1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ.

ⵙ ⵜⴻⵖⵏⵉⵏⵜ ⵏ ⵓⵊⵉⵜⵜⵉ, ⴰⵔⵢⴰⵣ ⵣⵉ ⵊⴰⵜ.

ⵣⴻⴳ ⴰⵢⵜ ⵏ ⵇⵓⵔⴰⵃ. ⴰⵣⴻⵀⵀⴻⴷ.

2 ⵎⴰⵎⵎⴻⵛ ⵜⵜⵄⵉⵣⵣⴻⵏⵜ ⵜⵣⴻⴷⴷⵉⵖⵉⵏ ⵏⵏⴻⵛ,

ⴰ ⵙⵉⴷⵉ ⵏ ⵍⵄⴻⵙⴽⴰⵔⴰⵜ!

3 ⵍⴻⵄⵎⴰⵔ ⵉⵏⵓ ⴷⴰⵢⴻⵙ ⵎⴻⵥⵔⵉ,

ⵡⴰⵀ, ⵉⴼⴻⵏⵏⴰ ⵙ ⵓⵡⴻⵃⵃⴻⵛ

ⵅ ⵍⴻⵎⵔⴰⵃⴰⵜ ⵏ ⵙⵉⴷⵉ,

ⵓⵍ ⵉⵏⵓ ⴷ ⴷⴷⴰⵜ ⵉⵏⵓ

ⵙⵍⵉⵡⵍⵉⵡⴻⵏ ⵉ ⴰⵔⴻⴱⴱⵉ ⵉⴷⴷⴰⵔⴻⵏ. ◘84:3 ⵉⵥⵀⴷ. 42:2; 63:2

4 ⵓⵍⴰ ⴷ ⵥⵥⴰⵡⴻⵛ ⵉⵜⵜⴰⴼ ⵄⴰⴷ ⵉⵛⵜ ⵏ ⵜⴰⴷⴷⴰⵔⵜ,

ⵓ ⵜⴰⴼⴰⵔⴵⴻⵙⵜ ⵜⵓⴼⴰ ⵉⵊⵊ ⵏ ⵍⵄⵓⵛⵛ ⵉ ⵢⵉⵅⴻⴼ ⵏⵏⴻⵙ

ⵉ ⴷⵉ ⵜⴻⵙⵙⵔⵓⵙⵙⴰ ⵉⵙⵙⴹⴰⵡⴻⵏ ⵏⵏⴻⵙ,

ⵖⴰⵔ ⵉⵄⴰⵍⵟⴰⵔⴻⵏ ⵏⵏⴻⵛ, ⴰ ⵙⵉⴷⵉ ⵏ ⵍⵄⴻⵙⴽⴰⵔⴰⵜ,

ⴰⵊⴻⴵⵉⴷ ⵉⵏⵓ ⴷ ⴰⵔⴻⴱⴱⵉ ⵉⵏⵓ!

5 ⵙⵙⴻⵄⴷ ⵏⵙⴻⵏ ⵏ ⵢⵉⵏⵏⵉ ⵉⵣⴻⴷⴷⵖⴻⵏ

ⴷⵉ ⵜⴰⴷⴷⴰⵔⵜ ⵏⵏⴻⵛ,

ⴰⵇⴰ ⴰⵜⴻⵏ ⵜⵜⵚⴻⴱⴱⴰⵃⴻⵏ ⵉ ⵛⴻⴽ

ⴱⵍⴰ ⵇⴻⵟⵟⵓ. ⵙⵉⵍⴰⵀ.

6 ⵙⵙⴻⵄⴷ ⵏ ⵉⵡⴷⴰⵏ

ⵉⵏⵏⵉ ⵉⵜⵜⴰⴼⴻⵏ ⵊⵊⴻⵀⴷ ⵏⵙⴻⵏ ⴷⴰⵢⴻⴽ,

ⵉⵏⵏⵉ ⵉⵃⴻⵟⵟⴰⵏ ⵉⴱⵔⵉⴷⴻⵏ ⵉⴳⴻⵄⵄⴷⴻⵏ

ⵖⴰⵔ ⵣⵣⴰⵡⴻⵛⵜ ⵏⵏⴻⵛ ⵜⴰⵎⴻⵇⵇⵔⴰⵏⵜ

ⴷⴻⴳ ⵡⵓⵍ ⵏⵙⴻⵏ.

7 ⵅⵎⵉ ⵜⵜⵛⵓⵇⴰⵏ ⴷⴻⴳ ⵉⵊⵊ ⵏ ⵍⴻⵡⴹⴰ ⵏ ⵜⴻⵖⵣⵓⵔⵜ

ⵏ ⵜⵛⴻⵊⵊⵓⵔⴰ ⵏ ⵓⵎⴻⵜⵜⵉⵏ,

ⴰⵔⵔⵉⵏ ⵜ ⴷ ⵍⵄⵓⵏⵚⴰⵔ.

ⵓⵍⴰ ⴷ ⴰⵏⵥⴰⵔ ⴰⵎⴻⵣⵡⴰⵔⵓ

ⴰⴷ ⵜⴻⵏ ⵉⵙⵙⴷⵓⵔⵉⵢ ⵙ ⵍⴱⴰⵔⴰⴽⴰⵜ.

8 ⵏⵉⵜⵏⵉ ⴳⴳⵓⵔⴻⵏ ⵣⵉ ⵊⵊⴻⵀⴷ ⴰⵍ ⵊⵊⴻⵀⴷ,

ⴰⴷ ⴷⴷ-ⴱⴰⵏⴻⵏ ⵖⴰⵔ ⴰⵔⴻⴱⴱⵉ ⴷⵉ ⵚⵉⵀⵢⵓⵏ.

9 ⴰ ⵙⵉⴷⵉ, ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ,

ⵙⴻⵍ ⵉ ⵜⵥⴰⴵⵉⵜ ⵉⵏⵓ,

ⵙⵃⴻⵙⵙ, ⴰ ⴰⵔⴻⴱⴱⵉ ⵏ ⵢⴰⵄⵇⵓⴱ! ⵙⵉⵍⴰⵀ.

10 ⴰ ⴰⵔⴻⴱⴱⵉ,

ⵛⴻⴽ ⴷ ⵜⴰⵙⴻⴷⴷⴰⵔⵜ ⵏⵏⴻⵖ ⵏ ⵓⵙⴻⵍⵇⵉ,

ⴰⵇⴰ ⵅⵣⴰⵔ ⵖⴰⵔ ⵡⵓⴷⴻⵎ ⵏ ⵓⵎⴻⴷⵀⵓⵏ ⵏⵏⴻⵛ!

11 ⵎⴰⵖⴰⵔ ⵉⵊⵊ ⵏ ⵡⴰⵙⵙ ⴷⵉ ⵍⴻⵎⵔⴰⵃⴰⵜ ⵏⵏⴻⵛ

ⵉⵃⵍⴰ ⵅ ⵡⴰⵍⴻⴼ ⵏ ⵡⵓⵙⵙⴰⵏ ⵏⵏⴻⵖⵏⵉ.

ⵎⴻⵄⵍⵉⴽ ⵓⴼⵉⵖ ⴰⴷ ⴱⴻⴷⴷⴻⵖ

ⵅ ⵜⵏⴻⴱⴷⴰⵜ ⵏ ⵜⴰⴷⴷⴰⵔⵜ ⵏ ⴰⵔⴻⴱⴱⵉ ⵉⵏⵓ,

ⵓⵍⴰ ⴷ ⴰⵜⵍⴰⵄ ⴷⴻⴳ ⵉⵇⵉⴹⴰⵏ ⵏ ⵜⵓⵄⴻⴼⴼⵏⴰ.

12 ⵎⴰⵖⴰⵔ ⵙⵉⴷⵉ ⴰⵔⴻⴱⴱⵉ ⴷ ⵜⴰⴼⵓⵛⵜ

ⴷ ⵜⵙⴻⴷⴷⴰⵔⵜ ⵉ ⵓⵙⴻⵍⵇⵉ,

ⵙⵉⴷⵉ ⴰⴷ ⵉⵡⵛ ⴰⵃⵉⵏⵏⵉ ⴷ ⵓⵄⵓⴵⵉ.

ⵏⴻⵜⵜⴰ ⵡⴰⵔ ⵉⵙⵙⵄⵉⵣⵣⵉ ⵍⵅⴰⵔ

ⴷⴻⴳ ⵉⵏⵏⵉ ⵉⴳⴳⵓⵔⴻⵏ ⵙ ⵍⴻⴽⵎⴰⵔⴻⵜ.

13 ⴰ ⵙⵉⴷⵉ ⵏ ⵍⵄⴻⵙⴽⴰⵔⴰⵜ,

ⵙⵙⴻⵄⴷ ⵏ ⴱⵏⴰⴷⴻⵎ ⵏⵏⵉ ⴷⴰⵢⴻⴽ ⵉⵜⵜⵉⵇⵇⴰⵏ. ◘84:13 ⵉⵥⵀⴷ. 2:12; 34:9