148
1 ⵀⴰⵍⵍⵉⵍⵓ-ⵢⴰⵀ!
ⵚⴻⴱⴱⵃⴻⵎ ⵉ ⵙⵉⴷⵉ ⵣⴻⴳ ⵉⵊⴻⵏⵡⴰⵏ,
ⵚⴻⴱⴱⵃⴻⵎ ⵜ ⴷⵉ ⵍⵓⵄⵍⴰ. ◘148:1 ⵍⴽ. 2:14; ⴰⵙⴰ. 5:13
2 ⵚⴻⴱⴱⵃⴻⵎ ⵜ, ⵎⴰⵔⵔⴰ ⵍⵎⴰⵍⴰⴽⴰⵜ ⵏⵏⴻⵙ!
ⵚⴻⴱⴱⵃⴻⵎ ⵜ, ⵎⴰⵔⵔⴰ ⵍⵄⴻⵙⴽⴰⵔⴰⵜ ⵏⵏⴻⵙ!
3 ⵚⴻⴱⴱⵃⴻⵏⵜ ⵜ, ⵜⴰⴼⵓⵛⵜ ⴷ ⵜⵣⵉⵔⵉ!
ⵚⴻⴱⴱⵃⴻⵎ ⵜ, ⵎⴰⵔⵔⴰ ⵉⵜⵔⴰⵏ ⵢⴰⵔⴻⵇⵇⴻⵏ!
4 ⵚⴻⴱⴱⵃⴻⵜ, ⴰⵊⴻⵏⵏⴰ ⵅ ⵉⵊⴻⵏⵡⴰⵏ,
ⵓⵍⴰ ⴷ ⴰⵎⴰⵏ ⵏⵏⵉ ⵉⴵⴰⵏ ⵜⵉⵡⴰ ⵉ ⵓⵊⴻⵏⵏⴰ.
5 ⴻⵊⵊ ⵉ-ⵜⴻⵏ ⴰⴷ ⵚⴻⴱⴱⵃⴻⵏ ⵉⵙⴻⵎ ⵏ ⵙⵉⴷⵉ,
ⵎⴰⵖⴰⵔ ⵏⴻⵜⵜⴰ ⵢⵓⵎⵓⵔ
ⵓ ⴰⵎⵎⵓ ⵜⵜⵡⴰⵅⴻⵍⵇⴻⵏ-ⴷⴷ. ◘148:5 ⴰⵎⵥ. 1:6-31; ⵉⵥⵀⴷ. 33:6, 9
6 ⵏⴻⵜⵜⴰ ⵉⴷⴻⴽⴽⴻⵏ ⵉ-ⵜⴻⵏ ⴷⵉⵏ ⵉ ⵍⴻⴱⴷⴰ,
ⵉⵡⵛⴰ ⴰⵙⴻⵏ ⵉⵛⵜ ⵏ ⵜⴻⵡⵚⴻⵢⵢⴻⵜ
ⵉ ⵡⴰⵔ ⵣⴻⵎⵎⴰⵔⴻⵏ ⴰⴷ ⵜⵜ ⵄⴻⴷⴷⴰⵏ ⵄⴻⵎⵎⴰⵔⵚ. ◘148:6 ⴰⵢⵓⴱ 14:5, 13; 26:10; 38:33; ⵉⵥⵀⴷ. 104:5; 119:91; ⵉⵔⵎ. 31:35; 33:25
7 ⵚⴻⴱⴱⵃⴻⵎ ⵉ ⵙⵉⴷⵉ, ⵣⵉ ⵜⴻⵎⵎⵓⵔⵜ,
ⴽⴻⵏⵏⵉⵡ ⵍⵀⴰⵢⵛⴰⵜ ⵏ ⵍⴻⴱⵃⴰⵔ
ⴷ ⵎⴰⵔⵔⴰ ⴰⵎⴰⵏ ⵉⵀⴻⵡⵍⴻⵏ,
8 ⵜⵉⵎⴻⵙⵙⵉ ⴷ ⵜⴻⴱⵔⵓⵔⵔⵉ
ⴷ ⵡⴻⴷⴼⴻⵍ ⴷ ⴷⴷⴻⵅⵅⴰⵏ,
ⴰⵙⴻⵎⵎⵉⴹ ⵏ ⵜⵃⴰⵔⵢⴰⴹⵜ
ⵏⵏⵉ ⵉⵜⵜⴻⴳⴳⴻⵏ ⴰⵡⴰⵍ ⵏⵏⴻⵙ,
9 ⵉⴷⵓⵔⴰⵔ ⴷ ⵎⴰⵔⵔⴰ ⵜⵉⵡⵔⵉⵔⵉⵔⵉⵏ,
ⵜⵉⵛⴻⵊⵊⵓⵔⴰ ⵏ ⴼⵔⵓⵜⴰ
ⴷ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏ ⵜⴻⵏⴳⴻⵍⵜ,
10 ⵍⴻⵡⵃⵓⵛ ⵏ ⵍⴻⵅⵍⴰ ⴷ ⵎⴰⵔⵔⴰ ⵍⵎⴰⵔ,
ⵉⵎⵓⴷⴷⴰⵔⴻⵏ ⵉⵜⵜⴱⵓⵄⴻⵏ ⴷ ⵉⵊⴹⴰⴹ
ⵙ ⵡⴰⴼⵔⵉⵡⴻⵏ ⵏⵙⴻⵏ,
11 ⴽⴻⵏⵏⵉⵡ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ
ⴷ ⵎⴰⵔⵔⴰ ⵛⵛⵓⵄⵓⴱ,
ⴽⴻⵏⵏⵉⵡ ⵍⵃⵓⴽⴽⴰⵎ
ⴷ ⵎⴰⵔⵔⴰ ⵍⵇⵓⴹⴰⵜ ⵅ ⵜⴻⵎⵎⵓⵔⵜ, ◼148:11 ⵍⵇⵓⴹⴰⵜ-ⵏⵉⵖ ‘ⵉⵎⴻⵥⵓⵔⴼⴰ’.
12 ⵉⴱⵍⵉⵖⴻⵏ ⵓⵍⴰ ⴷ ⵜⵉⵄⵣⴰⵔⵉⵢⵢⵉⵏ,
ⵉⵡⴻⵙⵙⵓⵔⴰ ⵊⵎⵉⵄ ⴰⴽ-ⴷ ⵉⵎⴻⵥⵢⴰⵏⴻⵏ!
13 ⴻⵊⵊ ⵉ-ⵜⴻⵏ ⴰⴷ ⵚⴻⴱⴱⵃⴻⵏ ⵉⵙⴻⵎ ⵏ ⵙⵉⴷⵉ,
ⵎⴰⵖⴰⵔ ⵉⵙⴻⵎ ⵏⵏⴻⵙ ⵡⴰⵀⴰ ⵢⵓⵄⵍⴰⵏ ⵇⴰⵄ,
ⵜⵉⵙⵙⵉⵇⵜ ⵏⵏⴻⵙ ⵜⴰⵍⴻⵇⵇ
ⵅ ⵜⴻⵎⵎⵓⵔⵜ ⴷ ⵉⵊⴻⵏⵡⴰⵏ. ◘148:13 ⴰⵡⵍⵏ. 18:10; ⵉⵛⴰ. 12:4
14 ⵏⴻⵜⵜⴰ ⵉⵙⵙⴳⴻⵄⵄⴻⴷ ⵉⵛⵛ ⵏ ⵍⴳⴻⵏⵙ ⵏⵏⴻⵙ,
ⴰⵚⴻⴱⴱⴻⵃ ⵏ ⵎⴰⵔⵔⴰ ⵉⵎⵜⵉⵇⵇⴰⵏ ⵏⵏⴻⵙ,
ⵏ ⴰⵢⵜ ⵏ ⵉⵙⵔⴰⵉⵍ,
ⵏ ⵍⴳⴻⵏⵙ ⵉ ⴷⴷ ⴰⵙ ⵢⵓⴷⵙⴻⵏ.
ⵀⴰⵍⵍⵉⵍⵓ-ⵢⴰⵀ! ◘148:14 ⵉⵥⵀⴷ. 132:17
◘148:1 148:1 ⵍⴽ. 2:14; ⴰⵙⴰ. 5:13
◘148:5 148:5 ⴰⵎⵥ. 1:6-31; ⵉⵥⵀⴷ. 33:6, 9
◘148:6 148:6 ⴰⵢⵓⴱ 14:5, 13; 26:10; 38:33; ⵉⵥⵀⴷ. 104:5; 119:91; ⵉⵔⵎ. 31:35; 33:25
◼148:11 148:11 ⵍⵇⵓⴹⴰⵜ-ⵏⵉⵖ ‘ⵉⵎⴻⵥⵓⵔⴼⴰ’.
◘148:13 148:13 ⴰⵡⵍⵏ. 18:10; ⵉⵛⴰ. 12:4
◘148:14 148:14 ⵉⵥⵀⴷ. 132:17