85
85-küy •••• Israilning üzül-kesil towa ⱪilixi üqün meⱨir-xǝpⱪǝt tǝlǝp ⱪilix
1 Nǝƣmiqilǝrning bexiƣa tapxurulup oⱪulsun dǝp, Koraⱨning oƣulliri üqün yezilƣan küy: —
Sǝn Ɵz zeminingƣa iltipat kɵrsitip,
Yaⱪupni sürgünlüktin ⱪayturƣaniding, i Pǝrwǝrdigar.
2 Hǝlⱪingning ⱪǝbiⱨlikini kǝqürüm ⱪilip,
Barliⱪ gunaⱨlirini yapⱪaniding.
Selaⱨ.
3 Sǝn pütün ⱪǝⱨringni iqinggǝ ⱪayturuwelip,
Ƣǝzipingning ǝxǝddiylikidin yanƣanidingsǝn.
4 Əmdi bizni Ɵz yeningƣa ⱪayturƣaysǝn, i nijatliⱪimiz bolƣan Huda!
Bizgǝ bolƣan aqqiⱪingƣa ⱨay bǝrgǝysǝn!□«Əmdi bizni Ɵz yeningƣa ⱪayturƣaysǝn, i nijatliⱪimiz bolƣan Huda! Bizgǝ bolƣan aqqiⱪingƣa ⱨay bǝrgǝysǝn!» — Hudaning Israilƣa rǝⱨimdilliⱪ kɵrsitiwatⱪinini kɵrüp (3-ayǝtni kɵrüng), muxu küyning muǝllipi Hudadin Israilni üzül-kesil towa ⱪildurƣaysǝn, ularni Ɵz yeningƣa, xundaⱪla Ɵz yurtiƣa ⱪayturƣaysǝn, dǝp dua ⱪilixni baxlaydu.
5 Sǝn bizgǝ ǝbǝdiy ƣǝzǝplinǝmsǝn?
Əwladtin-ǝwladⱪiqǝ ƣǝzipingni sozamsǝn?
6 Hǝlⱪing Ɵzüngdin xadlinixi üqün,
Bizni ⱪaytidin yengilimamsǝn?■Zǝb. 71:20; 80:18; 138:7
7 Bizgǝ ɵzgǝrmǝs muⱨǝbbitingni kɵrsǝtkǝysǝn, i Pǝrwǝrdigar,
Bizgǝ nijatliⱪingni ata ⱪilƣaysǝn!
8 Tǝngri Pǝrwǝrdigarning nemilǝrni dǝydiƣanliⱪiƣa ⱪulaⱪ salay;
Qünki U Ɵz hǝlⱪigǝ, Ɵz mɵmin bǝndilirigǝ aman-hatirjǝmlikni sɵzlǝydu;
Ular yǝnǝ ⱨamaⱪǝtlikkǝ ⱪaytmisun!
9 Zeminimizda xan-xɵⱨrǝtning turuxi üqün,
Dǝrⱨǝⱪiⱪǝt, Uningdin ǝyminidiƣanlarƣa Uning nijatliⱪi yeⱪindur;
10 Ɵzgǝrmǝs muⱨǝbbǝt wǝ ⱨǝⱪiⱪǝt ɵzara kɵrüxti;
Ⱨǝⱪⱪaniyǝt wǝ aman-hatirjǝmlik bir-birini sɵyüxti;□«Ɵzgǝrmǝs muⱨǝbbǝt wǝ ⱨǝⱪiⱪǝt ɵzara kɵrüxti; ⱨǝⱪⱪaniyǝt wǝ aman-hatirjǝmlik bir-birini sɵyüxti» — bu sirliⱪ sɵzlǝr xübⱨisizki, Mǝsiⱨning ɵzini ⱪurbanliⱪ ⱪilƣinida, ǝmǝlgǝ axuruldi. ■Ibr. 7:2
11 Ⱨǝⱪiⱪǝt yǝrdin ünüp qiⱪmaⱪta,
Ⱨǝⱪⱪaniyǝt ǝrxlǝrdin ⱪaraydu.
12 Pǝrwǝrdigar bǝrikǝt beridu,
Zeminimiz ⱨosulini beridu;■Zǝb. 67:6
13 Ⱨǝⱪⱪaniyǝt Uning aldida mangidu,
Uning ⱪǝdǝmlirigǝ yol ⱨazirlaydu!□«Ⱨǝⱪⱪaniyǝt Uning aldida mangidu, uning ⱪǝdǝmlirigǝ yol ⱨazirlaydu!» — yǝnǝ birhil tǝrjimisi: «Ⱨǝⱪⱪaniyǝt Uning aldida mangidu, ⱨǝm ɵzini Uning ⱪǝdǝmlirigǝ ornitidu».
□85:4 «Əmdi bizni Ɵz yeningƣa ⱪayturƣaysǝn, i nijatliⱪimiz bolƣan Huda! Bizgǝ bolƣan aqqiⱪingƣa ⱨay bǝrgǝysǝn!» — Hudaning Israilƣa rǝⱨimdilliⱪ kɵrsitiwatⱪinini kɵrüp (3-ayǝtni kɵrüng), muxu küyning muǝllipi Hudadin Israilni üzül-kesil towa ⱪildurƣaysǝn, ularni Ɵz yeningƣa, xundaⱪla Ɵz yurtiƣa ⱪayturƣaysǝn, dǝp dua ⱪilixni baxlaydu.
■85:6 Zǝb. 71:20; 80:18; 138:7
□85:10 «Ɵzgǝrmǝs muⱨǝbbǝt wǝ ⱨǝⱪiⱪǝt ɵzara kɵrüxti; ⱨǝⱪⱪaniyǝt wǝ aman-hatirjǝmlik bir-birini sɵyüxti» — bu sirliⱪ sɵzlǝr xübⱨisizki, Mǝsiⱨning ɵzini ⱪurbanliⱪ ⱪilƣinida, ǝmǝlgǝ axuruldi.
□85:13 «Ⱨǝⱪⱪaniyǝt Uning aldida mangidu, uning ⱪǝdǝmlirigǝ yol ⱨazirlaydu!» — yǝnǝ birhil tǝrjimisi: «Ⱨǝⱪⱪaniyǝt Uning aldida mangidu, ⱨǝm ɵzini Uning ⱪǝdǝmlirigǝ ornitidu».