149
1 ⵀⴰⵍⵍⵉⵍⵓ-ⵢⴰⵀ!
ⵖⴻⵏⵏⵊⴻⵎ ⵉⵊⵊ ⵏ ⵢⴻⵣⵍⵉ ⵏ ⵊⴷⵉⴷ ⵉ ⵙⵉⴷⵉ,
ⵙⵄⵓⴵⴻⵎ ⵜ ⴷⴻⴳ ⵡⴻⴳⵔⴰⵡ ⵏ ⵉⵎⵜⵉⵇⵇⴰⵏ ⵏⵏⴻⵙ.
2 ⴰⴷ ⵉⴼⴰⵔⵃ ⵉⵙⵔⴰⵉⵍ ⵣⴻⴳ ⵡⴻⵏⵏⵉ ⵜ ⵉⴳⴳⵉⵏ,
ⴰⴷ ⴰⵔⵛⵇⴻⵏ ⵉⵃⴻⵏⵊⵉⵔⴻⵏ ⵏ ⵚⵉⵀⵢⵓⵏ
ⵙ ⵓⵊⴻⴵⵉⴷ ⵏⵙⴻⵏ. ◘149:2 ⵉⵥⵀⴷ. 100:3
3 ⴰⴷ ⵚⴻⴱⴱⵃⴻⵏ ⵏⵉⵜⵏⵉ ⵉⵙⴻⵎ ⵏⵏⴻⵙ
ⵙ ⵛⵛⴹⵉⵃ ⵙ ⵏⵏⵓⴱⵜⴰⵜ,
ⴰⴷ ⴰⵙ ⵣⴻⵀⵀⴷⴻⵏ ⵙ ⵓⴱⴻⵏⴷⵉⵔ ⴷ ⵍⴳⴰⵎⴱⵔⵉ, ◘149:3 ⵉⵥⵀⴷ. 81:3, 4
4 ⵎⴰⵖⴰⵔ ⵙⵉⴷⵉ ⵢⴰⵔⴹⴰ ⵅ ⵍⴳⴻⵏⵙ ⵏⵏⴻⵙ,
ⴰⴷ ⵢⴰⵡⵉ ⵛⵛⴰⵏ ⵉ ⵉⵎⵡⴰⴹⵄⴻⵏ ⵙ ⵡⴻⵏⵊⴰⵎ.
5 ⴰⴷ ⵙⵍⵉⵡⴻⵍⵡⴻⵏ ⵉⵎⵜⵉⵇⵇⴰⵏ
ⵙ ⵓⵡⴻⵇⵇⴰⵔ ⵢⵓⴵⵖⴻⵏ,
ⴻⵊⵊ ⵉ-ⵜⴻⵏ ⴰⴷ ⵙⵖⵓⵢⴻⵏ ⵙ ⵍⴻⴼⵔⴰⵃⴻⵜ
ⵣⴻⴳ ⵉⵎⵓⵛⴰⵏ ⵏⵙⴻⵏ ⵏ ⴰⵔⵔⴰⵃⴻⵜ.
6 ⵉⵣⵍⴰⵏ ⵏ ⵓⵄⵓⴵⵉ ⵉ ⴰⵔⴻⴱⴱⵉ
ⴷⴻⴳ ⵓⵇⴻⵎⵎⵓⵎ ⵏⵙⴻⵏ
ⵉⵊⵊ ⵏ ⵙⵙⵉⴼ ⵉⵇⴹⴻⵄ ⵙ ⵜⵏⴰⵢⴻⵏ ⵏ ⵡⵓⴷⵎⴰⵡⴻⵏ
ⴷⴻⴳ ⵓⴼⵓⵙ ⵏⵙⴻⵏ, ◘149:6 2 ⵜⵙ. 2:8; ⵄⴱⵔ. 4:12; ⴰⵙⴰ. 1:16
7 ⵃⵉⵎⴰ ⴰⴷ ⵏⵜⴰⵇⵎⴻⵏ ⵣⵉ ⵍⴻⴳⵏⵓⵙ,
ⵃⵉⵎⴰ ⴰⴷ ⵄⴰⵇⴱⴻⵏ ⵛⵛⵓⵄⵓⴱ,
8 ⵃⵉⵎⴰ ⴰⴷ ⵛⴰⵔⴼⴻⵏ ⵉⵊⴻⴵⵉⴷⴻⵏ ⵏⵙⴻⵏ ⵙ ⵙⵙⵏⴰⵙⴻⵍ,
ⴰⵢⵜ ⵏ ⵜⴰⵚⵉⵍⴻⵜ ⵏⵙⴻⵏ ⵙ ⵙⵙⵏⴰⵙⴻⵍ ⵏ ⵡⵓⵣⵣⴰⵍ, ◘149:8 ⵎⵜ. 18:18
9 ⵃⵉⵎⴰ ⴰⴷ ⵅⴰⵙⴻⵏ ⴳⴳⴻⵏ ⵍⵃⵓⴽⵎ ⵢⵓⵔⴰⵏ.
ⴷ ⵎⴰⵏ ⴰⵢⴰ ⴰⴷ ⵜⵉⵍⵉ ⴷ ⵍⵄⴰⴹⴰⵎⴰ
ⵏ ⵎⴰⵔⵔⴰ ⵉⵎⵜⵉⵇⵇⴰⵏ ⵏⵏⴻⵙ.
ⵀⴰⵍⵍⵉⵍⵓ-ⵢⴰⵀ. ◘149:9 ⴰⵄⵡⴷ. 4:6