15
Angelo oulu (7) akur pesin oulu (7) koa mahien ten vurohien onen Ahi amul ien
Evus nales mari tounah sal tamun kistal en teilang koa sakinau namundem usil aneite teni. Nales angelo oulu (7) koa akur kat mahien oulu. Mahien keil ekek avi mahien ekor koa hetie lat vurohien ekor onen Ahi. Lev 26:21; Rev 15:6
Evus, en out nesa nales out suval navong atas mutolas ka mekaikai suval kilas koa ahang emun mul ien. Nales koakeil amulomal keih ka amuli en vaeen ten demkatien va kat tirendan tisa koa mulamu, nana onen ka hulhulien ten isen. Keil amulomal vesesal en atas koa suval kilas, ka avuli kat harp keil one koa Ahi sani min keil. Keil amusau en souen onen Mosis, eiloheh onen Ahi, ka souen onen kei koa suval sipsip avit,
“Ahi Asuv ten Keihoen,
tounah keil komumoni marite ka tahos imok. Eks 15:1; 15:11; Sam 92:5; 111:2; 139:14; Amos 3:13; 4:13; Rev 1:8; 4:8; 11:17; 16:7,14; 19:6,15; 21:22; Dut 32:4; Sam 145:17; Ser 10:10
Kovi Asuv Houlu ten kantri vasi keil,
ka sakien keil vasi onom mal ka vi anatin.
Meatin vasi keil ihouhou minuk.
Keil ihati lat isom en hetetamenien,
veni keik kos kovi votut. Ser 10:6-7; Sam 86:9; Mal 1:11
Kantri vasi keil imai ka iha netan enuk,
veni alei kilea sakien ten maluen onom.”
Katau suk, nalele en out nesa, ka nalesi keke asehen out votut, neim en Eim Tavolin onen Ahi. Eks 38:21; 40:34 Angelo koa oulu (7) amea ran Eim Votut koa isan mahien oulu min meatin keil ten out netan. Keil amusin en eisin tamuoh koa muto ka merendas, ka en veimase, amuan kaliko koa kala teni suval gol. Lev 26:21; Rev 15:1 Evus, tai en tounah ehat (4) koa moul, kei sasan retai en more pesin koa amumoni en gol min angelo keil koa avi oulu (7). Pesin keil enek avilelau en vurohien onen Ahi koa moul lises ka lisenges. Sam 75:8; Aes 51:17,22; Ser 25:15; Rev 14:10; 16:19 Tupas ten hetetamenien ka keihoen onen Ahi sien Eim Votut. Sakini meatin sakras vaha neim ien vatokol keite ten mahien oulu koa angelo oulu akur kati. Eks 40:34; 1Ki 8:10-11; 2Kron 5:13-14; Aes 6:4; Esek 44:4

15:1: Lev 26:21; Rev 15:6

15:3: Eks 15:1; 15:11; Sam 92:5; 111:2; 139:14; Amos 3:13; 4:13; Rev 1:8; 4:8; 11:17; 16:7,14; 19:6,15; 21:22; Dut 32:4; Sam 145:17; Ser 10:10

15:4: Ser 10:6-7; Sam 86:9; Mal 1:11

15:5: Eks 38:21; 40:34

15:6: Lev 26:21; Rev 15:1

15:7: Sam 75:8; Aes 51:17,22; Ser 25:15; Rev 14:10; 16:19

15:8: Eks 40:34; 1Ki 8:10-11; 2Kron 5:13-14; Aes 6:4; Esek 44:4