7
Pǝyƣǝmbǝrning azablinixliri
1 Mening ⱨalimƣa way! Qünki mǝn huddi yazdiki mewilǝr yiƣilip,
Üzüm ⱨosulidin keyinki wasangdin keyin aq ⱪalƣan birsigǝ ohxaymǝn,
Yegüdǝk sapaⱪ yoⱪtur;
Jenim tǝxna bolƣan tunji ǝnjür yoⱪtur!
2 Ihlasmǝn kixi zemindin yoⱪap kǝtti,
Adǝmlǝr arisida durus birsimu yoⱪtur;
Ularning ⱨǝmmisi ⱪan tɵküxkǝ paylimaⱪta,
Ⱨǝrbiri ɵz ⱪerindixini tor bilǝn owlaydu. ◘Zǝb. 12:1-2; Ⱨox. 4:1
3 Rǝzillikni puhta ⱪilix üqün,
Ikki ⱪoli uningƣa tǝyyarlanƣan;
Əmir «inam»ni soraydu,
Soraⱪqimu xundaⱪ;
Mɵtiwǝr janab bolsa ɵz jenining nǝpsini axkara eytip beridu;
Ular jǝm bolup rǝzillikni toⱪuxmaⱪta. ◼«Mɵtiwǝr janab bolsa ɵz jenining nǝpsini axkara eytip beridu» — «mɵtiwǝr jabab» bǝlkim padixaⱨni wasitilik kɵrsitidu. ◘Mik. 2:1; 3:11
4 Ularning ǝng esili huddi jiƣandǝk,
Əng durusi bolsa, xohiliⱪ tosuⱪtin bǝttǝrdur.
Əmdi kɵzǝtqiliring ⱪorⱪup kütkǝn kün,
Yǝni Huda sanga yeⱪinlap jazalaydiƣan küni yetip kǝldi;
Ularning alaⱪzadǝ bolup ketidiƣan waⱪti ⱨazir kǝldi. ◼«Ularning ǝng esili huddi jiƣandǝk, ǝng durusi bolsa, xohiliⱪ tosuⱪtin bǝttǝrdur» — «ǝng esili» adalǝtni burmilimaydu, pǝⱪǝt uningƣa tosalƣu bolidu! «Huda sanga yeⱪinlap jazalaydiƣan küni...» — ibraniy tilida «sening yoⱪlinidiƣan kününg» deyilidu.
5 Ülpitinggǝ ixǝnmǝ,
Jan dostungƣa tayanma;
Aƣzingning ixikini ⱪuqiⱪingda yatⱪuqidin yepip yür.
6 Qünki oƣul atisiƣa biⱨɵrmǝtlik ⱪilidu,
Ⱪiz anisiƣa,
Kelin ⱪeyn anisiƣa ⱪarxi ⱪozƣilidu;
Kixining düxmǝnliri ɵz ɵyidiki adǝmliridin ibarǝt bolidu. ◘Əz. 22:7; Mat. 10:21, 35, 36; Luⱪa 12:53
7 Biraⱪ mǝn bolsam, Pǝrwǝrdigarƣa ⱪarap ümid baƣlaymǝn;
Nijatimni bǝrgüqi Hudani kütimǝn;
Mening Hudayim manga ⱪulaⱪ salidu.
Ahirⱪi zaman toƣruluⱪ ümid — Hudaning «ⱪaldisi» sɵz ⱪilidu
8 Manga ⱪarap hux bolup kǝtmǝ, i düxminim;
Gǝrqǝ mǝn yiⱪilip kǝtsǝmmu, yǝnǝ ⱪopimǝn;
Ⱪarangƣuluⱪta oltursam, Pǝrwǝrdigar manga yoruⱪluⱪ bolidu. ◼«Manga ⱪarap hux bolup kǝtmǝ, i düxminim;...» — muxu yǝrdiki «düxminim» ⱨǝm 10-ayǝttiki «u» degǝnlǝr «ayalqǝ rod»ta kǝlgǝn bolƣaqⱪa, bexarǝt Yerusalemning Asuriyǝgǝ gǝp ⱪilƣanliⱪini, yaki bolmisa ahirⱪi zamandiki düxmini Babilƣa gǝp ⱪilidiƣanliⱪini kɵrsǝtsǝ kerǝk.
9 Mǝn Pǝrwǝrdigarning ƣǝzipigǝ qidap turimǝn —
Qünki mǝn Uning aldida gunaⱨ sadir ⱪildim —
U mening dǝwayimni sorap, mǝn üqün ⱨɵküm qiⱪirip yürgüzgüqǝ kütimǝn;
U meni yoruⱪluⱪⱪa qiⱪiridu;
Mǝn Uning ⱨǝⱪⱪaniyliⱪini kɵrimǝn. ◘Zǝb. 9:5-7; Zǝb. 43:1-2; Yǝr. 50:34
10 Wǝ mening düxminim buni kɵridu,
Xuning bilǝn manga: «Pǝrwǝrdigar Hudaying ⱪeni» degǝn ayalni xǝrmǝndilik basidu;
Mening kɵzüm uning mǝƣlubiyitini kɵridu;
U koqidiki patⱪaⱪtǝk dǝssǝp qǝylinidu. ◘Zǝb. 79:10; 115:2; Yo. 2:17
Hudaning jawabi
11 — Sening tam-sepilliring ⱪurulidiƣan künidǝ,
Xu künidǝ sanga bekitilgǝn pasiling yiraⱪlarƣa yɵtkilidu.
12 Xu künidǝ ular yeningƣa kelidu;
— Asuriyǝdin, Misir xǝⱨǝrliridin,
Misirdin Əfrat dǝryasiƣiqǝ, dengizdin dengizƣiqǝ wǝ taƣdin taƣⱪiqǝ ular yeningƣa kelidu.
13 Biraⱪ yǝr yüzi bolsa ɵzining üstidǝ turuwatⱪanlar tüpǝylidin,
Yǝni ularning ⱪilmixlirining mewisi tüpǝylidin harabǝ bolidu. ◘Yǝr. 21:14
Hudaning «ⱪaldisi»ning duasi
14 — Ɵz hǝlⱪingni, yǝni ormanda, Karmǝl otturisida yalƣuz turuwatⱪan Ɵz mirasing bolƣan padini,
Tayaⱪ-ⱨasang bilǝn ozuⱪlandurƣaysǝn;
Ⱪǝdimki künlǝrdikidǝk,
Ular Baxan ⱨǝm Gilead qimǝnzarlirida ⱪaytidin ozuⱪlansun! ◼«... ormanda, Karmǝl otturisida yalƣuz turuwatⱪan ɵz mirasing bolƣan pada...» — «Karmǝl» bolsa Israilning ǝng baraⱪsan, ǝng esil ormanliⱪ rayoni. ◘Mik. 5:3
Hudaning jawabi
15 — Sǝn Misir zeminidin qiⱪⱪan künlǝrdǝ bolƣandǝk,
Mǝn ularƣa karamǝt ixlarni kɵrsitip berimǝn. ◘Yo. 2:26
16 Əllǝr buni kɵrüp barliⱪ ⱨǝywisidin hijil bolidu;
Ⱪolini aƣzi üstigǝ yapidu,
Ⱪulaⱪliri gas bolidu;
17 Ular yilandǝk topa-qangni yalaydu;
Yǝr yüzidiki ɵmiligüqilǝrdǝk ɵz tɵxükliridin titrigǝn peti qiⱪidu;
Ular ⱪorⱪup Pǝrwǝrdigar Hudayimizning yeniƣa kelidu,
Wǝ sening tüpǝylingdinmu ⱪorⱪidu. ◘Zǝb. 72:9; Yǝx. 49:32
18 Ⱪǝbiⱨlikni kǝqüridiƣan,
Ɵz mirasi bolƣanlarning ⱪaldisining itaǝtsizlikidin ɵtidiƣan Tǝngridursǝn,
U aqqiⱪini mǝnggügǝ saⱪlawǝrmǝydu,
Qünki U meⱨir-muⱨǝbbǝtni huxalliⱪ dǝp bilidu.
Kim sanga tǝngdax ilaⱨdur? ◼«Kim Sanga tǝngdax Ilaⱨdur?» — «Mikaⱨ» degǝn isim, ibraniy tilida «kim Hudaƣa tǝngdax?» degǝn mǝnidǝ. ◘Mis. 34:6, 7; Zǝb. 103:9
19 — U yǝnǝ bizgǝ ⱪarap iqini aƣritidu;
Ⱪǝbiⱨliklirimizni U dǝssǝp qǝylǝydu;
Sǝn ularning barliⱪ gunaⱨlirini dengiz tǝglirigǝ taxlaysǝn.
20 — Sǝn ⱪǝdimki künlǝrdin beri ata-bowilirimizƣa ⱪǝsǝm ⱪilƣan ⱨǝⱪiⱪǝt-sadaⱪǝtni Yaⱪupⱪa,
Ɵzgǝrmǝs muⱨǝbbǝtni Ibraⱨimƣa yǝtküzüp kɵrsitisǝn.
◼7:3 «Mɵtiwǝr janab bolsa ɵz jenining nǝpsini axkara eytip beridu» — «mɵtiwǝr jabab» bǝlkim padixaⱨni wasitilik kɵrsitidu.
◼7:4 «Ularning ǝng esili huddi jiƣandǝk, ǝng durusi bolsa, xohiliⱪ tosuⱪtin bǝttǝrdur» — «ǝng esili» adalǝtni burmilimaydu, pǝⱪǝt uningƣa tosalƣu bolidu! «Huda sanga yeⱪinlap jazalaydiƣan küni...» — ibraniy tilida «sening yoⱪlinidiƣan kününg» deyilidu.
◘7:6 Əz. 22:7; Mat. 10:21, 35, 36; Luⱪa 12:53
◼7:8 «Manga ⱪarap hux bolup kǝtmǝ, i düxminim;...» — muxu yǝrdiki «düxminim» ⱨǝm 10-ayǝttiki «u» degǝnlǝr «ayalqǝ rod»ta kǝlgǝn bolƣaqⱪa, bexarǝt Yerusalemning Asuriyǝgǝ gǝp ⱪilƣanliⱪini, yaki bolmisa ahirⱪi zamandiki düxmini Babilƣa gǝp ⱪilidiƣanliⱪini kɵrsǝtsǝ kerǝk.
◘7:9 Zǝb. 9:5-7; Zǝb. 43:1-2; Yǝr. 50:34
◘7:10 Zǝb. 79:10; 115:2; Yo. 2:17
◼7:14 «... ormanda, Karmǝl otturisida yalƣuz turuwatⱪan ɵz mirasing bolƣan pada...» — «Karmǝl» bolsa Israilning ǝng baraⱪsan, ǝng esil ormanliⱪ rayoni.
◼7:18 «Kim Sanga tǝngdax Ilaⱨdur?» — «Mikaⱨ» degǝn isim, ibraniy tilida «kim Hudaƣa tǝngdax?» degǝn mǝnidǝ.
◘7:18 Mis. 34:6, 7; Zǝb. 103:9