5
Nôpôpêk am ek Anyô Bêŋ anêŋ endelêm
Aiyaŋ thêlô, yêlô miŋ hatôm nato abô êndêŋ môlô esak wak lo ayôŋ alê intu ba Anyô Bêŋ tem endelêm esak loŋbô ami. * Mat 24:42-43; 2Pi 3:10; ALK 3:3Mi. Môlô bôk oyala yôv nena Anyô Bêŋ anêŋ waklavôŋ ma tem êlêm êtôm anyô vani halêm hadêŋ bôlôvôŋ. * Mat 24:39; Luk 21:34-35Avômalô tem nenaŋ nena, “Alalô lêk amô mavi ma malaiŋ mi.” Êŋ ma ketheŋ oyaŋ ma malaiŋ bêŋ tem imbuliŋ thêlô êtôm vovaŋ hapôm avi lôk lasabeŋ ek embathu. Ba tem miŋ nêsôv ami.
Ma doŋtom, aiyaŋ thêlô, môlô miŋ ômô momaŋiniŋ ek waklavôŋ êŋ indum môlô noboloba êtôm anyô vani te ami. * Lom 13:12Mi, alalô sapêŋ ma wak lo deda iniŋ avômena ma miŋ bôlôvôŋ lo momaŋiniŋ iniŋ ami. Ba intu napuki loŋ ba namô lêlê ma miŋ naŋgêk êtôm avômalô vi ami. Ma vi atu ba êk sôm, ma êk hadêŋ bôlôvôŋ. Ma vi atu ba inum waiŋ ba elo molo, ma elo molo hadêŋ bôlôvôŋ. * Ais 59:17; Ep 6:14,17Ma doŋtom alalô ma wak anêŋ ba intu napuki loŋ. Ma alalôaniŋ aêvhaviŋ lôk leŋiŋhaviŋ tem êtôm moko biŋdaluk. Ma nanêm maleŋ ek waklavôŋ Wapômbêŋ nêm alalô bulubiŋ tem êtôm akôk kuluŋ vovak.
Wapômbêŋ hatak alalô ek nêm alalô bulubiŋ esak alalôaniŋ Anyô Bêŋ Yisu Kilisi ma miŋ hatak alalô ek naja anêŋ lamaniŋ ami. Mi. 10  * Lom 14:8-9; 1Te 4:14Yani hama ek alalô ba intu alalô amô lôkmala mena ama ma hatôm amô lôkmala haviŋ yani. 11 Aêŋ ba nônêm amda thêvô lôk nobatho am loŋ êtôm intu othak udum.
Ŋê êvhaviŋ iniŋ loŋôndê nesopa
12 Aiyaŋ thêlô, yêlô anaŋ ek môlô nodovak ŋê takatu ba idum ku bêŋ hathak môlô lôk eyabiŋ môlô hathak Anyô Bêŋ anêŋ ku lôk ik auk mavi thô hadêŋ môlô ek notak kobom kambom. 13 Ma lemimimbiŋ i ba nônêm athêŋ bêŋ êndêŋ ŋê takêŋ esak iniŋ ku. Ma nômô yôhôk mavi imbiŋ am.
14  * 2Te 3:6,11Aêŋ ba aiyaŋ thêlô, yêlô asoŋ môlô lokwaŋ ek nonaŋ lôklokwaŋ êndêŋ ŋê ku mi ek nindum ku lôk nônêm ŋê takatu ba êkô thêvô ma nônêm ŋê vau hathak êvhaviŋ sa. Ma nômô maliŋyaô imbiŋ avômalô sapêŋ. 15  * Lom 12:17; 1Pi 3:9Noyabiŋ am ek wak nômbêŋ intu ma nundum mavi imbiŋ am lôk avômalô sapêŋ. Ma môlô te miŋ injik anyô yaŋ anêŋ kambom liliŋ ami. Mi.
16  * Plp 4:4Wak nômbêŋ intu sapêŋ ma lemimmavi. 17 Lôk noteŋ mek ma miŋ notak ami. 18  * Ep 5:20Ma nônêm lemimmavi êndêŋ Wapômbêŋ esak malêla takatu ba habitak. Wapômbêŋ anêŋ lahaviŋ nena môlô takatu ba ômô haviŋ Yisu Kilisi nundum aêŋ. 19  * Ep 4:30Ma miŋ numiŋ Lovak Matheŋ anêŋ ku loŋ siŋ ami. 20 Lôk miŋ nôndô abô plopet takatu ba Lovak Matheŋ hêv hadêŋ môlô ami. 21  * 1Jon 4:1Noyawê nômkama sapêŋ ma nobaloŋ nôm takatu ba mavi loŋ. 22 Ma nobasiŋ am ek kambom lomaloma sapêŋ.
23  * 2Te 3:13Wapômbêŋ da ma yôhôk anêŋ ôdôŋ ba tem indum môlô numbitak matheŋ anôŋ lôk eyabiŋ unim dahôlômim lôk auk ma kupik dedauŋ mavi ek kambom mi êndêŋ waklavôŋ atu ba alalôaniŋ Anyô Bêŋ Yisu Kilisi endelêm. 24 Ôpatu ba halam môlô hathak hasopa anêŋ abô ba tem indum aêŋ ek abô takêŋ injik anôŋ.
25  * Kol 4:3; 2Te 3:1Aiyaŋ thêlô, noteŋ mek ek yêlô. 26 Ma nokam môlôviyaŋ esak kobom yôhôk matheŋ. 27 Yahanaŋ lôklokwaŋ hathak Anyô Bêŋ anêŋ athêŋ nena nosam kapya êntêk êndêŋ môlôviyaŋ lôkthô.
28 Alalôaniŋ Anyô Bêŋ Yisu Kilisi anêŋ wapôm êmô imbiŋ môlô sapêŋ.

*5:2: Mat 24:42-43; 2Pi 3:10; ALK 3:3

*5:3: Mat 24:39; Luk 21:34-35

*5:5: Lom 13:12

*5:8: Ais 59:17; Ep 6:14,17

*5:10: Lom 14:8-9; 1Te 4:14

*5:14: 2Te 3:6,11

*5:15: Lom 12:17; 1Pi 3:9

*5:16: Plp 4:4

*5:18: Ep 5:20

*5:19: Ep 4:30

*5:21: 1Jon 4:1

*5:23: 2Te 3:13

*5:25: Kol 4:3; 2Te 3:1