3:1: Songs 110:1God wen give you guys one new kine life, jalike he wen make you guys come back alive wit Christ. Now, Christ stay sitting up dea in da mos importan place by God right side. So den, go all out fo make importan da tings dat God like. Tink plenny bout da tings dat God like. No make one big deal bout da tings down hea inside da world. Now God take kea you guys, cuz jalike you guys wen mahke wit Christ, but now you guys stay tight wit him an you get da real kine life. Christ stay live inside us, an he make us come alive inside fo real kine. Wen he come back, den you guys goin show up wit him too an eryting goin be awesome!
Az why, throw way all dese tings inside you dat come from dis world. No go fool aroun wit somebody you no stay married to. No do pilau kine stuff. No tink pilau kine stuff. No tink plenny bout da kine bad stuff dat ony you like do. No try get eryting fo ony you, cuz da stuff you get goin come one idol kine god fo you. Da peopo dat stay do all dose bad kine stuffs, an no like lissen God, God had it wit wat dey do.
Eh, befo time you guys wen make lidat. You guys wen stay do da same tings jalike dem. Now, you guys throw way all dat kine stuff. No get huhu. No snap. No go make peopo suffa. No talk bad. No talk pilau kine. 3:9: Efes 4:22No bulai each odda. Az cuz you guys wen throw out da ol kine way an no do da bad kine stuff no mo dat you guys wen do befo time.
10  3:10 a: Efes 4:24; b: Start 1:26Now you guys stay live da new kine way. You jalike one new guy! God da One wen make you guys da firs time, an now he erytime stay make you guys know him mo betta, an come mo an mo jalike him. 11 Inside Christ new way,
no matta if one guy Jew an da odda guy not Jew,
if one guy get da cut skin mark an da odda guy no mo da cut skin mark,
if one guy donno oua language,
o stay real wild jalike one guy from Sytia,
if one guy one slave guy an anodda guy not.
Christ da ony ting dat matta, an he stay tight wit all dese kine diffren peopo.
12  3:12: Efes 4:2God wen pick you guys, cuz he get plenny love an aloha fo all you guys. Fo show dat you guys stay spesho fo him, put on dis, jalike you put on yoa clotheses: Show love an pity fo odda peopo an make nice to dem. No get big head. Make shua you not da numba one guy. An hang in dea wit odda peopo fo long time. 13  3:13: Efes 4:32No let odda peopo bodda you how dey ack. Wen somebody give you problem, eh, let um go, an no stay huhu wit dem. Da One In Charge wen let you guys go, fo you make jalike him an let dem go too. 14 On top all dese tings, put on plenny love an aloha fo erybody cuz wen you do dat, dat make all da odda stuff come togedda perfeck.
15 Cuz Christ make um so notting bodda you guys, dass how you guys gotta live. He wen tell all you guys fo come togedda an stick togedda jalike one body, fo live so no mo notting bodda you guys. An tell God “Mahalo plenny!” erytime fo eryting.
16  3:16: Efes 5:19-20Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing. 17 Wateva you guys tell o stay do, do eryting fo Jesus, Da One In Charge, cuz you guys stay his guys, an Jesus goin help you guys tell God da Faddah, “Mahalo plenny.”
Christ New Kine Life
18  3:18: Efes 5:22; 1Pet 3:1Wifes, lissen yoa husban cuz dass how God like his peopo live. 19  3:19: Efes 5:25; 1Pet 3:7Eh, husbans, love yoa wife plenny an no make any kine to her.
20  3:20: Efes 6:1Eh, you kids, lissen eryting yoa faddah an muddah tell erytime cuz Da One In Charge like wen you do dat. 21  3:21: Efes 6:4You faddahs an muddahs, no scold yoa kids till dey get huhu cuz bumbye dey goin give up.
22  3:22: Efes 6:5-8Eh, you slave guys, lissen yoa boss erytime down hea inside dis world. No ack jalike you stay working in front dem, ony fo look good, an cuz you like make da peopo tink you do good kine work. You gotta go fo broke fo work hard cuz you get plenny respeck fo Da One In Charge. 23 Eryting you guys do, go all out fo do um fo Da One In Charge! No do um jus fo odda peopo. 24 Cuz you guys know dat bumbye you guys goin get da good tings Da One In Charge wen promise fo give his kids. Eh, you guys, you know who you stay working fo? You stay working fo Christ, Da One In Charge! 25  3:25: Rules2 10:17; Efes 6:9You know, da guy dat do someting wrong to somebody, wat he do goin come back to him bumbye. God no goin treat some guys mo betta den odda guys.

3:1 3:1: Songs 110:1

3:9 3:9: Efes 4:22

3:10 3:10 a: Efes 4:24; b: Start 1:26

3:12 3:12: Efes 4:2

3:13 3:13: Efes 4:32

3:16 3:16: Efes 5:19-20

3:18 3:18: Efes 5:22; 1Pet 3:1

3:19 3:19: Efes 5:25; 1Pet 3:7

3:20 3:20: Efes 6:1

3:21 3:21: Efes 6:4

3:22 3:22: Efes 6:5-8

3:25 3:25: Rules2 10:17; Efes 6:9