1 “Ifrayim ittenneḍ ayi s uxarriq u taddart n Israil s řɣecc, maca Yahuda ittetliɛ ɛad ak-d Arebbi u ak-d Umqeddas Ameqqran d amtiqqi. 2 Ifrayim d ijj n umeksaw yuyur awarni i usemmiḍ. Ass marra yarenni ixarriqen d ureddeǧ. Nitni ggin ijj n řɛahd ak-d Accur uca ttawyen zzect ɣar Miṣra.”

3 “SIDI ɣares ijj n umcubbec ak-d Yahuda u Netta ad igg s Yaɛqub ɛlaḥsab ibriden nnes, ad t ixeǧeṣ am mammec timegga nnes. 4 Deg uɛeddis n yemmas iṭṭef umas ɣar unirz u řami tuɣa d aryaz ijhed immɛařa ak-d AREBBI. ◘12:4 Amz. 25:26; 35:9, 10 5 Netta tuɣa immneɣ ak-d lmalak uca iɣřeb. Iru, iḥeccem i-t. Yufa i-t di Bayt-Il u dinni issiweř Netta akidneɣ, ◘12:5 Amz. 28:12, 19; 35:7, 14, 15 6 wah, SIDI, AREBBI n řɛeskarat, SIDI d Isem nnes i řidaret. 7 Dweř ɣar AREBBI nnec, ḥḍa tamexsiwt icewwaren d řḥeqq, u sitim řebda i AREBBI nnec.”

8 “Kenɛan ɣares ijj n řmizan iɣecc deg ufus nnes, itteɛjib as ad ibeɛɛej. 9 Maca Ifrayim iqqar: ‘Necc dewřeɣ d bu-wagřa, yarweɣ ict n řeksibet d tameqqrant i yixef inu. Di marra řxedmet inu war dayi ttifen ca řmuɛṣiyyet nni iǧan d ddenb.’ ”

10 “Necc d SIDI, AREBBI nnec, zeg wami teffɣem kenniw zi temmurt n Miṣra. Necc ad cek jjeɣ ad tzedɣed deg iqiḍan am deg wussan n tmesmunt di řexřa. ◘12:10 Ica. 43:11 11 Necc ad ssiwřeɣ ɣar inabiyyen u Necc ad arniɣ řewḥiy aṭṭas u s ufus n inabiyyen ad ssiwřeɣ s řemtuř.”

12 “Mařa tuɣa Jilɛad d řmuɛṣiyyet, xenni dewřen nitni xwan qaɛ di Jilɛad. Aqa qeddmen din ifunasen. Uřa d iɛalṭaren nsen dewřen d iɛurricen n iẓra di řexḍuḍ n iyyaren.◘12:12 Ḥuc. 4:15; 6:8; 9:15 13 Yaɛqub yarweř ɣar jjwayeh n Aram u Israil tuɣa ittsexxar x yict n temɣart, u netta yarwes taḥimart di ṭṭweɛ n yict n temɣart, ◘12:13 Amz. 28:5; 29:20, 28 14 maca s yijj n unabi issgeɛɛed SIDI Israil zi Miṣra u s yijj n unabi yarwes i-t. 15 Ifrayim tuɣa isɛar i-t aṭṭas. S uya ad yejj SIDI idammen nnes ad xas dd-asen u Sidi nnes ad as ixeǧeṣ řḥegra nnes.” ◘12:15 Ica. 65:7