9
Hudaning Nuⱨ bilǝn ǝⱨdǝ tüzüxi
1 Huda Nuⱨ bilǝn uning oƣulliriƣa bǝht-bǝrikǝt ata ⱪilip, ularƣa mundaⱪ dedi: —
«Silǝr jüplixip kɵpiyip, yǝr yüzini toldurunglar.■Yar. 1:28; 8:17. 2 Yǝr yüzidiki barliⱪ janiwarlar, asmandiki barliⱪ ⱪuxlar, barliⱪ yǝr yüzidǝ midirlap yürgüqilǝr wǝ dengizdiki barliⱪ beliⱪlarning ⱨǝmmisi silǝrdin ⱪorⱪup wǝⱨimidǝ bolsun; bular ⱪolunglarƣa tapxurulƣandur. 3 Midirlap yüridiƣan ⱨǝrⱪandaⱪ janiwarlar silǝrgǝ ozuⱪ bolidu; Mǝn silǝrgǝ kɵk otyaxlarni bǝrgǝndǝk, bularning ⱨǝmmisini ǝmdi silǝrgǝ bǝrdim.■Yar. 1:29. 4 Lekin silǝr gɵxni iqidiki jeni, yǝni ⱪeni bilǝn ⱪoxup yemǝslikinglar kerǝk.■Law. 3:17; 7:26; 17:14; 19:26; Ⱪan. 12:23. 5 Ⱪeninglar, yǝni jeninglardiki ⱪan tɵkülsǝ, Mǝn bǝrⱨǝⱪ uning ⱨesabini alimǝn; ⱨǝrⱪandaⱪ ⱨaywanning ilkidǝ ⱪeninglar bar bolsa Mǝn uningƣa tɵlǝtküzimǝn; insanning ⱪolida bar bolsa, yǝni birsining ⱪolida ɵz ⱪerindixining ⱪeni bar bolsa, Mǝn uningƣa xu ⱪanni tɵlǝtküzimǝn.■Mis. 21:12,28.
6 Kimki insanning ⱪenini tɵksǝ,
Uning ⱪenimu insan tǝripidin tɵkülidu;
Qünki Huda insanni Ɵz sürǝt-obrazida yaratⱪandur.■Yar. 1:27; Yiƣ. 4:13; Mat. 26:52; Wǝⱨ. 13:10.
7 Əmdi silǝr, jüplixip kɵpiyip, yǝr yüzidǝ tarilip-tarⱪilip kɵpiyinglar».■Yar. 1:28; 8:17.
8-9 Andin Huda Nuⱨ bilǝn uning oƣulliriƣa sɵz ⱪilip mundaⱪ dedi: — «Mana Ɵzüm silǝr bilǝn wǝ silǝrdin keyin kelidiƣan ǝwladliringlar bilǝn, xundaⱪla silǝr bilǝn billǝ turƣan ⱨǝrbir jan igisi, uqarⱪanatlar, mal-qarwilar, silǝr bilǝn billǝ turƣan yǝr yüzidiki ⱨǝrbir yawayi ⱨaywanlar, kemidin qiⱪⱪanlarning ⱨǝmmisi bilǝn — yǝr yüzidiki ⱨeqbir ⱨaywanni ⱪaldurmay, ular bilǝn Ɵz ǝⱨdǝmni tüzimǝn.■Yǝx. 54:9. 11 Mǝn silǝr bilǝn xundaⱪ ǝⱨdǝ tüzimǝnki, nǝ barliⱪ ǝt igiliri topan bilǝn yoⱪitilmas, nǝ yǝrni wǝyran ⱪilidiƣan ⱨeqbir topan yǝnǝ kǝlmǝs».□«ǝⱨdǝ» — ibraniy tilida «ǝⱨdǝm».
12-13 Huda yǝnǝ: — «Mǝn Ɵzüm silǝr bilǝn wǝ ⱪexinglardiki ⱨǝmmǝ jan igiliri bilǝn mǝnggülük, yǝni pütkül ǝwladliringlarƣiqǝ bekitkǝn muxu ǝⱨdǝmning bǝlgisi xuki: — Mana, Mǝn Ɵzüm bilǝn yǝrning otturisida bolƣan ǝⱨdining bǝlgisi bolsun dǝp ⱨǝsǝn-ⱨüsinimni bulutlar iqigǝ ⱪoyimǝn; 14-15 wǝ xundaⱪ boliduki, Mǝn yǝrning üstigǝ bulutlarni qiⱪarƣinimda, xundaⱪla ⱨǝsǝn-ⱨüsǝn bulutlar iqidǝ ayan bolƣinida, Mǝn silǝr bilǝn ǝt igiliri bolƣan barliⱪ janiwarlar bilǝn tüzgǝn ǝⱨdǝmni yad etimǝn; buningdin keyin sular ⱨǝrgiz ⱨǝmmǝ jandarlarni ⱨalak ⱪilƣuqi topan bolmas. 16 Ⱨǝsǝn-ⱨüsǝn bulutlar arisida pǝyda bolidu; Mǝn uningƣa ⱪaraymǝn wǝ xuning bilǝn Mǝnki Huda yǝr yüzidiki ǝt igiliri bolƣan barliⱪ janiwarlar bilǝn otturimizda bekitkǝn ǝⱨdǝmni yad etimǝn», — dedi.
17 Huda Nuⱨⱪa yǝnǝ: — «Mana bu Mǝn Ɵzüm bilǝn yǝr yüzidiki barliⱪ ǝt igiliri otturisida bekitkǝn ǝⱨdǝmning nixan-bǝlgisidur», — dedi.
Nuⱨ wǝ uning oƣulliri; Nuⱨning ɵz oƣulliri toƣruluⱪ bexariti
18 Nuⱨning kemidin qiⱪⱪan oƣulliri Xǝm, Ⱨam wǝ Yafǝt idi. Ⱨam Ⱪanaanning atisi boldi.□«Ⱪanaan» — muxu «Ⱪanaan» degǝn kixi «Ⱪanaaniylar»ning ǝjdadi idi. ■Yar. 6:10.
19 Bu üqi Nuⱨning oƣulliri bolup, pütkül yǝr yüzigǝ taralƣan aⱨalǝ xularning nǝsil-ǝwladliridur. 20 Nuⱨ teriⱪqiliⱪ ⱪilixⱪa baxlap, bir üzümzarliⱪ bǝrpa ⱪildi.□«teriⱪqiliⱪ ⱪilixⱪa baxlap» — ibraniy tilida «tupraⱪ ǝⱨli idi» degǝn sɵzlǝr bilǝn ipadilinidu. 21 U uning xarabidin iqip, mǝst bolup ⱪelip, ɵz qediri iqidǝ kiyim-keqǝklirini seliwetip, yalingaq yetip ⱪaldi. 22 Ⱪanaanning atisi Ⱨam kelip, atisining ǝwritini kɵrüp, sirtⱪa qiⱪip ikki ⱪerindixiƣa eytti. 23 Xǝm bilǝn Yafǝt ⱪopup yepinjini elip, mürisigǝ artip, kǝyniqǝ mengip kirip, atisining yalingaq bǝdinini yepip ⱪoydi. Ular yüzini aldi tǝrǝpkǝ ⱪilip, atisining yalingaq tenigǝ ⱪarimidi.□«yepinqi» — muxu yǝrdǝ bǝlkim atisining kiyimini kɵrsitixi mumkin. Bu sɵzdin ⱪariƣanda, Ⱨam uni dadisining qediridin elip qiⱪⱪan boluxi mumkin. 24 Nuⱨ xarabning kǝypidin oyƣinip, kǝnji oƣlining ɵzigǝ nemǝ ⱪilƣinini bilip: —
25 Ⱪanaanƣa lǝnǝt bolƣay!
U ⱪerindaxlirining ⱪulining ⱪuli bolsun,
26 U yǝnǝ: —
Xǝmning Hudasi bolƣan Pǝrwǝrdigarƣa tǝxǝkkür-mǝdⱨiyǝ kǝltürülgǝy!
Ⱪanaan Xǝmning ⱪuli bolsun.
27 Huda Yafǝtni awutⱪay!
U Xǝmning qedirlirida turƣay,
Ⱪanaan bolsa uning ⱪuli bolƣay! — dedi.□«Nuⱨ pǝyƣǝmbǝrning 25-27-ayǝttiki bexariti» — Nuⱨ pǝyƣǝmbǝrning bu bexariti üstidǝ «ⱪoxumqǝ sɵz»imizdǝ azraⱪ tohtilimiz.
28 Nuⱨ topandin keyin üq yüz ǝllik yil ɵmür kɵrdi. 29 Bu tǝriⱪidǝ Nuⱨ jǝmiy toⱪⱪuz yüz ǝllik yil kün kɵrüp, alǝmdin ɵtti.
■9:4 Law. 3:17; 7:26; 17:14; 19:26; Ⱪan. 12:23.
■9:6 Yar. 1:27; Yiƣ. 4:13; Mat. 26:52; Wǝⱨ. 13:10.
□9:11 «ǝⱨdǝ» — ibraniy tilida «ǝⱨdǝm».
□9:18 «Ⱪanaan» — muxu «Ⱪanaan» degǝn kixi «Ⱪanaaniylar»ning ǝjdadi idi.
□9:20 «teriⱪqiliⱪ ⱪilixⱪa baxlap» — ibraniy tilida «tupraⱪ ǝⱨli idi» degǝn sɵzlǝr bilǝn ipadilinidu.
□9:23 «yepinqi» — muxu yǝrdǝ bǝlkim atisining kiyimini kɵrsitixi mumkin. Bu sɵzdin ⱪariƣanda, Ⱨam uni dadisining qediridin elip qiⱪⱪan boluxi mumkin.
□9:25 «Ⱪanaanƣa lǝnǝt bolƣay!» — Yaman ix ⱪilƣini Ⱨam tursa, nemixⱪa oƣli Ⱪanaan lǝnǝtkǝ ⱪaldi? Bu mǝsilǝ toƣruluⱪ, xundaⱪla Nuⱨ pǝyƣǝmbǝrning bu bexaritining baxⱪa ⱪisimliri üstidǝ «ⱪoxumqǝ sɵz»imizdǝ azraⱪ tohtilimiz.
□9:27 «Nuⱨ pǝyƣǝmbǝrning 25-27-ayǝttiki bexariti» — Nuⱨ pǝyƣǝmbǝrning bu bexariti üstidǝ «ⱪoxumqǝ sɵz»imizdǝ azraⱪ tohtilimiz.