135
135-küy •••• Hudaning ⱪilƣan uluƣ ǝmǝlliri üqün ibadǝt
1 Ⱨǝmdusana! Pǝrwǝrdigarning namini mǝdⱨiyilǝnglar,
Uni mǝdⱨiyilǝnglar, Pǝrwǝrdigarning ⱪulliri!
2 Uni mǝdⱨiyilǝnglar, Pǝrwǝrdigarning ɵyidǝ turƣanlar,
Hudayimizning ⱨoylilirida turƣanlar!
3 Yaⱨni mǝdⱨiyilǝnglar, qünki Pǝrwǝrdigar meⱨribandur;
Uning namiƣa küy eytinglar;
Qünki muxundaⱪ ⱪilix xerindur;
4 Qünki Yaⱨ Yaⱪupni Ɵziningki boluxⱪa,
Israilni Ɵz mirasi boluxⱪa talliwaldi.■Mis. 19:5; Ⱪan. 7:6; Tit. 2:14; 1Pet. 2:9
5 Qünki ɵzüm bilimǝnki, Pǝrwǝrdigar uluƣdur;
Rǝbbimiz barliⱪ ilaⱨlardin üstündur.□«Pǝrwǝrdigar... barliⱪ ilaⱨlardin üstündur» — bu ayǝt «ilaⱨlar»ning ⱨǝⱪiⱪiy mǝwjut ikǝnlikini etirap ⱪilmaydu, ǝlwǝttǝ. 95:3 wǝ izaⱨatini kɵrüng.
6 Pǝrwǝrdigar nemǝ ixni muwapiⱪ kɵrgǝn bolsa,
U asmanlarda,
Zeminda,
Dengizlarda ⱨǝm uning barliⱪ tǝgliridimu xuni ⱪilƣandur.
7 U yǝr qǝtliridin bulut-tumanlarni ɵrlitidu;
Yamƣurlarƣa qaⱪmaⱪlarni ⱨǝmraⱨ ⱪilidu;
Xamalni Ɵz hǝziniliridin qiⱪiridu.■Yǝr. 10:13; 51:16
8 U Misirdiki tunji oƣullarni ⱨalak ⱪildi,
Insanlarning bolsun, ⱨaywanlarning bolsun ⱨǝmmini urup ⱨalak ⱪildi.■Mis. 12:12,29; Zǝb. 78:51
9 U alamǝtlǝrni, mɵjizilǝrni aranglarƣa ǝwǝtti, i Misir;
Pirǝwn wǝ uning ⱨǝmmǝ ⱪulliri üstigǝ ǝwǝtti.■Mis. 7,8,9,10,14
10 U uluƣ ǝllǝrni uruwǝtti,
Ⱪudrǝtlik padixaⱨlarni ɵltürüwǝtti;■Yǝ. 12
11 Amoriylarning padixaⱨi Siⱨonni,
Baxanning padixaⱨi Ogni,
Ⱪanaandiki barliⱪ padixaⱨliⱪlarni uruwǝtti.
12 Ularning zeminini miras ⱪilip,
Ɵz hǝlⱪi Israilƣa miras boluxⱪa tǝⱪdim ⱪildi.■Zǝb. 78:55
13 Sening naming, Pǝrwǝrdigar, mǝnggügǝ,
Xɵⱨrǝt-hatirǝng dǝwrdin-dǝwrgiqidur.■Mis. 3:15, Zǝb. 102:12
14 Qünki Pǝrwǝrdigar Ɵz hǝlⱪining dǝwasini soraydu;
Ɵz ⱪulliriƣa rǝⱨim ⱪilidu.■Ⱪan. 32:36, Zǝb. 90:13
15 Əllǝrning butliri bolsa pǝⱪǝtla kümüx-altundin ibarǝttur,
Ularni insanning ⱪolliri yasiƣandur, halas.■Zǝb. 115:4
16 Ularning aƣzi bar, biraⱪ sɵzlimǝydu;
Kɵzliri bar, biraⱪ kɵrmǝydu;
17 Ⱪulaⱪliri bar, biraⱪ anglimaydu,
Aƣzida ⱨeq nǝpǝs yoⱪtur.
18 Ularni yasiƣanlar ularƣa ohxap ⱪalidu,
Ularƣa tayanƣanlarmu xundaⱪtur.
19 Israil jǝmǝti, Pǝrwǝrdigarƣa tǝxǝkkür-mǝdⱨiyǝ ⱪayturunglar;
Ⱨarun jǝmǝti, Pǝrwǝrdigarƣa tǝxǝkkür-mǝdⱨiyǝ ⱪayturunglar;
20 Lawiy jǝmǝti, Pǝrwǝrdigarƣa tǝxǝkkür-mǝdⱨiyǝ ⱪayturunglar;
Pǝrwǝrdigardin ⱪorⱪidiƣanlar, Pǝrwǝrdigarƣa tǝxǝkkür-mǝdⱨiyǝ ⱪayturunglar!
21 Yerusalemda makanlaxⱪan Pǝrwǝrdigarƣa Ziondin tǝxǝkkür-mǝdⱨiyǝ eytilsun!
Ⱨǝmdusana!
■135:4 Mis. 19:5; Ⱪan. 7:6; Tit. 2:14; 1Pet. 2:9
□135:5 «Pǝrwǝrdigar... barliⱪ ilaⱨlardin üstündur» — bu ayǝt «ilaⱨlar»ning ⱨǝⱪiⱪiy mǝwjut ikǝnlikini etirap ⱪilmaydu, ǝlwǝttǝ. 95:3 wǝ izaⱨatini kɵrüng.
■135:8 Mis. 12:12,29; Zǝb. 78:51
■135:9 Mis. 7,8,9,10,14
■135:10 Yǝ. 12
■135:13 Mis. 3:15, Zǝb. 102:12
■135:14 Ⱪan. 32:36, Zǝb. 90:13