6
ⵉⵄⴵⵉⵎⴻⵏ ⵉⵏⴻⴳⴳⵓⵔⴰ ⴷ ⵓⵙⴻⴵⴻⵎ
1 ⴰ ⴰⵢⵜⵎⴰ, ⵎⴰⵍⴰ ⵃⴻⴷ ⵊⴰⵔ ⴰⵡⴻⵎ ⵉⵡⴹⴰ-ⴷⴷ ⵅⴰⵙ ⴷⴷⴻⵏⴱ, ⴻⵊⵊ ⵅⴻⵏⵏⵉ ⵉⵏⵏⵉ ⵉⴳⴳⵓⵔⴻⵏ ⴷⵉ ⴰⵔⵔⵓⵃ ⴰⴷ ⵜ ⵙⴻⴳⴳⴷⴻⵏ ⵙ ⴰⵔⵔⵓⵃ ⵏ ⵜⴻⵎⵀⵉⵏⵜ. ⵃⴹⴰⵎ, ⵃⵉⵎⴰ ⵡⴰⵔ ⵜᵉⵜⵜⵡⴰⵊⴰⵔⵔⴱⴻⵎ ⵓⵍⴰ ⴷ ⴽⴻⵏⵏⵉⵡ. ◼6:1 ⵉⵡⴹⴰ-ⴷⴷ ⵅⴰⵙ ⴷⴷⴻⵏⴱ-ⵏⵉⵖ: ‘ⵉⵙⵙⴻⵃⵚⴻⵔ ⵉ-ⵜ ⴷⴷⴻⵏⴱ’. ◘6:1 ⵔⵓⵎ. 14:1; 15:1; 1 ⴽⵓⵔ. 9:22.
2 ⴽⵙⵉⵎ ⴷⴷⵇⴻⵍ ⵉⵊⵊⴻⵏ ⵅ ⵡⴻⵏⵏⴻⵖⵏⵉ, ⴰⵎⵎⵓ ⵉ ⵖⴰ ⵜⴽⴻⵎⵎⵍⴻⵎ ⵛⵛⴰⵔⵉⵄⴰ ⵏ ⵍⵎⴰⵙⵉⵃ. ◘6:2 ⵎⵜ. 11:29; ⵢⵃ. 13:14; ⵔⵓⵎ. 15:1; 1 ⵜⵙ. 5:14. 3 ⵎⴰⵖⴰⵔ ⵎⴰⵍⴰ ⵛⴰ ⵏ ⵢⵉⵊⵊⴻⵏ ⵉⵜⵜⵖⵉⵍ ⴰⵙ ⴰⵇⴰ ⵏⴻⵜⵜⴰ ⴷ ⵛⴰ, ⴰⵎ ⵜ ⵡⴰⵔ ⵉⴵⵉ, ⵉⵅⴻⴷⴷⴻⵄ ⵉⵅⴻⴼ ⵏⵏⴻⵙ. 4 ⵎⴰⵛⴰ ⴻⵊⵊ ⴽⵓⵍ ⵉⵊⵊⴻⵏ ⴰⴷ ⵉⵇⴻⴵⴻⴱ ⵍⵅⴻⴷⵎⴻⵜ ⵏ ⵢⵉⵅⴻⴼ ⵏⵏⴻⵙ, ⵅⴻⵏⵏⵉ ⴰⴷ ⵖⴰⵔⴻⵙ ⵢⵉⵍⵉ ⵓⵙⴻⵎⵖⴰⵔ ⴷⴻⴳ ⵢⵉⵅⴻⴼ ⵏⵏⴻⵙ, ⵡⴰⵔ ⵉⴵⵉ ⴷⴻⴳ ⵉⵏⵏⴻⵖⵏⵉ, 5 ⵎⵉⵏⵣⵉ ⴽⵓⵍ ⵉⵊⵊⴻⵏ ⴰⴷ ⵉⴽⵙⵉ ⴷⴷⵇⴻⵍ ⵏ ⵢⵉⵅⴻⴼ ⵏⵏⴻⵙ. ◘6:5 ⵉⵥⵀⴷ. 62:13; ⵉⵔⵎ. 17:10; 32:19; ⵎⵜ. 16:27; ⵔⵓⵎ. 2:6; 14:12; 1 ⴽⵓⵔ. 3:8; 2 ⴽⵓⵔ. 5:10; ⴰⵙⴰ. 2:23; 22:12.
6 ⴻⵊⵊ ⵡⴻⵏⵏⵉ ⵉⵙⵍⵉⵏ ⴰⵡⴰⵍ, ⴰⴷ ⵉⵛⴰⵔⵛ ⵣⵉ ⵎⴰⵔⵔⴰ ⵜⵉⵚⴻⴱⵃⴰⵏⵉⵏ ⵉ ⵖⴰⵔⴻⵙ ⴰⴽ-ⴷ ⵡⴻⵏⵏⵉ ⵣⵣⴰⵢⴻⵙ ⵜ ⵉⵙⵍⴰⵏ. ◘6:6 ⵔⵓⵎ. 15:27; 1 ⴽⵓⵔ. 9:11.
7 ⵡⴰⵔ ⵜⵜⵅⴻⴷⴷⵄⴻⵎ ⵉⵅⴻⴼ ⵏⵡⴻⵎ, ⴰⵔⴻⴱⴱⵉ ⵡⴰⵔ ⵉⵜⵜⴻⵊⵊⵉ ⵃⴻⴷ ⴰⴷ ⵅⴰⵙ ⵉⵇⴻⵚⵚⴰⵔ. ⵎⵉⵏⵣⵉ ⵎⵉⵏ ⵎⴰ ⵉⵣⴰⵔⵄ ⴱⵏⴰⴷⴻⵎ, ⴰⴷ ⵜ ⵉⵎⵊⴰⵔ ⵄⴰⵡⴻⴷ. ◘6:7 ⵍⴽ. 16:25; 1 ⴽⵓⵔ. 6:10. 8 ⵎⵉⵏⵣⵉ ⵡⴻⵏⵏⵉ ⵉⵣⴰⵔⵔⵄⴻⵏ ⴷⴻⴳ ⵡⴻⵢⵙⵓⵎ, ⵣⴻⴳ ⵡⴻⵢⵙⵓⵎ ⴰⴷ ⵉⵎⵊⴰⵔ ⵍⵖⴻⵛⵛ. ⵎⴰⵛⴰ ⵡⴻⵏⵏⵉ ⵉⵣⴰⵔⵔⵄⴻⵏ ⴷⵉ ⴰⵔⵔⵓⵃ, ⵣⵉ ⴰⵔⵔⵓⵃ ⴰⴷ ⵉⵎⵊⴰⵔ ⵜⵓⴷⴰⵔⵜ ⵉⵜⵜⴷⵓⵎⴰⵏ. 9 ⴻⵊⵊ ⴰⵏⴻⵖ ⵡⴰⵔ ⵏᵉⵜⵜⵉⵃⴻⵍ ⵛⴰ ⵓⵎⵉ ⵏᵉⵜⵜⴻⴳⴳ ⵎⵉⵏ ⵉⴵⴰⵏ ⴷ ⴰⵚⴻⴱⵃⴰⵏ, ⵎⵉⵏⵣⵉ ⴰⴷ ⴷⴷ-ⵜⴰⵙ ⵍⵡⴻⵇⵜ ⵏⵏⵉ ⴷⵉ ⵖⴰ ⵏⴻⵎⵊⴰⵔ, ⵓ ⵎⴰⵏ ⴰⵢⴰ ⵡⴰⵔ ⴷ ⴰⵏⴻⵖ ⵉⵙⵙⵉⵀⵉⵍ ⵛⴰ. ◘6:9 2 ⵜⵙ. 3:13. 10 ⴻⵊⵊ ⴰⵏⴻⵖ ⵍⴻⵅⵅⵓ, ⴰⵍⴰⵎⵉ ⵖⴰⵔⵏⴻⵖ ⵄⴰⴷ ⵍⴼⵓⵔⵚⴰ, ⴰⴷ ⵏⴻⴳⴳ ⵜⵛⵓⵏⵉ ⵉ ⵎⴰⵔⵔⴰ, ⴰⵎⴻⵣⵡⴰⵔⵓ ⵉ ⵢⵉⵏⵏⵉ ⴷ ⵉⵛⵔⵉⵛⴻⵏ ⴰⴽⵉⴷⵏⴻⵖ ⴷⵉ ⵜⴰⴷⴷⴰⵔⵜ ⵏ ⵢⵉⵏⵏⵉ ⵢⵓⵎⵏⴻⵏ. ◘6:10 1 ⵜⵉⵎ. 5:8.
11 ⵅⵣⴰⵔⴻⵎ, ⵎⴰⵔⵔⴰ ⵜⵉⵔⴰ-ⵢⴰ ⵉ ⴷ ⴰⵡⴻⵎ ⴷⴷ-ⵓⵔⵉⵖ, ⵓⵔⵉⵖ ⵜⵜ ⵙ ⵓⴼⵓⵙ ⵉⵏⵓ. 12 ⵎⴰⵔⵔⴰ ⵡⵉ ⵉⵅⵙⴻⵏ ⴰⴷ ⵙⵙⴻⵎⵖⴰⵔⴻⵏ ⴷⴻⴳ ⵡⴻⵢⵙⵓⵎ, ⴰⵇⴰ ⵏⵉⵜⵏⵉ ⵜⵜⴻⴳⴳⴻⵏ ⵅⴰⵡⴻⵎ ⴰⵖⵉⵍ ⵃⵉⵎⴰ ⴰⴷ ⵜᵉⵜⵜⵡⴰⵅⴻⵜⵏⴻⵎ ⵃⵉⵎⴰ ⵡⴰⵔ ⵜⵜⵡⴰⵎⴰⵔⵔⵜⴻⵏ ⵏⵉⵜⵏⵉ ⵅ ⵙⵙⵉⴱⴱⴻⵜ ⵏ ⵚⵚⴰⵍⵉⴱ ⵏ ⵍⵎⴰⵙⵉⵃ. 13 ⵎⵉⵏⵣⵉ ⵓⵍⴰ ⴷ ⵉⵏⵏⵉ ⵉⵜⵜⵡⴰⵅⴻⵜⵏⴻⵏ ⵡⴰⵔ ⵟⵟⵉⴼⴻⵏ ⵛⴰ ⴷⵉ ⵛⵛⴰⵔⵉⵄⴰ, ⵎⴰⵛⴰ ⵏⵉⵜⵏⵉ ⵅⵙⴻⵏ ⴰⴷ ⵜᵉⵜⵜⵡⴰⵅⴻⵜⵏⴻⵎ ⵃⵉⵎⴰ ⴰⴷ ⵙⵙⴻⵎⵖⴰⵔⴻⵏ ⴷⵉ ⵍⴻⵅⵜⴰⵏ ⴷⴻⴳ ⵡⴻⵢⵙⵓⵎ ⵏⵡⴻⵎ. 14 ⵎⴰⵛⴰ ⵉⴳⴳⵯⴻⵊⴻⵏ ⵅⴰⴼⵉ ⵎⴰⵃⴻⵏⴷ ⴰⴷ ⵙⵙⴻⵎⵖⴰⵔⴻⵖ ⵎⵖⵉⵔ ⴷⵉ ⵚⵚⴰⵍⵉⴱ ⵏ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ ⵙ ⵡⴻⵏⵏⵉ ⵜᵉⵜⵜⵡⴰⵚⴻⵍⵍⴻⴱ ⴷⴷⵓⵏⴻⵛⵜ ⵉ ⵏⴻⵛⵛ ⵓ ⵏⴻⵛⵛ ⵉ ⴷⴷⵓⵏⴻⵛⵜ. 15 ⴰⵅⵜⴰⵏ ⵏⵉⵖ ⴱⵍⴰ ⴰⵅⵜⴰⵏ ⵡⴰⵔ ⵉⵙⴻⴽⴽⵡⵉ ⵡⴰⵍⵓ, ⵎⴰⵛⴰ ⵡⴻⵏⵏⵉ ⴷⴷ-ⵉⵜⵜⵡⴰⵅⴻⵍⵇⴻⵏ ⵣⵉ ⵊⴷⵉⴷ ⵡⴰⵀ. ◘6:15 ⵎⵜ. 12:50; ⵢⵃ. 15:14; 2 ⴽⵓⵔ. 5:16; ⴳⴰⵍ. 5:6; ⴽⵓⵍ. 3:11. 16 ⵎⴰⵔⵔⴰ ⵡⵉ ⵖⴰ ⵢⵓⵢⵓⵔⴻⵏ ⵄⵍⴰⵃⵙⴰⴱ ⴰⴱⵔⵉⴷ-ⴰ, ⴰⴷ ⵅⴰⵙⴻⵏ ⵢⵉⵍⵉ ⵍⴻⵀⵏⴰ ⴷ ⴰⵔⵔⴻⵃⵎⴻⵜ ⵓⵍⴰ ⵅ ⵉⵙⵔⴰⵉⵍ ⵏ ⴰⵔⴻⴱⴱⵉ. ◘6:16 ⵉⵥⵀⴷ. 125:5.
17 ⵡⴰⵔ ⴷ ⴰⵢⵉ ⵉⵜⵜⵙⴻⴷⴷⵉⵄ ⵃⴻⴷ, ⵎⵉⵏⵣⵉ ⵉⵡⵢⴻⵖ-ⴷⴷ ⵛⵛⴰⵎⴰⵜ ⵏ ⵙⵉⴷⵉⵜⵏⴻⵖ ⵢⴰⵙⵓⵄ ⴷⵉ ⴰⵔⵔⵉⵎⴻⵜ ⵉⵏⵓ. ◘6:17 2 ⴽⵓⵔ. 4:10.
18 ⴰ ⴰⵢⵜⵎⴰ, ⴰⴷ ⵢⵉⵍⵉ ⴰⵔⴹⴰ ⵏ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ ⴰⴽ-ⴷ ⴰⵔⵔⵓⵃ ⵏⵡⴻⵎ. ⴰⵎⵉⵏ.
◼6:1 6:1 ⵉⵡⴹⴰ-ⴷⴷ ⵅⴰⵙ ⴷⴷⴻⵏⴱ-ⵏⵉⵖ: ‘ⵉⵙⵙⴻⵃⵚⴻⵔ ⵉ-ⵜ ⴷⴷⴻⵏⴱ’.
◘6:1 6:1 ⵔⵓⵎ. 14:1; 15:1; 1 ⴽⵓⵔ. 9:22.
◘6:2 6:2 ⵎⵜ. 11:29; ⵢⵃ. 13:14; ⵔⵓⵎ. 15:1; 1 ⵜⵙ. 5:14.
◘6:5 6:5 ⵉⵥⵀⴷ. 62:13; ⵉⵔⵎ. 17:10; 32:19; ⵎⵜ. 16:27; ⵔⵓⵎ. 2:6; 14:12; 1 ⴽⵓⵔ. 3:8; 2 ⴽⵓⵔ. 5:10; ⴰⵙⴰ. 2:23; 22:12.
◘6:6 6:6 ⵔⵓⵎ. 15:27; 1 ⴽⵓⵔ. 9:11.
◘6:7 6:7 ⵍⴽ. 16:25; 1 ⴽⵓⵔ. 6:10.
◘6:9 6:9 2 ⵜⵙ. 3:13.
◘6:10 6:10 1 ⵜⵉⵎ. 5:8.
◘6:15 6:15 ⵎⵜ. 12:50; ⵢⵃ. 15:14; 2 ⴽⵓⵔ. 5:16; ⴳⴰⵍ. 5:6; ⴽⵓⵍ. 3:11.
◘6:16 6:16 ⵉⵥⵀⴷ. 125:5.
◘6:17 6:17 2 ⴽⵓⵔ. 4:10.