□110:1 «Mǝn sening düxmǝnliringni tǝhtipǝring ⱪilƣuqǝ» — «tǝhtipǝr» padixaⱨ tǝhtkǝ olturƣanda puti turidiƣan jay.
□110:2 «Pǝrwǝrdigar ⱪudritingni kɵrsitidiƣan xaⱨanǝ ⱨasangni Ziondin uzitidu» — bu sɵzning mǝnisi bǝlkim: Huda yǝr yüzidǝ ɵz sǝltǝnitini ⱪurƣanda, tikligǝn padixaⱨ Mǝsiⱨning küq-ⱪudriti ⱨǝm ⱨoⱪuⱪi Yerusalemdin qiⱪip ⱨǝr yǝrgǝ yetip baridu.
□110:3 «Ɵz hǝlⱪing halis ⱪurbanliⱪ kǝbi pida bolidu» — «halis ⱪurbanliⱪ», 54-küy, 6-ayǝttiki izaⱨatni kɵrüng. «Muⱪǝddǝs ⱨǝywitingdǝ, xu yaxliⱪ dǝwringdikidǝk, sanga ⱨazirmu xǝbnǝmlǝr sǝⱨǝrning baliyatⱪusidin yengi qiⱪⱪandǝk qüxidu» — deⱨⱪanlarƣa mǝlum bolƣinidǝk, xǝbnǝm adǝttǝ pǝⱪǝt yapyexil otyaxlar wǝ dǝrǝhlǝrning üstigǝ qüxidu. Ⱪuruⱪ-ⱪaⱪxal bolup ⱪalƣan dǝrǝhlǝrgǝ qüxmǝydu. Kɵqmǝ mǝnisi, Mǝsiⱨ mǝnggügǝ yapyexil dǝrǝhtǝk yax turiweridu.
□110:4 «Sǝn ǝbǝdil’ǝbǝdgiqǝ Mǝlkizǝdǝkning tipidiki bir kaⱨindursǝn» — Mǝlkizǝdǝk degǝn adǝm ⱨǝzriti Ibraⱨimƣa kaⱨin (Hudaƣa wǝkil bolup ⱪurbanliⱪni ⱪobul ⱪilƣuqi) bolƣan ⱨǝm Ibraⱨim alƣan oljidin ondin birini alƣan («Yar.» 14-bab). Demǝk, u Ibraⱨimdin uluƣ idi, xunglaxⱪa Ibraⱨimning ǝwladliridin bolƣan kaⱨinlardinmu uluƣ idi. «Yar.» 14-babta deyilginiqǝ, bu sirliⱪ adǝmning ata-anisi yoⱪ idi. Injil «Ibraniylarƣa», 8- ⱨǝm 10-babni kɵrüng. «Mǝlkizǝdǝk»ning mǝnisi: «Ⱨǝⱪⱪaniyliⱪning padixaⱨi» «Amanliⱪ padixaⱨi». Undaⱪta bu yǝrdǝ «Sǝn ǝbǝdil’ǝbǝdgiqǝ Mǝlkizǝdǝkning tipidiki bir kaⱨindursǝn» dǝp bekitilixi alǝmdǝ uning ǝng aliy kaⱨin dǝp bekitilgǝnlikini kɵrsitidu.
■110:6 Wǝⱨ. 14:14-20; 16:14-16; 20:8-10
□110:7 «U yolda eriⱪtin su iqidu; u xunga kixining bexini yɵligüqi bolidu» — bu sirliⱪ gǝp bǝlkim Mǝsiⱨning kiqik peil ikǝnlikini, ⱨǝmdǝ ɵziningmu kiqik peil mɵminlǝrgǝ tǝsǝlli beridiƣanliⱪini kɵrsitidu. «U xunga kixining bexini yɵligüqi bolidu» — baxⱪa birhil tǝrjimisi: «Xunga u (ɵz) bexini kɵtüridu».