1 ⴰⵣⴻⵀⵀⴻⴷ ⵏ ⴷⴰⵡⵓⴷ.

ⵙⵉⴷⵉ ⴷ ⴰⵎⴻⴽⵙⴰⵡ ⵉⵏⵓ,

ⵡⴰⵔ ⵅⴰⴼⵉ ⵉⵜⵜⴻⴽⴽ ⵛⴰ ⵣⵣⵄⴰⴼ. ◘23:1 ⵉⵛⴰ. 40:11; ⵉⵔⵎ. 23:4; ⵃⵉⵥ. 34:23; ⵢⵃ. 10:11; 1 ⴱⵟ. 2:25; ⴰⵙⴰ. 7:17

2 ⵏⴻⵜⵜⴰ ⵉⵙⵙⴰⵔⴻⵢⵢⴰⵃ ⴰⵢⵉ

ⴷⵉ ⴷⴷⵎⴰⵏⵉ ⵏ ⵜⴰⵔⴻⵡⵙⴰ ⵉⵣⵉⵣⴰⵡⴻⵏ,

ⵉⵏⴻⴷⴷⴻⵀ ⴰⵢⵉ ⵖⴰⵔ ⵡⴰⵎⴰⵏ ⵢⴰⵔⵙⴰⵏ.

3 ⵏⴻⵜⵜⴰ ⵉⵙⵙⴼⴰⵇⴰ ⵍⴻⵄⵎⴰⵔ ⵉⵏⵓ,

ⵉⵏⴻⴷⴷⴻⵀ ⴰⵢⵉ ⴷⵉ ⵍⴰⵜⴰⵔⴰⵜ ⵏ ⵜⵙⴻⴳⴷⴰ

ⴷⵉ ⵟⵟⵡⴻⵄ ⵏ ⵢⵉⵙⴻⵎ ⵏⵏⴻⵙ.

4 ⵡⴰⵅⵅⴰ ⴳⴳⵓⵔⴻⵖ

ⴷⵉ ⵜⴻⵖⵣⵓⵔⵜ ⵏ ⵜⵉⵍⵉ ⵏ ⵍⵎⴻⵡⵜ,

ⵡⴰⵔ ⵜⵜⴻⴳⴳⵯⴷⴻⵖ ⵣⵉ ⵍⵖⴰⵔ,

ⵎⴰⵖⴰⵔ ⵛⴻⴽ ⴰⴽⵉⴷⵉ.

ⴰⵄⴻⴽⴽⴰⵣ ⵏⵏⴻⵛ ⴷ ⵜⴰⵖⵖⴰⵔⵛⵜ ⵏⵏⴻⵛ

ⵙⵙⴼⴻⵡⵡⴰⵊⴻⵏ ⵅⴰⴼⵉ. ◘23:4 ⵉⵥⵀⴷ. 3:6; 118:6

5 ⵜⴻⵙⵙⴻⵡⵊⴰⴷⴻⴷ ⵟⵟⴰⴱⵍⴰ ⵉⵏⵓ

ⵣⵣⴰⵜ ⵉ ⵡⵓⴷⴻⵎ ⵏ ⵢⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ.

ⵜⴷⴻⵀⵀⵏⴻⴷ ⴰⵣⴻⴵⵉⴼ ⵉⵏⵓ ⵙ ⵣⵣⴻⵛⵜ,

ⵍⴽⴰⵙ ⵉⵏⵓ ⵉⴼⴻⵢⵢⴻⴹ.

6 ⵉⵡⴰ, ⵍⵅⵉⵔ ⴷ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ

ⴰⴷ ⴰⵢⵉ ⴹⴼⴰⵔⴻⵏ,

ⵎⴰⵔⵔⴰ ⵓⵙⵙⴰⵏ ⵏ ⵜⵓⴷⴰⵔⵜ ⵉⵏⵓ,

ⵏⴻⵛⵛ ⴰⴷ ⵣⴻⴷⵖⴻⵖ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ,

ⴰⵍ ⴰⵏⴻⴳⴳⴰⵔ ⵏ ⵡⵓⵙⵙⴰⵏ.