2
1 Natugowo, ame dogoiyadi aginidi siwo bego goyo taabu koguuinūwe. Go neta tagoyo, kita mada Tovapísiya Tamada yaina goi; Tovapisiyayana moe Yeisu Guyau Tokibóbwata. 2 Tauyana ida kaba núwala†Tat 22:17-22, 37:9; Rom 3:25; Ibe 9:5; 1Iy 4:10. ida goyo manudi. Go geya kada adetava geya, go sem tomota madabokidi nakae idi goyo manudi.
Neta Yaubada ina lovina takabikaaonedi,
e Tauyana tayagoidoko
e Tauyana tayagoidoko
3 Taayagoi bego Yaubada bogina tayagoidoko ame nakae: Neta Yaubada ina lovina takabikaaonedi. 4 Avatauwa neta sidigo kadi, ‘Tauyana kaayagoi’ go, Yaubada ina lovina geya sikabikaonedita, tauyadi topola be nakae Yaubada ana Nanamsa Mooitamoina nuwodi goi geya.†1:8. 5 Go neta Yaubada ina livala takabiikaone, e moitamo Yaubada bogina tamatakoiyedoko nakae itoboineda. Ame nakae itoboineda tayagoidoko bego Yaubada taiyao bogina taspwagógana: 6 Avatau neta idigo kana, ‘Yaigu goi Yaubada ikaaiyaka’, †1Iy 4:15. e itoboine bei iiketoiya Yeisu nakae.
Lovina vau: Matakoi
7 Guna kaloyao, lovina aginigini geya lovina vau geya, go sem lovina bogo boi imi numisa ana kaba vatowo goi go, ima ame tuta ikaaiyaka yaimi. Lovinayana moe livala boi bogina konove. 8 Ago mamaníwana bogina isaosáwala go, mavada mooitamoina bogina ininínima. Tauna ame lovinayana moe lovina vau nakae aginigini matakoi manuna.†Iyo 13:34; 2Iy 5. Lovinayana moitamo boi Yeisu goi tagite go, ame tuta nakae komi goi tagite. 9 Tuwo avatauwa neta sidigo kadi, ‘Kai mavada goi kakaaiyaka’ go, siyadi sikaaolilive, e nava mamaníwana goi sikaaiyaka. 10 Go avatauwa neta siyadi simataakoiye, mavada goi sikaaiyaka. Mavadayana goi geya tayaamo aba sapákwana ikaaiyaka. 11 Go avatauwa neta siyadi sikaaolilive, e nava mamaníwana goi sikaaiyaka be nakae mamaniwanayana goi siiketoiya. Mamaniwanayana pasina matadi ikebo, tauna geya siyagoiyeta nako sinonoina.
Iyoni ina leta ana masi
12 Komi natugowo,‡Natugowo: Ame tauyadi nakona tonumisa vau nakae.
Yaubada imi goyo bogina inuwotaoidi Yeisu ina guinuwa pasina, tauna livala ame agini iwo yaimi.
13 Tomoyamoyayao,‡aTomoyamoyayao: Ame tauyadi nakae tonumisa toogagaidi unana tuta maanawena Yeisu siinumise.
Tauyana aba vatowo goi go, ima ame tuta ikaaiyaka bogina kooyagoi, tauna livala ame agini iwo yaimi.
Togoyoinayana bogina kotogagasave, tauna livala ame agini iwo yaimi.
14 Komi natugowo,
Tamada bogina kooyagoi, tauna livala ame agini iwo yaimi.
Tomoyamoyayao,
Tauyana aba vatowo goi go, ima ame tuta ikaaiyaka bogina kooyagoi, tauna livala ame agini iwo yaimi.
Komi tubuwau,
Imi numisa goi kootogaga, Yaubada ina livala atemi goi ikaaiyaka be nakae Togoyoinayana bogina kotogagasave, tauna livala ame agini iwo yaimi.
15 Taabu poyapoya sinapuna o konanina manudi nuwomi iyoiyōi. Avatauwa neta sinapuyadi manudi nuwodi iyoiyoi, Tamada geya simatakoiyeyeta. 16 Moe moitamo. Sinapuyadi ame nakae: Tomota sakavaidi idi yalagau, matadi idi yalagau be konadi adi gágasa. Ame sinapuyadi liliudi unadi moe geya Tamada goi geya, go sem unadi moe poyapoya goi. 17 Ago poyapoya sinapuna madi yalagau sisaosáwala. Avatauwa neta Yaubada ina nuwonúwana siguuinuwe, bei sikaiyako vata.
Guyau ana Kaleya
18 Natugowo, ame bogina poyapoya ana tuta ana kaba lukavava. Boi konove bego Guyau ana kaleya imamaima go, ame tuta Guyau ana kaleyayao badabadaidi bogina siisowóduwo. Moeko goi taayagoi ame poyapoya ana tuta ana kaba lukavava. 19 Tauyadi sitavileiyeda go, tauyadi geya ida bodao geya. Neta kidi ida bodao, nava yaida goi sikaaiyaka, go sem tauyadi toinidi sivagitakoidi bego liliudi geya ida bodao geya. 20 Go komi kaaipakumi Totumasaba†Mak 1:24; Iyo 6:69; Gui 3:14; 1Iy 2:27. goi toinina umana, tauna yaimi goi Baloma Kimaasabaina ikaaiyaka, e liliumi mami nanamsa. 21 Tuwo ame agini geya kada unana Yaubada ana Nanamsa Mooitamoina geya koyagoiyeta geya, go sem unana moe bogina kooyagoi be nakae kooyagoi bego geya tayaamo pola Yaubada ana Nanamsa Moitamoinayana goi ima. 22 Go topolayadi avatauwa? Topolayadi moe avatauwa neta Yeisu silawoiwoiye kadi,
‘Yeisu moe geya Guyau geya.’
Moe tauyadi Guyau ana kaleyayao. Yeisu ma Tamana silawoiwoiyedi kadi,
‘Yeisu geya Yaubada Natuna geya. Yaubada geya Yeisu Tamana geya.’
23 Tuwo avatauwa neta Yaubada Natuna silawoiiwoiye, e Yaubada taiyao geya sispwagogoneta, go sem avatauwa neta sikamooitamo bego Yeisu Yaubada Natuna, moe tauyadi Tamana nakae taiyao sispwagógana. 24 Go komi kaga nakae boi imi numisa ana kaba vatowo goi konove, tuwo kotagōna atemi goi ikaiyako vata. Neta kotagona bego atemi goi ikaiyako vata, komi moitamo Yeisu ma Tamana taiyao kospwagógana. 25 Tauna atotulayana boi Tauyana ikaatotuli yaida bei tababane, moe yawoida vata.
26 Ame livalayadi bogina aginidi siwo yaimi bei akatumatalimi ami topolayao manudi. 27 Ago komi sem bogina kaaipakumi Guyau goi, e Baloma Kimaasabaina ikaaiyaka yaimi. Tauna tovatulukwana vau komi taabu koolusāle bego ivatulukoimi, go sem Baloma Kimaasabaina kaga liliuna ivatulukoimi. Go Tauyana ina vatulukwanayana moitamo, pola geya. E kokaaiyāka Yeisu yaina nakae Baloma Kimasabainayana bogina ivatulukoimi.
Yeisu taiyao taspwagógana
28 Natugowo, kokaaiyāka Yeisu yaina bego tutayana ikaluvilamna ima, matana goi mada katepatu geya taomaemaeta. 29 Bogina kooyagoi bego Tauyana Tokibóbwata, tauna nakae koyagoi bego avatauwa neta siikibóbwata, moe aba kinana bego Yaubada goi sibíbina.†Iyo 1:13; 1Iy 3:9, 4:7, 5:1,4,18.
†2:2 Tat 22:17-22, 37:9; Rom 3:25; Ibe 9:5; 1Iy 4:10.
†2:4 1:8.
‡2:12 Natugowo: Ame tauyadi nakona tonumisa vau nakae.
‡a2:13 Tomoyamoyayao: Ame tauyadi nakae tonumisa toogagaidi unana tuta maanawena Yeisu siinumise.
‡b2:13 Tubuwau: Ame tauyadi nakona tonumisa idi numisa tupwana bogina sibíbina.
†2:20 Mak 1:24; Iyo 6:69; Gui 3:14; 1Iy 2:27.
†2:29 Iyo 1:13; 1Iy 3:9, 4:7, 5:1,4,18.