1 Uca inna AREBBI i Yaɛqub: “Kkar, geɛɛed ɣar Bayt-Il uca qqim din. Egg din ijj n uɛalṭar min xef i ɣa tessarsed taɣarṣt i Arebbi, wenni d ac dd-ibanen umi dd-tarewřed zeg uɣembub n umac Ɛisu.” ◘35:1 Amz. 27:43; 28:12, 13. 2 Xenni inna Yaɛqub i řwacun n taddart nnes u i marra inni tuɣa akides: “Kksem irebbiten iɣriben nni iǧan jar awem, sizedgem ixef nwem uca beddřem arruḍ nwem. ◼35:2 irebbiten iɣriben - man aya ixs ad yini ‘laṣnam’. Uřa di ayet 4. 3 Ad nekkar, ad ngeɛɛed ɣar Bayt-Il. Necc ad ggeɣ din ijj n uɛalṭar i Arebbi nni xafi dd-yarrin deg wass n řeḥṣaret inu, d wenni tuɣa akidi deg webrid nni uyureɣ.” 4 Uca wcin i Yaɛqub marra irebbiten iɣriben nni tuɣa ɣarsen uřa d tixrazin deg imezzuɣen nsen uca iffar i-ten Yaɛqub sadu tcejjart n yigg i tuɣa zzat i Cakim. ◼35:4 nni tuɣa ɣarsen - s Tɛibranit ‘inni deg ifassen nsen’ 5 Řami fesyen iqiḍan, uyuren ssenni, tuɣa tiggʷudi n AREBBI x tneddam nni tuɣa di jjwayeh i d asen dd-innḍen, ařami nitni war ḍeffaren iḥenjiren n Yaɛqub. 6 Ammu i yiweḍ Yaɛqub ɣar Luz di temmurt n Kenɛan, aqa-tt d Bayt-Il, netta d marra řgens i tuɣa akides. 7 Ibna din ijj n uɛalṭar uca iřaɣa i wemcan nni Il-Bayt-Il, minzi dinni i d as dd-iḍhar AREBBI, umi dd-yarweř zeg uɣembub n umas. ◘35:7 Amz. 28:19.

8 Temmut Dibura, tamesseṭṭaḍt n Rifqa uca neḍřen tt swadday i Bayt-Il, sadu tabeǧuḍt uca iřaɣa isem nnes ‘Allun-Bakut’, aqa-tt d ‘tabeǧuḍt n imeṭṭawen’. 9 Iḍhar as-dd ɛawed AREBBI i Yaɛqub umi dd-idweř zi Fadan-Aram uca ibark i-t. ◘35:9 Ḥuc. 12:5. 10 Inna as AREBBI: “Isem nnec d Yaɛqub. Zi ssa d tsawent war tteggen ɛad isem nnec ‘Yaɛqub’, maca ‘Israil’, d wa i ɣa yiřin d isem nnec.” Uca isemma t Israil. ◘35:10 Amz. 32:27; 2 Ij. 17:34. 11 Inna as AREBBI: “Necc d Arebbi, Amzemmar x kuřci! Egg řɣiǧet, mmarniy! Zzayek i ɣa iffeɣ ijj n řgens, wah, d ijj n wegraw n řegnus ad ffɣen zzayek u ijeǧiden ad ffɣen zi tejɛinna nnec. ◘35:11 Amz. 17:1, 6; 28:3; 48:3 12 Uca tammurt-a i wciɣ i Ibrahim d Isḥaq, i cek umi tt i ɣa wceɣ uca uřa i zzariɛet nnec awarni ac ad wceɣ tammurt.” 13 Xas uca igeɛɛed AREBBI sennej zeg wemcan mani kides issiweř. 14 Yaɛqub issgeɛɛed ijj n weẓru n řidaret deg wemcan mani kis issiweř, ijj n weẓru n řidaret. Iseyyeb xas ict n tewhibt n useyyeb uca ifarreɣ zzect x uzeǧif nnes. ◘35:14 Amz. 28:18. 15 Igga Yaɛqub isem n wemcan mani kides issiweř AREBBI ‘Bayt-Il!’

16 Fesyen nitni iqiḍan nsen, ffɣen zi Bayt-Il uca umi tuɣa tteggwijen mɣir cwayt x Ifrata, xenni turuw-dd Raḥil u teɛdu xas tarwa teqseḥ. ◼35:16 Ifrata - isem-a wanita ixs ad yini ‘min itticen řɣiǧet’ niɣ ‘wenni itticcen řɣiǧet’. 17 Imsar, umi teɣɣuḍed di tarwa nnes, tenna as řqabřa: “War tteggʷed, aqa wa ɛawed ad yiři d mmim!” 18 Řami teḍřeq i buḥbeř am temmut din, aqa třaɣa as Bin-Uni, isem-a ixs ad yini ‘mmis n řeḥriq inu’, maca babas iřaɣa as Binyamin, ixs ad yini ‘mmis n zzhar inu’. ◼35:18 Bin-Oni - isem-a wanita ixs ad yini ‘mmi n řeḥriq inu’. Binyamin - isem-a wanita ixs ad yini ‘mmi n ufus yefusi’. 19 Ammu i temmut Raḥil uca neḍřent tt deg webrid ɣar Ifrata, ixs ad yini Bayt-Laḥm. ◘35:19 Amz. 48:7. 20 Uca igga Yaɛqub ijj n weẓru n řidaret x wenḍeř nnes. D wa d aẓru n řidaret n Raḥil x wenḍeř n Raḥil ař ass-a.

21 Xas uca ifsi Israil iqiḍan uca iwta aqiḍun nnes x uɛeddu n Majdal-Ɛidr. 22 Umi izdeɣ Israil di temmurt nni, imsar belli Rubin iruḥ iṭṭeṣ ak-d Bilha, tayya n babas, uca yiweḍ ad t ifhem Israil.

Aqa řexxu iwḍen ayt n Yaɛqub tenɛac. ◘35:22 Amz. 49:4.

23 Tarwa n Liya tuɣa aten: Rubin, amenzu n Yaɛqub d Cimɛun d Lawi d Yahuda d Issakar d Zabulun. ◘35:23 Amz. 46:8; Uf. 1:2. 24 Tarwa n Raḥil tuɣa aten: Yusuf d Binyamin. 25 Tarwa n Bilha, tayya n Raḥil, tuɣa aten: Dan d Naftali. 26 Tarwa n Zilpa, tayya n Liya, tuɣa aten: Jad d Acir. Ina tuɣa aten d iḥenjiren n Yaɛqub inni d as dd-ittwaxeřqen di Fadan-Aram.

27 Uca yusa-dd Yaɛqub ɣar babas Isḥaq di Mamri, di tendint n Arbaɛ, tenni iǧan d tandint n Ḥabrun, mani tuɣa Ibrahim izeddeɣ am ubarrani, uca Isḥaq amenni awarni as. ◼35:27 tandint n Arbaɛ - niɣ ‘Qaryat-Arbaɛ’. 28 Iddar Isḥaq mya u-tmanyin n iseggʷusa. ◼35:28 Iddar Isḥaq ... - s Tɛibranit ‘Uca tuɣa wussan n Isḥaq ...’ 29 Iḍřeq Isḥaq i buḥbeř, immut uca immarni ɣar řgens nnes, iwsar, ijjiwen zi tudart, uca Ɛisu d Yaɛqub, iḥenjiren nnes, neḍřen t. ◘35:29 Amz. 25:8.