107
Bǝxinqi Bɵlüm •••• 107-küy •••• Hudaning barliⱪ insanlarƣa kɵrsǝtkǝn meⱨribanliⱪi üqün tǝxǝkkür eytinglar!
1 Aⱨ, Pǝrwǝrdigarƣa tǝxǝkkür eytinglar!
Qünki U meⱨribandur, ǝbǝdiydur Uning meⱨir-muⱨǝbbiti!■Zǝb. 106:1; 118:1; 136:1
2 Pǝrwǝrdigar yaw ⱪolidin ⱪutⱪuzƣanlar,
U ⱨǝmjǝmǝt bolup ⱪutⱪuzƣan hǝlⱪi buni dawamliⱪ bayan ⱪilsun —
3 Yǝni U xǝrⱪ bilǝn ƣǝrbtin, ximal bilǝn jǝnubtin,
Ⱨǝrⱪaysi yurtlardin yiƣiwelinƣanlar buni eytsun!□«... U... ximal bilǝn jǝnubtin... yiƣiwelinƣanlar buni eytsun!» — bǝzi kona kɵqürmilǝrdǝ «jǝnubtin» degǝnning ornida «dengizdin» deyilidu; yǝni «U... ximal bilǝn dengizdin... yiƣiwelinƣanlar buni eytsun!» deyilidu (ibraniy tilida ikki sɵzning pǝrⱪi qong ǝmǝs, yǝni «yami» bilǝn «Yamin»).
4 Ular qɵl-bayawanni kezip pinⱨan yolda adaxti,
Adǝm makanlaxⱪan ⱨeqbir xǝⱨǝrni tapalmastin.
5 Aq ⱨǝmdǝ ussuz bolup,
Jeni qiⱪay dǝp ⱪaldi.
6 Andin Pǝrwǝrdigarƣa pǝryad ⱪildi,
U ularni muxǝⱪⱪǝtliridin azad ⱪildi.
7 Makanlaxⱪudǝk xǝⱨǝrgǝ yǝtküqǝ,
U ularni tüz yolda baxlidi.
8 Ular Pǝrwǝrdigarƣa tǝxǝkkür eytsun!
Uning ɵzgǝrmǝs muⱨǝbbiti üqün,
Insan baliliriƣa kɵrsǝtkǝn mɵjiziliri üqün!
9 Qünki U qangⱪiƣan kɵngülni ⱪandurdi,
Aq ⱪalƣan janni esil nemǝtlǝr bilǝn toldurdi.
10 Zülmǝttǝ, ɵlüm kɵlǝnggisidǝ yaxiƣanlar,
Tɵmür kixǝn selinip, azab qǝkkǝnlǝrni bolsa,
11 (Qünki ular Tǝngrining ǝmirlirigǝ ⱪarxiliⱪ ⱪildi,
Ⱨǝmmidin Aliy Bolƣuqining nǝsiⱨǝtini kǝmsitti)
12 — U ularni japa-muxǝⱪⱪǝt tartⱪuzup kǝmtǝr ⱪildi,
Ular putlixip yiⱪildi, ularƣa yardǝmgǝ birsimu yoⱪ idi.
13 Andin Pǝrwǝrdigarƣa yelinip pǝryad ⱪildi,
U ularni muxǝⱪⱪǝtliridin azad ⱪildi.
14 Ularni zulmǝt ⱨǝm ɵlüm sayisidin qiⱪirip,
Ularning zǝnjir-asarǝtlirini sundurup taxlidi.
15 Ular Pǝrwǝrdigarƣa tǝxǝkkür eytsun!
Uning ɵzgǝrmǝs muⱨǝbbiti üqün,
Insan baliliriƣa kɵrsǝtkǝn mɵjiziliri üqün!
16 Mana U mis dǝrwazilarni parǝ-parǝ ⱪilip,
Tɵmür taⱪaⱪlarni kesip taxlidi.
17 Ⱨamaⱪǝtlǝr ɵz itaǝtsizlik yolliridin,
Ⱪǝbiⱨlikliridin azablarƣa uqraydu;
18 Kɵnglidǝ ⱨǝrhil ozuⱪ-tülüktin bizar bolup,
Ɵlüm dǝrwaziliriƣa yeⱪinlixidu.
19 Andin Pǝrwǝrdigarƣa yelinip pǝryad ⱪilidu,
U ularni muxǝⱪⱪǝtliridin azad ⱪilidu.
20 U sɵz-kalamini ǝwǝtip, ularni saⱪaytidu,
Ularni zawalliⱪliridin ⱪutⱪuzidu.
21 Ular Pǝrwǝrdigarƣa tǝxǝkkür eytsun!
Uning ɵzgǝrmǝs muⱨǝbbiti üqün,
Adǝm baliliriƣa kɵrsǝtkǝn mɵjiziliri üqün!
22 Ⱪurbanliⱪ süpitidǝ tǝxǝkkürlǝr eytsun,
Uning ⱪilƣanlirini tǝntǝnilik nahxilar bilǝn bayan ⱪilsun!□«Ⱪurbanliⱪ süpitidǝ tǝxǝkkürlǝr eytsun,...» — yaki «Tǝxǝkkür ⱪurbanliⱪliri atisun,...».
«Tǝxǝkkür ⱪurbanliⱪi» Musa pǝyƣǝmbǝrgǝ qüxürülgǝn ⱪanun bekitkǝn altǝ hil ⱪurbanliⱪlardin biri. ■Law. 7:12; Zǝb. 50:14
«Tǝxǝkkür ⱪurbanliⱪi» Musa pǝyƣǝmbǝrgǝ qüxürülgǝn ⱪanun bekitkǝn altǝ hil ⱪurbanliⱪlardin biri. ■Law. 7:12; Zǝb. 50:14
23 Kemilǝrdǝ dengizƣa qüxüp ⱪatniƣuqilar,
Uluƣ sularda tirikqilik ⱪilƣuqilar,■Wǝⱨ. 18:17
24 Bular Pǝrwǝrdigarning ixliriƣa guwaⱨqidur,
Qongⱪur okyanda kɵrsǝtkǝn karamǝtlǝrni kɵrgüqidur.
25 Qünki U bir sɵz bilǝnla xiddǝtlik xamalni qiⱪirip,
Dolⱪunlirini ɵrkǝxlitidu;
26 Kemiqilǝr asman-pǝlǝk ɵrlǝydu,
Sularning tǝⱨtilirigǝ qüxidu,
Dǝⱨxǝttin ularning jeni erip ketidu.
27 Ular mǝst adǝmdǝk ǝlǝng-sǝlǝng irƣanglaydu,
Ⱨǝrⱪandaⱪ ǝⱪil-qarisi tügǝydu;
28 Andin Pǝrwǝrdigarƣa yelinip pǝryad ⱪilidu,
U ularni muxǝⱪⱪǝtliridin azad ⱪilidu.
29 U boranni tinqitidu,
Su dolⱪunlirimu jim bolidu.
30 Xuning bilǝn ular tinqliⱪidin xadlinidu;
U ularni tǝxna bolƣan aramgaⱨiƣa yetǝklǝp baridu.
31 Ular Pǝrwǝrdigarƣa tǝxǝkkür eytsun!
Uning ɵzgǝrmǝs muⱨǝbbiti üqün,
Insan baliliriƣa kɵrsǝtkǝn mɵjiziliri üqün!
32 Ular hǝlⱪning jamaitidimu Uni uluƣlisun,
Aⱪsaⱪallar mǝjlisidǝ Uni mǝdⱨiyilisun.
33 U dǝryalarni qɵlgǝ,
Bulaⱪlarni ⱪaⱪasliⱪⱪa aylanduridu.
34 Aⱨalisining yamanliⱪi tüpǝylidin,
Ⱨosulluⱪ yǝrni xorluⱪ ⱪilidu.
35 U yǝnǝ qɵl-bayawanni kɵlgǝ,
Qangⱪaⱪ yǝrni bulaⱪlarƣa aylanduridu;■Yǝx. 41:18
36 Aqlarni xu yǝrgǝ jaylaxturup,
Ular olturaⱪlaxⱪan bir xǝⱨǝrni bǝrpa ⱪilidu;
37 Ular etizlarni ⱨǝydǝp-terip, üzümzarlarni bǝrpa ⱪilidu;
Bular ⱨosul-mǝⱨsulatni mol beridu.
38 U ularƣa bǝrikǝt beridu,
Xuning bilǝn ularning sani helila exip baridu,
U ularning mal-waranlirini ⱨeq azaytmaydu.
39 Ular yǝnǝ jǝbir-zulum, bala-ⱪaza ⱨǝm dǝrd-ǝlǝmgǝ yoluⱪup,
Sani aziyip, pükülidu.
40 U esilzadilǝr üstigǝ kǝmsitixlirini tɵkidu,
Yolsiz dǝxt-sǝⱨrada ularni sǝrgǝrdan ⱪilidu;
41 Lekin miskin adǝmni jǝbir-zulumdin yuⱪiri kɵtürüp saⱪlaydu,
Uning ailǝ-tawabatini ⱪoy padisidǝk kɵp ⱪilidu.■1Sam. 2:8; Zǝb. 113:7, 8
42 Buni kɵngli duruslar kɵrüp xadlinidu;
Pasiⱪlarning aƣzi etilidu.■Ayup 5:16; 22:19
43 Kimki dana bolsa, bularni bayⱪisun,
Pǝrwǝrdigarning meⱨir-xǝpⱪǝtlirini qüxǝnsun!
■107:1 Zǝb. 106:1; 118:1; 136:1
□107:3 «... U... ximal bilǝn jǝnubtin... yiƣiwelinƣanlar buni eytsun!» — bǝzi kona kɵqürmilǝrdǝ «jǝnubtin» degǝnning ornida «dengizdin» deyilidu; yǝni «U... ximal bilǝn dengizdin... yiƣiwelinƣanlar buni eytsun!» deyilidu (ibraniy tilida ikki sɵzning pǝrⱪi qong ǝmǝs, yǝni «yami» bilǝn «Yamin»).
□107:22 «Ⱪurbanliⱪ süpitidǝ tǝxǝkkürlǝr eytsun,...» — yaki «Tǝxǝkkür ⱪurbanliⱪliri atisun,...». «Tǝxǝkkür ⱪurbanliⱪi» Musa pǝyƣǝmbǝrgǝ qüxürülgǝn ⱪanun bekitkǝn altǝ hil ⱪurbanliⱪlardin biri.
■107:41 1Sam. 2:8; Zǝb. 113:7, 8