7
Mɵⱨürlǝngǝn 144000 kixi
1 Uningdin keyin mǝn kɵrdümki, tɵt pǝrixtǝ yǝr yüzining tɵt bulungida turatti. Ular ⱨǝrⱪandaⱪ xamalning ⱪuruⱪluⱪ, dengiz ⱨǝm dǝl-dǝrǝhlǝrgǝ urulmasliⱪi üqün yǝr yüzining tɵt tǝripidin qiⱪidiƣan xamalni tizginlǝp turatti. 2 Mǝn ⱨayat Hudaning mɵⱨürini alƣan, kün qiⱪixtin kɵtürülüwatⱪan baxⱪa bir pǝrixtini kɵrdüm. U ⱪattiⱪ awaz bilǝn ⱪuruⱪluⱪ wǝ dengizlarni wǝyran ⱪilix ⱨoⱪuⱪi berilgǝn axu tɵt pǝrixtigǝ: 3 «Biz Hudaning ⱪul-hizmǝtkarlirining pexanisigǝ mɵⱨür basⱪuqǝ, ⱪuruⱪluⱪ, dengiz wǝ dǝl-dǝrǝhlǝrni wǝyran ⱪilmanglar!» dǝp towlidi. 4 Mǝn mɵⱨürlǝngǝnlǝrning sanini anglidim — Israillarning ⱨǝrⱪaysi ⱪǝbililiridin bir yüz ⱪiriⱪ tɵt ming kixi, yǝni: — ◘Wǝⱨ. 14:1.
5 Yǝⱨuda ⱪǝbilisidin on ikki ming kixi,
Rubǝn ⱪǝbilisidin on ikki ming kixi,
Gad ⱪǝbilisidin on ikki ming kixi,
6 Axir ⱪǝbilisidin on ikki ming kixi,
Naftali ⱪǝbilisidin on ikki ming kixi,
Manassǝⱨ ⱪǝbilisidin on ikki ming kixi,
7 Ximeon ⱪǝbilisidin on ikki ming kixi,
Lawiy ⱪǝbilisidin on ikki ming kixi,
Issakar ⱪǝbilisidin on ikki ming kixi,
8 Zǝbulun ⱪǝbilisidin on ikki ming kixi,
Yüsüp ⱪǝbilisidin on ikki ming kixi,
Binyamin ⱪǝbilisidin on ikki ming kixi mɵⱨürlǝngǝnidi. ◼«...Zǝbulun ⱪǝbilisidin on ikki ming kixi, Yüsüp ⱪǝbilisidin on ikki ming kixi, Binyamin ⱪǝbilisidin on ikki ming kixi mɵⱨürlǝngǝnidi» — on ⱪǝbilidin Dan ⱪǝbilisi kǝm idi; Yüsüpning ⱪǝbilisi ikki bɵlǝkkǝ (Yüsüpning wǝ Manassǝⱨning)gǝ bɵlündi.
Nijatni tapⱪan zor bir tup halayiⱪ
9 Bu ixlardin keyin kɵrdümki, mana ⱨǝr ǝl, ⱨǝr ⱪǝbilǝ, ⱨǝr millǝttin bolƣan, ⱨǝrhil tillarda sɵzlixidiƣan san-sanaⱪsiz zor bir top halayiⱪ tǝhtning wǝ Ⱪozining aldida turatti; ularning ⱨǝmmisigǝ aⱪ ton kiydürülgǝn bolup, ⱪollirida horma xahliri tutⱪanidi. 10 Ular yuⱪiri awaz bilǝn: —
«Nijat tǝhttǝ olturƣuqi Hudayimizƣa wǝ Ⱪoziƣa mǝnsup bolƣay!» dǝp warⱪirixatti. ◼«Nijat tǝhttǝ olturƣuqi Hudayimizƣa wǝ Ⱪoziƣa mǝnsup bolƣay!» — «Nijat... Ⱪoziƣa bolƣay!» degǝn ibarǝ bolsa Huda wǝ Ⱪoza insanlarƣa ata ⱪilƣan nijatning mewisi bolƣan xan-xǝrǝp, nam-xɵⱨrǝt wǝ ⱨǝmdusanalarning ⱨǝmmsi ⱨeq nemǝ ⱪaldurmay Huda wǝ Ⱪoziƣa ⱪayturup kelinsun, degǝndǝk mǝnidǝ.
11 Barliⱪ pǝrixtilǝr tǝhtning, aⱪsaⱪallarning wǝ tɵt ⱨayat mǝhluⱪning ǝtrapiƣa olaxⱪanidi. Ular tǝhtning aldida yiⱪilip, Hudaƣa sǝjdǝ ⱪilip mundaⱪ deyixǝtti: —
12 «Amin! Ⱨǝmd-mǝdⱨiyǝ, xan-xǝrǝp,
Danaliⱪ wǝ tǝxǝkkür,
Ⱨɵrmǝt wǝ küq-ⱪudrǝt
Hudayimizƣa ǝbǝdil’ǝbǝdgiqǝ mǝnsup bolƣay, amin!»
13 Əmdi aⱪsaⱪallardin biri mǝndin:
— Bu aⱪ ton kiydürülgǝn kixilǝr kim bolidu, ⱪǝyǝrdin kǝldi? — dǝp soridi.
14 — Tǝⱪsir, bu ɵzlirigǝ mǝlumdur, — dedim.
U manga:
— Bular dǝⱨxǝtlik azab-oⱪubǝtni bexidin ɵtküzüp kǝlgǝnlǝr. Ular tonlirini Ⱪozining ⱪenida yuyup ap’aⱪ ⱪilƣan. 15 Xunga ular Hudaning tǝhtining aldida turup, ibadǝthanisida keqǝ-kündüz Uning hizmitidǝ bolidu; tǝhttǝ Olturƣuqi bolsa ularning üstigǝ qedirini sayiwǝn ⱪilidu. ◼«tǝhttǝ Olturƣuqi bolsa ularning üstigǝ qedirini sayiwǝn ⱪilidu» — grek tilida «tǝhttǝ Olturƣuqi bolsa ularning üstigǝ Ɵz qedirini yeyip beridu». 16 Ular yǝnǝ ⱨeq aq ⱪalmaydu, ⱨeq ussimaydu, ularƣa nǝ aptap, nǝ piȥiƣirim issiⱪ ⱨeq urmaydu. ◘Yǝx. 49:10. 17 Qünki ularni tǝhtning otturisidiki Ⱪoza baⱪidu wǝ ⱨayatliⱪ süyi bulaⱪliriƣa elip baridu; wǝ Huda ularning ⱨǝrbir kɵz yexini sürtidu, — dedi. ◼«munasiwǝtlik ayǝtlǝr» — «Yǝx.» 5:5-6, 25:8. ◘Yǝx. 5:5-6; 25:8; Zǝb. 23:1; Wǝⱨ. 21:4.
◼7:8 «...Zǝbulun ⱪǝbilisidin on ikki ming kixi, Yüsüp ⱪǝbilisidin on ikki ming kixi, Binyamin ⱪǝbilisidin on ikki ming kixi mɵⱨürlǝngǝnidi» — on ⱪǝbilidin Dan ⱪǝbilisi kǝm idi; Yüsüpning ⱪǝbilisi ikki bɵlǝkkǝ (Yüsüpning wǝ Manassǝⱨning)gǝ bɵlündi.
◼7:10 «Nijat tǝhttǝ olturƣuqi Hudayimizƣa wǝ Ⱪoziƣa mǝnsup bolƣay!» — «Nijat... Ⱪoziƣa bolƣay!» degǝn ibarǝ bolsa Huda wǝ Ⱪoza insanlarƣa ata ⱪilƣan nijatning mewisi bolƣan xan-xǝrǝp, nam-xɵⱨrǝt wǝ ⱨǝmdusanalarning ⱨǝmmsi ⱨeq nemǝ ⱪaldurmay Huda wǝ Ⱪoziƣa ⱪayturup kelinsun, degǝndǝk mǝnidǝ.
◼7:15 «tǝhttǝ Olturƣuqi bolsa ularning üstigǝ qedirini sayiwǝn ⱪilidu» — grek tilida «tǝhttǝ Olturƣuqi bolsa ularning üstigǝ Ɵz qedirini yeyip beridu».
◼7:17 «munasiwǝtlik ayǝtlǝr» — «Yǝx.» 5:5-6, 25:8.
◘7:17 Yǝx. 5:5-6; 25:8; Zǝb. 23:1; Wǝⱨ. 21:4.