2
Tařaɣit n Arebbi x Ḥizqiyal
1 Inna ayi: “A mmis n bnadem, kkar x iḍaren nnec uca Necc ad kik ssiwřeɣ.” 2 Řami akidi issiweř, yudef-dd dayi Arruḥ uca issekkar-dd ayi x iḍaren inu u necc sřiɣ i tmijja n Wenni kidi issawařen. ◘2:2 Ḥiz. 3:24; Dan. 10:10 3 Netta inna ayi:
“A mmis n bnadem, Necc sekkeɣ cek ɣar ayt n Israil, ɣar řegnus iɣewwɣen, inni xafi iɣewwɣen. Nitni d řejdud nsen ɛeddan xafi ař ass-a. ◘2:3 Irm. 3:25 4 Nitni d arraw n wudem iqesḥen d wuř izelgen. Necc sekkeɣ cek ɣarsen, ittxeṣṣa ac ad asen tinid: ‘Ammu i iqqar Sidi inu, SIDI!’ 5 Ma ad ac sřen niɣ ad semḥen di man aya, minzi nitni d ict n taddart iɣewwɣen, nitni ad ssnen belli tuɣa anabi di řwesṭ nsen. ◘2:5 Ḥiz. 33:33 6 Uca cek, a mmis n bnadem, war zzaysen tteggʷed u war tteggʷed uřa zeg wawařen nsen. Waxxa aqa din ɣarek tizeggʷura d isennanen u waxxa zeddɣent ɣarek tɣarḍmiwin, war tteggʷed ca zeg wawařen nsen u war zzaysen ttnexřiɛ, minzi nitni d ict n taddart iɣewwɣen. ◘2:6 Irm. 1:8, 17; Ḥiz. 3:9; Lk. 12:4; 1 Bṭ. 3:1 7 Ad kidsen tessiwřed s wawařen inu, ma ad sřen niɣ ad semḥen di man aya, minzi nitni aqa ttɣewwɣen. 8 Maca cek, a mmis n bnadem, seř min d ac ɣa iniɣ, war ttɣewwiɣ am taddart nni iɣewwɣen. Arzem aqemmum nnec nican uca ecc min d ac ɣa wceɣ.” ◘2:8 Asa. 10:9
9 Uca ẓriɣ, xzar, ijj n ufus isswiẓẓeḍ-dd ɣari, u xzar, dayes ijj n wedlis ittwannḍen. ◘2:9 Asa. 10:8-11 10 Netta ibezzeɛ i-t zzati. Tuɣa yura zi sennej d wadday uca ttwarin dayes izřan n wecḍan d usqinnef d uweḥweḥ n tamara.
◘2:2 2:2 Ḥiz. 3:24; Dan. 10:10
◘2:5 2:5 Ḥiz. 33:33
◘2:6 2:6 Irm. 1:8, 17; Ḥiz. 3:9; Lk. 12:4; 1 Bṭ. 3:1
◘2:9 2:9 Asa. 10:8-11