2
1 Mmi inu, mařa tqebřed awařen inu
u ad teḥḍid tiweṣṣa inu ɣarek,
2 maḥend amezzuɣ nnec ad iwc taynit i tiɣit
uca uř nnec ad imeyyeř ɣar řefhamet,
3 wah, mařa tᵉttřaɣid-dd x řeɛqeř,
ad tessxedmed tmijja nnec
maḥend ad tafed řefhamet,
4 mařa tarezzud xas
am tarezzud x nnuqart,
mařa xas tarezzud
am x txubay innuffaren, ◼2:4 tixubay - niɣ ‘řeknuz’. ◘2:4 Mt. 13:44
5 xenni ad tfehmed i tiggʷudi n SIDI,
u ad tafed tussna n AREBBI.
6 Maɣar SIDI ittic tiɣit,
zeg uqemmum nnes tᵉtteffeɣ-dd
tussna d řefhamet. ◘2:6 1 Ij. 3:9, 12; Yaɛ. 1:5
7 I yinni igguren nican issewjed asen twiza,
i yinni igguren di řekmaret
aqa-t d taseddart i useřqi,
8 ḥima ad qqimen ttᵉṭṭfen
deg imesraq n řḥeqq,
u Netta ad issar abrid
n yinni daysen řaman zzates.
9 Xenni i ɣa tfehmed tasegda d řḥeqq,
uřa d řeṣfayet,
kuř řatar iṣebḥen maḥend ad t teḍfared.
10 Maɣar tiɣit ad tadef ɣar wuř nnec,
u tussna ad tarḍa x řeɛmar nnec.
11 Aḥadur ad xak iḥḍa,
řefhamet ad xak tessar:
12 ... maḥend ad cek tfekk
zeg webrid n uɛeffan,
zeg weryaz nni iqeǧben awař nnes,
13 zeg inni isemḥen
deg imesraq iseggmen,
maḥend ad uyuren ibriden n ṭṭřam,
14 inni ifarrḥen maḥend ad ggen řɣar,
u ssřiwřiwen x řexdaɛat n řɣar,
15 zeg yinni farɣen imesraq nsen
d yinni imeyyřen ssa d ssa
di řatarat n yixef nsen,
16 ... maḥend ad cek tfekk
zi temɣart tbarranect,
zi temɣart zi barra i ittɣarran s
wawařen nnes, ◘2:16 Awřn. 5:3; 6:24; 7:5
17 tenni isemḥen
deg umeddukkeř n temẓi nnes,
u tᵉttu řɛahd n AREBBI nnes.
18 Minzi thekkwa ɣar řmewt
jmiɛ ak-d taddart nnes,
u řatarat nnes hekkwant
ɣar řexyařat n imettan.
19 Marra inni ɣares ɣa yadfen,
war dd-ttɛiqqiben ɛemmarṣ,
war ttakkwaḍen ɛemmarṣ
ɣar imesraq n tudart.
20 ... wah, ḥima ad tuyured
abrid n iṣebḥanen,
u ad tᵉṭṭfed
deg imesraq n imseggaden,
21 maɣar inni igguren nican
ad zedɣen di temmurt,
u inni igguren s řekmaret
ad dayes qqimen. ◘2:21 Izhd. 37:29
22 Maca iɛeffanen
ad ttwaqeḍɛen zi temmurt,
iɣeddaren ad zzayes ttwaqeřɛen. ◘2:22 Ayub 18:17; Izhd. 104:35
◼2:4 2:4 tixubay - niɣ ‘řeknuz’.
◘2:6 2:6 1 Ij. 3:9, 12; Yaɛ. 1:5
◘2:16 2:16 Awřn. 5:3; 6:24; 7:5
◘2:21 2:21 Izhd. 37:29
◘2:22 2:22 Ayub 18:17; Izhd. 104:35