21
Iesu kistal ven meatin oulu (7) onen
En avong sav tai, katau en tounah keil enek, Iesu kistal hatte tamun ven meatin keil onen en Mari Oai ten out Kaleli, koa avise mun en Mari Oai Taebirias. Koanek vi tunien usil mukave Iesu vothot en kei min keil.
En avong enek, Saemon Pita, Tomas (koa avise en Maeh), Nataniel (koa ten out Kena en provins ten out Kaleli), natin Sebede keilu, ka meatin elu mun onen Iesu aro vituai ekonek. Sion 11:16; 20:24 Saemon Pita viteni min teisav keil vit, “Maha mason net.”
Ka keil aviteni mini avit, “Komai emun mehousiluk.” Sakini, uva en vot, ka ason net en vongien va vio … out mulan, ka arkur etai mesau.
Navong meteiai kistal, Iesu mai mulomal en vali oai. Ka meatin keil onen arkileatei keke vi Iesu keinek. Luk 24:16; Sion 20:14 Viso va ven keil vit, “?Litetai keil, mukave? ?Mikur etai mesau?” Luk 24:41
Avit kesi avit, “Vuo, tovuol varei.”
Viteni min keil vit, “Miheson net onami heha en usite matu ten vot. Hemukonek, mihelah tei.” Sakini, keil ason net one. Ka navong alehei, alesi keke asakras veni alah vupon mesau varei. Luk 5:4-7
Meatin koa envatien onen Iesu mul ien viteni min Pita vit, “!Asuv keinek!” Navong Pita raengoni keke vi Asuv, musin en eisin omon (veni musin en titi kaliko tanges) ka vut vita en oai. Sion 13:23; 19:26; 20:2; 21:20 Ka meatin sav keil avalis en vot uva ut. Keil amul aleh net one koa vilelau vasi en mesau. Keil alehei mukok veni armultei soutin ran out ut, vi mita handred tai (100 m) enges.
Navong arokol out ut, ales ahang tai ten sakol mukan, ka hati mesau mul ien ral min veret koa. 10 Iesu viteni min keil vit, “Alkur tei mesau koa milahi vamai.” 11 Sakini, Saemon Pita va en vot, ka leh net koa vil en marmari mesau keil houlu. Navong avuli, avotini keke alah mesau handred tai hanumau elu ka teindan etel emun (153). Ka avaseini avi houlu mukok, arrali vastei net one. Luk 5:6
12 Iesu viteni min keil vit, “Almai alianian.” Meatin keil onen ametau keke avahisi keke vi isei, veni keil akilea vi Asuv. 13 Sakini, Iesu va ven keil, kur veret, ka sani min keil. Evus, mumoni vatte tas en mesau. Mat 14:19; 15:36; Mak 6:41; 8:6; Luk 9:16; Sion 6:11
14 Koanik vi avong hatte etel koa Iesu kistal ven meatin keil onen katau en avong koa moul eris ran matien. Sion 20:19,26
Iesu sel kat Pita ka ling revi en umen onen
15 Navong akanian evus, Iesu vis Saemon Pita vit, “?Saemon, natin Sion, anatin keke envatien* Iesu mul vis Pita munak en vati ral min envatien tai koa meas koa suval hatkatien takeih tatetaliheien. Ka Pita mul vit kesi keke envatien onen en Iesu suval koa tunali keil akuri. onom mul enau muli meatin sav keil ekek?” Mat 26:33; Mak 14:29
Pita vit kesi vit, “Asuv, keik kokilea vi anatin keke ek vatuk suval tuak tai.”
Iesu viteni mini vit, “Kihengan titi sipsip keil osak.”
16 Hatte elu, Iesu visi vit, “?Saemon, natin Sion, anatin keke envatien onom mul enau?” Umen 20:28; 1Pit 5:2
“Asuv, keik kokilea vi anatin keke ek vatuk suval tuak tai.”
Iesu viteni mini vit, “Kilei kat revi sipsip keil osak.”
17 Hatte etel eni, Iesu visi vit, “?Saemon, natin Sion, anatin keke em vat inau suval tumali tai?” Sion 16:30
Pita longe tisa ka tin mis, veni Iesu visi hatte etel eni vit, “?Anatin keke em vat inau suval tumali tai?” Sakini, vit kesi mini vit, “Asuv, keik kokilea en tounah vasi. Keik kokilea anatin keke ek vatuk suval tuak tai.”
Iesu viteni mini vit, “Kihengan sipsip keil osak. 18 Ka anatin eli naviteni minuk keke navong kovi litetai semau, kosak meseinuk ka kokilea kova en out vasi em vati. Ka navong kimatu revi, kitelan hem ka mesav tai hesin enuk ka helamunuk kiha en out koa em hervattei kovaha ien.” 2Pit 1:14 19 Iesu selus mukok keke vahit luvat hemukave Pita hehati lat isen Ahi heka en matien onen. Tunien telamu keil aviteni keke, sua 30 katau en avong enek, me-Rom keil avuli kat Pita ka amulamuni uva keke avati kati en aiveave. Ka veni Pita longe suval rovinvintei keke hemat en vati sakien koa Iesu mat eni, vis keil iti kati vatin hehita netan ka alen hina nesa. Sakini, amuti kati mukonek. Koanek kur out en sua 64 AD. Sion 12:33; 18:32
Evus, Iesu viteni mini vit, “Kiles kusil kat nau.” Mat 4:15; Luk 14:27; Sion 13:36
20 Pita viles, ka les meatin Meatin enek vi Sion koa mutis tus enek. koa envatien onen Iesu mul ien (kei koa varengein Iesu navong akanian vituai ka visi vit, “?Asuv, isei varei hemae latuk?”) Sion 13:23,25; 19:26; 20:2; 21:7 21 Navong Pita lesi, vis Iesu vit, “?Asuv, mukave en meatin ekek?”
22 Iesu vit kesi mini vit, “Munak ek vati keke hemoul hetokol avong koa nimai ris, rovitei usite onom kovailea. !Ka keik, kiles kusil inau!” Mat 16:28 23 Ven selusien enek, longlongien eva keke meatin koanek onen Iesu hermattei. Ka Iesu rovitentei keke hermattei. Viteni vit, “Munak ek vati keke hemoul hetokol avong nimai ris, rovitei usite onom kovailea.”
Selusien ekor
24 Inau varei navi meatin enek koa Iesu vit usili. Inau namul navit usil tounah keil ekek ka namutis kati, ka nakilea keke tounah vasi koa navit leini vi anatin. Sion 19:35
25 Iesu mumon tounah keil houlu mok mulin asa koa namutis kati. Munak itis tounah vasi koa mumoni en tus keil, namundemi navit out rovinvintei en out netan keke avalingi ien. Sion 20:30

21:2: Sion 11:16; 20:24

21:4: Luk 24:16; Sion 20:14

21:5: Luk 24:41

21:6: Luk 5:4-7

21:7: Sion 13:23; 19:26; 20:2; 21:20

21:11: Luk 5:6

21:13: Mat 14:19; 15:36; Mak 6:41; 8:6; Luk 9:16; Sion 6:11

21:14: Sion 20:19,26

*21:15: Iesu mul vis Pita munak en vati ral min envatien tai koa meas koa suval hatkatien takeih tatetaliheien. Ka Pita mul vit kesi keke envatien onen en Iesu suval koa tunali keil akuri.

21:15: Mat 26:33; Mak 14:29

21:16: Umen 20:28; 1Pit 5:2

21:17: Sion 16:30

21:18: 2Pit 1:14

21:19: Tunien telamu keil aviteni keke, sua 30 katau en avong enek, me-Rom keil avuli kat Pita ka amulamuni uva keke avati kati en aiveave. Ka veni Pita longe suval rovinvintei keke hemat en vati sakien koa Iesu mat eni, vis keil iti kati vatin hehita netan ka alen hina nesa. Sakini, amuti kati mukonek. Koanek kur out en sua 64 AD.

21:19: Sion 12:33; 18:32

21:19: Mat 4:15; Luk 14:27; Sion 13:36

21:20: Meatin enek vi Sion koa mutis tus enek.

21:20: Sion 13:23,25; 19:26; 20:2; 21:7

21:22: Mat 16:28

21:24: Sion 19:35

21:25: Sion 20:30