1 Musa issmun marra tamesmunt n ayt n Israil uca inna asen: “Ina d awařen nni yumur SIDI, ḥima ad ten teggem. ◘35:1 34:32 2 Setta n wussan ad tegged řxedmet u ass wiss sebɛa ad awem yiři iqeddes, aqa d ssebt, arraḥet tmun i SIDI. Kuř ijj, wenni dayes iggin ca n řxedmet, ad ittwaneɣ. ◘35:2 Uf. 20:8; 31:15; Lawi 23:3; Aɛwd. 5:12; Lk. 13:14 3 War tessruɣim kenniw timessi di marra tizeddiɣin nwem deg wass n ssebt.” ◘35:3 Uf. 16:23

4 Issiweř Musa ak-d marra tamesmunt n ayt n Israil, inna: “D wa d min iweṣṣa SIDI, umi inna: ◼35:4 D wa d min iweṣṣa SIDI - s Tɛibranit ‘D wa d awař i yumuren SIDI’. 5 ‘Ksim zi min ɣarwem ict n tewhibt n usgeɛɛed i SIDI. Kuř ijj, wenni umi yennurzem wuř nnes, ad tt yawi, aqa-tt d tawhibt n usgeɛɛed i SIDI: ureɣ d nnuqart d nnḥas, ◘35:5 Uf. 25:2 6 afiřu adeḥmi d urjuwani d uzeggʷaɣ iḥedqen d řeqṭen azdad d ccɛar n iɣayḍen, ◘35:6 Uf. 25:4 7 iřmawen izeggʷaɣen n icarriyyen d iřmawen n ddenfiřat d ukeccuḍ n ukasiya, ◘35:7 Uf. 25:5 8 zzect i tfawt, řeɛṭur i zzect n wedhan u i řebxur ittfuḥen, ◘35:8 Uf. 25:6 9 iẓra n uniks d iẓra iɣřan nneɣni, maḥend ad ten ggen x upalṭu u x tejmect. ◘35:9 Uf. 25:7; 28:17, 20 10 Marra inni iǧan jar awem s wuř d amiɣis, ad dd-asen ad ggen marra min yumur SIDI: 11 Tazeddiɣt, Aqiḍun nnes d tseqqaft nnes d tsennarin nnes d tfeřwin nnes d tḥenya nnes n uɛarreḍ d ipilaren nnes d tyarsawin nnes, ◘35:11 Uf. 26:26 12 d Ttabut ak-d iɛumad nnes i tarebbut d tqebbart n weṣřaḥ d uřeḥḥaf i dduri, 13 d tzewḍa ak-d iɛumad nnes i tarebbut d marra řeqcuɛ nnes d weɣrum n wescan, ◘35:13 Uf. 25:23, 30 14 d řqendiř i tfawt d řeqcuɛ nnes d teftiřin nnes d zzect i tfawt 15 d uɛalṭar n řebxur ak-d iɛumad nnes i tarebbut d zzect i wedhan d řebxur ittfuḥen d arwaq n wadaf ɣar wadaf n Tzeddiɣt, ◘35:15 Uf. 26:36; 30:1; 31:11 16 d uɛalṭar n wecmaḍ d tracca nnes n nnḥas d iɛumad nnes i tarebbut d marra řeqcuɛ nnes d tbanyut s uḍar nnes, ◘35:16 Uf. 27:4; 30:18 17 d řizarat n řemraḥ, ipilaren nnes ak-d tyarsawin nsen d arwaq i wadaf n řemraḥ, ◘35:17 Uf. 27:9, 16 18 d řewtad n Tzeddiɣt d řewtad n řemraḥ d ifiřan nsen, ◘35:18 Uf. 27:19 19 arruḍ i řxedmet deg Uqeddas, arruḍ iqeddsen n ukehhan Harun d warruḍ n warraw nnes, maḥend ad xedmen am yikehhanen.’ ”◘35:19 Uf. 28; 31:10 20 Xenni ffɣen nitni, marra tamesmunt n ayt n Israil, ggʷejen zi zzat n uɣembub n Musa.

21 Xenni yusa-dd kuř ijj, wenni umi inhezz wuř nnes, u marra wenni umi innurzem buḥbeř nnes, uca iwyen-dd nitni tawhibt n usgeɛɛed, tenni ssgeɛɛden nitni ɣar SIDI, d tenni i ɣa yiřin i Uqiḍun n Umsagar u i tsexxart i dayes u i warruḍ iqeddsen. 22 Ammu dd-usin iryazen jmiɛ ak-d temɣarin, marra inni umi innurzem wuř nsen uca iwyen-dd timessakin d texrazin n umezzuɣ d tinzar d txudan n ucemmiɛ d tseddiyin s wedmam n wureɣ d marra řeqcuɛ n wureɣ, wah, kuř ijjen yiwi ict n tewhibt n wenhezzi n wureɣ i SIDI. 23 Marra wi ɣar ittwaf afiřu adeḥmi d urjuwani d uzeggʷaɣ iḥedqen niɣ řeqṭen azdad niɣ ccɛar n iɣayḍen niɣ iřmawen izeggʷaɣen n icarriyyen niɣ iřmawen n ddenfiřat, iwyen-dd man aya. 24 Marra wi issgeɛɛden tawhibt n nnuqart niɣ n nnḥas, iwyen tawhibt-a n usgeɛɛed ɣar SIDI, d marra wi ɣar ittwaf ukeccuḍ n ukasiya i marra řxedmet n tsexxart, iwyen man aya.

25 Marra timɣarin s wuř amiɣis ttqarḍcent s ifassen nsent uca nitenti iwyent-i-dd min qareḍcent: afiřu adeḥmi d urjuwani d uzeggʷaɣ iḥedqen d řeqṭen azdad. ◼35:25 s wuř amiɣis - s Tɛibranit ‘amiɣis n wuř’.  ◘35:25 Awřn. 31:19 26 Marra timɣarin nni umi inhezz wuř nsent s tiɣit, qareḍcent ccɛar n iɣayḍen.

27 Řḥukkam iwyen-dd iẓra n uniks d iẓra iɣřan nneɣni, ḥima ad ten ggen x upalṭu u x tejmect, 28 řeɛṭur d zzect i tfawt d zzect i wedhan u i řebxur ittfuḥen. ◘35:28 Uf. 25:6

29 Ayt n Israil wcin s řxaḍar i SIDI, marra iryazen d temɣarin, inni umi inhezz wuř nsen, maḥend ad wcen s řxaḍar i marra řxedmet nni yumur SIDI, ḥima ad tᵉttwagg s tsexxart n Musa.

30 Xenni inna Musa i ayt n Israil: “Xzarem, SIDI iřaɣa-dd i Baṣaliyil, mmis n Uri, mmis n Ḥur, zi řaǧ n Yahuda, s yisem nnes. ◘35:30 Uf. 31:2 31 Iccur i-t Arruḥ n AREBBI s tiɣit d řeɛqeř d tussna u s marra min ittxeṣṣan n tzemmar n ṣṣnayeɛ ◘35:31 Uf. 31:3; Ica. 11:2; 1 Kur. 12:8; Kul. 1:9 32 i uxemmem n ɛřam kuř ireqqamen, ḥima ad ten yegg s wureɣ d nnuqart d nnḥas, ◘35:32 Uf. 31:4 33 u i uneqqac n iẓra iɣřan d usarsi nsen, u i uneqqac n ukeccuḍ u ḥima ad igg marra ireqqamen s lfenn. ◘35:33 Uf. 31:5 34 Igga Arebbi deg wuř nnes tawengit i useřmed, deg wuř nnes u deg wuř n Ahuliyab, mmis n Axisamak, zi řaǧ n Dan. 35 Iccur i-ten s tiɣit n wuř, maḥend ad ggen marra řxedmet: řxedmet n taneqqact d warcam d umudi s ufiřu adeḥmi d urjuwani d uzeggʷaɣ iḥedqen d řeqṭen azdad uřa d řxedmet n uxeyyaḍ.” Nitni ggin kuř řxedmet u ttsaqaren arcamen s lfenn. ◘35:35 Uf. 26:1