1 Azehhed n Dawud.

SIDI d Ameksaw inu,

war xafi ittekk ca zzɛaf. ◘23:1 Ica. 40:11; Irm. 23:4; Ḥiz. 34:23; Yḥ. 10:11; 1 Bṭ. 2:25; Asa. 7:17

2 Netta issareyyaḥ ayi

di ddmani n tarewsa izizawen,

ineddeh ayi ɣar waman yarsan.

3 Netta issfaqa řeɛmar inu,

ineddeh ayi di řatarat n tsegda

di ṭṭweɛ n Yisem nnes.

4 Waxxa ggureɣ

di teɣzurt n tiři n řmewt,

war tteggʷdeɣ zi řɣar,

maɣar Cek akidi.

Aɛekkaz nnec d taɣɣarct nnec

ssfewwajen xafi. ◘23:4 Izhd. 3:6; 118:6

5 Tessewjaded ṭṭabřa inu

zzat i wudem n yinni d ayi iḥeṣṣaren.

Tdehhned azeǧif inu s zzect,

řkas inu ifeyyeḍ.

6 Iwa, řxir d tmexsiwt icewwaren

ad ayi ḍfaren,

marra ussan n tudart inu,

necc ad zedɣeɣ di Taddart n SIDI,

ař aneggar n wussan.