

Xundaⱪla ⱨǝrⱪandaⱪ güzǝl yolni qüxinidiƣan bolisǝn.

10 Danaliⱪ ⱪǝlbinggǝ kirixi bilǝnla,

Bilim kɵnglünggǝ yeⱪixi bilǝnla,

11 Pǝm-parasǝt seni ⱪoƣdaydu,

Yoruⱪluⱪ seni saⱪlaydu.

12 Ular seni yaman yoldin,

Tili zǝⱨǝr adǝmlǝrdin ⱪutⱪuzidu;

13 Yǝni toƣra yoldin qǝtnigǝnlǝrdin,

Ⱪarangƣu yollarda mangidiƣanlardin,

14 Rǝzillik ⱪilixni ⱨuzur kɵridiƣanlardin,

Yamanliⱪning ziyanlirini huxalliⱪ dǝp bilidiƣanlardin,

15 Yǝni ǝgri yollarda mangidiƣanlardin,

Ⱪingƣir yolda mangidiƣanlardin ⱪutⱪuzidu.

16 Danaliⱪ seni buzuⱪ ayaldin,

Yǝni xirin sɵzlǝr bilǝn azdurmaⱪqi bolƣan namǝⱨrǝm ayallardin ⱪutⱪuzidu.■Pǝnd. 5:3; 6:24; 7:5

17 Bundaⱪ ayallar yax waⱪtida tǝgkǝn jorisini taxlap,

Huda aldidiki nikaⱨ ⱪǝsimini untuƣan wapasizlardindur.

18 Uning ɵyigǝ baridiƣan yol ɵlümgǝ apiridiƣan yoldur,

Uning mangidiƣan yolliri adǝmni ǝrwaⱨlar makaniƣa baxlaydu.

19 Uning ⱪexiƣa barƣanlarning birimu ⱪaytip kǝlgini yoⱪ,

Ulardin birimu ⱨayatliⱪ yolliriƣa erixkini yoⱪ.

20 Xularni qüxǝnsǝng yahxilarning yolida mangisǝn,

Ⱨǝⱪⱪaniylarning yollirini tutisǝn.

21 Qünki durus adǝm zeminda yaxap ⱪalalaydu,

Mukǝmmǝl kixi bu yǝrdǝ makanlixalaydu.■Zǝb. 37:29

22 Lekin rǝzillǝr zemindin üzüp taxlinidu,

Wapasizlar uningdin yuluwetilidu.■Ayup 18:17; Zǝb. 104:35