1 Azehhed n Asaf.

AREBBI ibedd di tmesmunt n Arebbi.

Netta iḥekkem s řḥeqq

di řwest n irebbiten.

2 Mecḥař i ɣa tekkem

tḥekkmem s řɣecc,

ad tessgeɛɛdem udem n iɛeffanen?

Silah.

3 Ḥekmem s řḥeqq x umarxu

u x uyujiř,

aɣem tasɣart i wenni ittwaḥeṣṣaren

u i umezřuḍ.

4 Fekkem amarxu d umezřuḍ,

fekk i-t zeg ufus n iɛeffanen. ◘82:4 Awřn. 24:11

5 Nitni war ttessnen u war fehhmen,

gguren ttennḍen di taǧest,

marra dsusa n temmurt ttenhezzan.

6 Necc nniɣ: “Kenniw d irebbiten,

kenniw marra d iḥenjiren

n Umɛuǧi x kuřci!” ◘82:6 Yḥ. 10:34-36

7 Ɛad ad temtem am kuř bnadem,

ad tewḍam am kuř ijjen zi řḥukkam.

8 Kkar, a AREBBI, ḥkem x temmurt,

minzi Cek ad tᵉṭṭfed tasɣart nnec

zi marra řegnus. ◘82:8 Izhd. 2:8; Ɛbr. 1:2